.
[poem=font=",6,white,normal,normal" bkcolor="transparent" bkimage="" border="none,4," type=2 line=1 align=center use=ex num="0,black""]
أشعلت من واهج حروفي قناديل = أما ضويت الليل ولا ضواني
القاف .. والدله .. وشقر الفناجيل = أخذتهم جاهه لـ .. ليل ٍ غشاني
أحب راسك تعتقا ً منك ياليل = معك السهر ياليل غلطة زماني
هدوئك الصاخب مثل نسمة النيل = لا داعبة صدري وشوقي دعاني
تهديني الوحشه من الضيقه إكليل = وأصل قبل لا أصل .. وأنا في مكاني
يصير جوّ القاهره سمّج بالحيل = وأضفّ عفشي وأرتحل في ثواني
مالي وطن غير العيون المضاليل = اللي وطنها بين عوج المحاني
قلبه ذراي من العنى والغرابيل = عمرين أعيش / إحساسها عمر ثاني
يشّطح قصيدي / لا ذكرت المغازيل = خطواتها بالأرض تنبت حناني
وأهيم بالممنوع / وأحط .. وأشيل = من راسي .. أفكار الثمر .. والأغاني
أهبّل العاقل .. وأعقّل مهابيل = لو أرسم الدله .. بريشة جناني
لا كيل إلا كان مايطفح الكيل = ولا صبر إلا صبر جمر الأماني
جمر الأماني !!! صرخة الجرح .. والهيل = الملح عود بنكهة الزعفراني
ريق السما .. شُهده على الفستق يسيل = بسمة خجل طفل ٍ ملكّع وعاني
كنه يذكّرني بضحك المناديل = يوم إنقطف فيها من الديدحاني
نبتت عصافير اللقاء بالمواويل = حاولت أكف الصبح لكن عصاني
أبوس راسك .. بأنسجن فيك ياليل = عذبني أكثر .. أعترف .. حب جاني
وأرسم على جدارك .. خُطى سكة الريل = وأشعل دفى ليل ٍ ببردي حواني
جهنمك جنه .. لـ .. كفر التعاليل = وأنا عزاي .. أعرف عدل .. كيف أعاني
وأحفر بصدري قبر أدق التفاصيل = وأقرى على روحه قصيد وأغاني
[/poem]
.
رد مع اقتباس
المشاركة الأصلية كتبت بواسطة ريال الفسحه
المفضلات