يا انا .. يا أول ثانوي

[أبوطروق]

صح لسينتس ولسين اختس


هديبا ليه ماتدخلين الاختبار بدل اختس؟ وتري ماحد داري هذي هديبا ولا مشاعل

بس اعجبن البيت اللي فيه DR‏ وشلون جا على باله


اقول قوليله تترك عنه الدكترة وتهتم بالشعر يقولون فيه مسابقة شعر بعد كم شهر وخاصة بالنساء والجايزة مليونين

:

[ابو عارف]

ما رديت علي يابوعارف تبي نسوي ردية مع باقي منتديات القبائل الأخرى .

قل أيه خل نروح نأخذ البيرق ونولي به (والله ما أظنه وخويك أسلمي مقرود ) .

--------------------------------------------
مالك لواء يافتى

[أهداااب]

هلا اهدااااب

بداية اقول يارب يوفقها ويوفق جميع الطلبة

وبعدين تقولين على الاهمال هذا كله تبي تصير دكتورة ...

عشم ابليس بالجنة

عليكم بتشجيعها ... مو تسوون مدرج وتقعدون تصفقون ..

لا افصد التشجيع المعنوي ..

وبيني وبينك .. شلها بالدراسة .. ترى الشاعر هالايام ياخذ راتب احسن من الدكتور ..

خلوها شاعرة ...


تحياتي ياخت الشاعرة

هلا منصور


ايه تشجيع معنوي هذا انا كل ليلة أعطيها محاضرة في الثقه بالنفس والقدرات

وغيرك مو احسن منك عاااد انا بفلسفة علم النفس أعجبك

وهذا اللي مخليها ما تشكي لأحد غيري



وانت صادق ان الشاعر هالايام مو بس يأخذ فلوس اكثر الشهره اهم من الفلوس

وهذاانا متخرجه ولا حصلت وظيفه

يعني هي اللي بتحصل وظيفه على وقت تخرجها يالله العفو والعافيه



والله يوفق الجميع ويوفقك ياعريس المضايف


شكراً على المرور

[أهداااب]

يالله أن توفقها يارب وتوفق الكل...


والله تحفة هاالقصيدة جد...
خخخخخخخخخخخخخخخخخخخ


يالله بالتوفيق للكل...

تحياتي للجميع

هلا كحل المحاجر


الله يسمع منك وتنجح وتفكنا من هالأول ثانوي


<< تحس انها هي اللي تدرس مو بأختها


شكراً على المرور

[أهداااب]

الله يوفقه أن شاء الله ويوفقتس وأشوا أنه مابقالي ألا سنه وأفتك من هالبلوه االلي أسمه دراسه

انا اشهد ان الدراسه بلوووه


مامنها فكاك


الله يوفق الجميع ويوفقك وتخرج وتفتك


والله جلسة البيت شي اسأل مجرب <<< تبي تخربك


شد حيلك عشان تكبر المخده وترتاح


شكراً سناعيس على المرور

[أهداااب]

الله يوفقه ان شاء الله

وتنجح من هالاول ثانوي


ما شاء الله اختك شاعرة مبدعه

والقصيدة جزله

اللهم آمين


انك توفق الجميع


ايه هي من ناحية شاعره شاعره و انا اضمنها


وهذي مو بأول قصيده لها


شكراً حمود على المرور

[أهداااب]

اخاف أنه تقلدني هذي


أنا ارسب ماافصل زيه



هديبا أول مره تجينا بالفله ومشاركه رائعه






بعدين لاتحطمون الشباب الطموح خلوها يمكن يجي بيوم من الأيام تعالجكم وتقولون له يادختوره







أنا طموحي مدير للمكله العربيه السعوديه مافيها شي








هديبا كل الشكر لك على هالمشاركه ..

هلايوسف


حي الله الباشا معلم حتت الفله الشربات فين يافتحيه <<< البارح شايفه فلم ابيض واسود


اجل انت واختي مشاعل سوا ما منكم غير الكسل والرباده


هي بنت احس عادي لو ماتنجح لأن ما وراها مستقبل غير الزواج أم انت شاب يخزي العين


يعني لازم تأمن مستقبلك


الغريب ان العايله عندنا كلهم دوافير واولهم انا


كلهم مدرسين الطقه الثلاث اللي اكبر مني


ماغير أثنين هالمشاعل واحد مصرقع دون منها


ماهقوتي بيجبوا شهايد سنعه


اما مدير المملكة هه هه هههااااي


لو قلت مساعد مدير المملكة ارحم


شكراً يالعمدة على المرور

[أهداااب]

الله يوفقه ويوفق جميع شباب وشابات المسلمين

صحيح هي تحتاج تشجيع ، فالتشجيع أول درجة لصعود والنجاح ، أما التعليق هو قتل الطموح وخصوصا عند الناشىء .

اللهم آمين ويوفقك انت بعد


من ناحية تشجيع قسم قسم انا مو مقصرين معه


اي مدرسه تبيها نقول حاضر على هالخشم ننقلك لها


لكن هالبنت تربية خدمات مدلعه حيييييل


لو تشوف زله بسيطه من مدرسة او زميله لها


قالت ما ابي اروح مدرسة مجتمع متخلف


>> فيها غرور


شكراً فتى البيدى على هالكلام الطيب و هذا من حسن ذاتك


ودمت كما تحب

[أهداااب]

ههههههههههههه والله قصيدته تحفه ــــــــــــــــــ ناصر الفراعنه الا بيتين



معروف ان الشاعر لاتضايق وكتب قصيده ــــــــــــــــــ خلاص يروح الهم اللي فباله لأن الشعر فعلاً باب لتنفيس المشاعر


الله يوفقه وتجاوز هالاولى ثانوي


انا ولد خالي بالكويت ماهو بعيد عنه ــــــــــــــــــ رسوب والسنه بسنتين


تخرج من الثانوي ونسبته جيد ــــــــــــــــــــ مسكة غلط الا يبي يدخل كلية الهندسه

وفعلاً دبرو له واسطه بحب الخشوم وتسنع ـــــــــــــــ اللحين رابع مستوى معدله 4 من 5


ماتدرون يمكن يصير له شان


بالتوفيق



هديبا ــــــــــــــ نيابةً عن يوسف اقولتس لا له عاده تجين للفله

ماهو انتي حرمتي الفله ـــــــــــــــــــ وش طرا لتس هاه

مصيول


ناصر الفراعنه هههههههههه


والله ماهي بعيدة عنه لما تعصب عيونها تغدي مثل الفناجيل


ولد خالك هذا مسكته غلط وبقووووه


في ناس ما يطري عليهم المستقبل والنجاح الا وقت متأخر


طرواي اخر الليل


الله يوفق ولد خالك ويوفق الجميع


اما الفله فكتبت فيها لأنها مسكت معي غلط مثل ولد خالك هههه


شكراً مصيول على المرور

[أهداااب]

ننتظر وماراح نسمح لك بالقطاعه

[/quote]


ماهنا قطاعه ان شالله


بأكون على تواصل معكم يا اهل الفله


ماشالله هالقسم من بد الأقسام فيه نشاط اكثر


وعسى دوووم هالتميز لمضيف الفله و أعضاء ومشرفين الفله


شكراً لك