قيـثـ حروفي ـــارة

[((عبدالله بن غيث))]

http://up3.m5zn.com/get-6-2008-k6072cq1ocn.jpg

[((عبدالله بن غيث))]

الرابط :

http://up3.m5zn.com/get-6-2008-0ggp3ys5e8c.gif

[((عبدالله بن غيث))]

[poem=font=",6,burlywood,normal,normal" bkcolor="black" bkimage="" border="outset,4,sienna" type=2 line=0 align=center use=ex num="0,black""]
((يامن يطيق الصبر))

يامن يطيق الصبر يامن يطيقه=مليت من دربي وأدور رفيقـي
كلن على ماقيل يعرف طريقه=وأنا غشيماً سارحاً في طريقي
متضارباً مابين حزناً وضيــــــــقه=متضايقاً والكون كله يضيقي
ودمعي على الأجفان يشعل حريقه=وأنا تلهب بالظماير حريقي
رماح بعدك ياحبيبي زريقــــــــه=متهـاجمة مرات فرد وفريقي
عديت ساعاتي وكم من دقيـــقه=وأشوف صرعاتي تغرغر بريقي
وأطراف جسمي ياحبيبي رقيقه=ماقوا على حملي وجسمي رقيقي
أعيش متفائل بنور الحقيقه=متى نشوف النور يضوي فريقي
متى تزور البيت ولا تويقه=متى تعيش بموق عيني غريقي
متى نعيش الوقت مثل الخليــقه=متى يقوم الحظ ولا يفيقي
ونعيش ماضـــينا ونطعم رحيقه=من دون عثراتاً تبلاَ طريقـــــي

((عبدالله بن غيث))
[/poem]

[((عبدالله بن غيث))]

[poem=font=",6,orange,normal,normal" bkcolor="black" bkimage="" border="inset,4,chocolate" type=2 line=0 align=center use=ex num="0,black""]
((رفعة سموك))

زيدي كحل عينك على هجمة الليل=وارمي حجابك والثياب وخلقها
لاتسأليني ليه من غير تعليل=حطي نقاطك للحروف وورقها
سبحان رباً صورك دون تقليل=كمل صفاتك من خيال وفرقها
واويل كبداً ضامها الزين واويل=ويلاً على ويلاً تزايد حرقها
زينك يزيد الزين رقة وتجميل=مالك شبياً والخلايق محقها
رفعة سموك كوكباً يضوي الليل=والا سماتك كالنجوم وبهقها
مصيونة مرفوعة مابها قيل=جل وتعالا من بفضله عتقها
خوفي من النقصان والشرك والميل=وأخاف من خوض البحور وغرقها
أصبح قضينا والشعر فيك تظليل=لجة بحر وش لو نجيك بعبقها
تنظري في صاحبك وأنظري حيل=جهد السنين اللي مضت وش سرقها؟

((عبدالله بن غيث))
[/poem]

[((عبدالله بن غيث))]

[poem=font=",6,silver,normal,normal" bkcolor="black" bkimage="" border="ridge,4,silver" type=2 line=0 align=center use=ex num="0,black""]
((الحب بلوى))

أون ونة مولعا دقه الياس=عاف الحياة وكثر الله خيره
أونها واقطع القلب والراس=تكثر هواجيسه ويغلب نظيره
شبعت من قولت سلامات لاباس=والباس يكوي بالظماير سعيره
مادامني في عالم الحب منداس=مالي علاج ولالكسري جبيره
الا ان تبلتني بعيناً كما الماس=يمكن تشافيني ولو هي خطيره
والا تواعدنا على غفلة الناس=ليلاً من الرحمه علينا ستيره
واخذت منها غايتي بعد الفلاس=وارويت كبدي من حشاها وبيره
والا وصاتي سجلوها على ساس=تعرف سواتي والنوايا سفيره
الحب بلوى تبتلي كل حساس=والا خباث الناس منهم فقيره
أما تصبر طيب النفس بأنفاس=والا أنحرم شم الزهر مع عبيره

((عبدالله بن غيث))
[/poem]

[((عبدالله بن غيث))]

[poem=font=",6,crimson,normal,normal" bkcolor="black" bkimage="" border="outset,4,darkred" type=3 line=0 align=center use=ex num="0,black""]
((أنت الحبيب اللي له الروح تنساق))


سلمت لك كل الوثايق والاوراق=واعلنت حبك في زمان الغبينه
ياصاحبي حبك نقشته بالاعماق=ماهمني قول العواذل وشينه
انت الحبيب اللي له الروح تنساق=سوق البحور ليا متطتها سفينه
الساق من شانك تسابق مع الساق=كني رهيناً عاش باقي سنينه
خذني شتات ارجوك مع وقت الأشراق=وأجمع شتاتي في مساك وأنينه
ورتني الدنيا بلاوي وانا باق=زهرة شبابي توها مستبينه
حسيبها رب البرايا والارزاق=رب الحقوق الناقصه والثمينه

((عبدالله بن غيث))
[/poem]

[((عبدالله بن غيث))]

[poem=font=",6,orangered,normal,normal" bkcolor="black" bkimage="" border="groove,4,coral" type=2 line=0 align=center use=ex num="0,black""]
((الطفل الصغير))


ألا ياليتني طفــلٍ صغــــــــــــــير=أمهد بالبطــــــــــــــــانة والسرير
وإلا مني بكيت وقمت اصـــارخ=ضرير صابني سقما يذير
تشالتني هنــــوف القوم هـــذي=صغيرة سن والمـــــــــبسم يحير
وحبتني علـــــــى خدي وفمـــي=وبصابعها على وجهــــــي تعير
وضمتني على النحر الزجاجـي=ثوانــــــــي ولا انا بعــــد متغير
سقا الله ذا النحر وشلون جمع=حنان الكون في صدراً صغير
ولو ماني على خوف من الـلـه=لاقول النور من حسنه ينير
جمال عيـــون والمكحل طبيعي=ولواحظ شهب في تالي قصــير
وذروة خشمـــــــها سيفٍ مهند=بســــــــاح المعركة ذل المغير
ومبسم ورد يزهر فــــي ربيعه=زهوراً بيض سبحان المصير
ودورة وجــــــــهاها بدرٍ تكمل=خلقه الله مع جفني خشير
ولو ماني علــــى صغر اتغزل=لصير كل لحظاتي واسير
ولكن نكتفي مــــاكان كـــــافي=ألين يقـــــــوم هالطفل الصغير

((عبدالله بن غيث))
[/poem]

[((عبدالله بن غيث))]

[poem=font=",6,red,normal,normal" bkcolor="black" bkimage="" border="outset,4,darkred" type=2 line=0 align=center use=ex num="0,black""]
((ترا النظر عن شوف غيرك حرمته))

هونت ياقلبي عن الحب هـــــــــونت=مالي ومال الحب دامي ملـــــــــــــكته
لو تطلب برنته طبعنا لك بــــــــرنت=حتى تعرفه مثل ماني عرفته
ارخصت لجـله عملة الين والسـنت=والحمد لله عشته اليوم عشـــــــــــته
ياصاحبي من زود ماغليك ايقنــــت=بحر الجمال بموق عينك رسمــــــته
حتى كتبت بدفتري ثــــــــــــم دونت=ترا النظر عن شوف غيرك حرمــته
أستغفر الله من خطا النفس لو هنت=زين العذارى ياحبيبي سلبته
لو ساقني حظي لغيرك علــــى بنت=في ليلة فيها السواد وعتمــــــــــــته
بشيل مشلاحي وأذري بــــه البنـت=وحرام من قلبي لو أني فهقـــــــــته
ولو أطمع ان العين بتزيغ لو سنت=شفتوا سواد العين ؟ بيدي فضخـته
أعلنتك بعمري وبعد موتي اعلنــت=إنك حياة الروح والقلب صنــــــــته
مازانت علومــــــــي لغيرك ولازنت=حتى غطست ببحر حبك وعمــــــته
واليوم تستاهل حياتـــي لك أرهنت=لانك ملكت القلب وأنهيت صمــــته

((عبدالله بن غيث))
[/poem]

[((عبدالله بن غيث))]

[poem=font=",6,darkred,normal,normal" bkcolor="black" bkimage="" border="double,4,crimson" type=2 line=0 align=center use=ex num="0,black""]
((السراب))


لاتحسبن الشوق فيني لك شوي=الشوق في قلبي تفجر سدوده
البعد موتي والغلا صار يطوي=والفكر هاجر بي وعدا حدوده
أشوف زولاً قاصد البيت يضوي=وتضحك لي شفاته ووردي خدوده
وليا قحصت أصافح أيديه يلوي=وأموت من هجره وكثرت صدوده
حتى عرفت أنه هواجيس وروي=سراب قفراً هاجمتني فهوده
تعال ياورقاً به اللحن يغوي=وصل مراسيلي وعطني ردوده
أبيه يبرد ضامري بعد ماكوي=وتسيل وديانه وتحيا عدوده


((عبدالله بن غيث))
[/poem]

[((عبدالله بن غيث))]

[poem=font=",6,chocolate,normal,normal" bkcolor="black" bkimage="" border="outset,4,sienna" type=2 line=0 align=center use=ex num="0,black""]
((الوصية))


أتوجد وأحترق لامــــــــــن طرى=وأنكوي بالكبد ويفــــوع الصديد
سم حالي هد عودي وانــــــبرى=سنته بالشلف وأمواس الـــــحديد
واوجودي وجد من ليله ســـــرى=مذهباً قطعة حـــــــــلاله بالشديد
شر علي اليوم يا (عامر) تــــرى=صاحبك ماعاد به صــــــــبراً يفيد
خابرك بالطيب من بد الورى=دايماً هرجك به الراي الســـــديد
صد بي خلي وخــــــلاني ورى=غرته دنياه وأغـــــــــواه الجديد
صاحب القصــات مع جل وغرى=قايده بالدرب مــــــــــقواد العبيد
آه لو يدري بحالـــي وش جرى=تاركاً نفسي على غبة جليد
كود يرجـــــع ويتفاداني ذرى=حضنه اللي يرجـــــع العمر ويعيد
والوصية كان طال المحــــترى=والغضي ماجابه الحــــــظ السعيد
أدفنوني بعد موتي بالعـــرى=وأذكروني بالخبل ولا الشهـــــيد


((عبدالله بن غيث))
[/poem]