البنت اللي ماتراعي لي ولا ترقمن ماعنده ذوق
السلام عليكم ورحمة الله وبركاته .......
الله لايصبحكم إلا بالخير وشلون لوناتكم عساكم بخير يالربع ...؟؟ والله ودي انكم بخير كلكم لا لا لا لا لا مو كلكم بس اللي يرد علي
عجزت أنام
يالربع اكتشفت اكتشاف خطير والله العالم انه ياطق مخي من كثر التفكير ولا بي بلا ولا ان وجهة نظري صحيحه ... النوم كلكم تعرفونه
أعتقد والله أعلم انه يحس بنا وفيه من صفات البشر يعني مرات يمزح بس مزحه ثقيل ومرات يزعل وفيه صفات كثيره هالمعلومات اكتشفتهن قبل شوي ..
تبي تقولون شلون .....؟
هذا وانا اخوكم كل ماغطيت وخلاص نمت الا شي بسيط طار عني النوم مرتن وحده واذا رحت وجلست اتابع لي برنامج ولا شي جاني النوم ... واذا رجعت للفراش نفس الحركه يخليني اغط وينحاش واقوم قل عيون سروق
وش اسوي تهقون اني خلاص وليت واروح احجز بشهار اصرف لي ولا ان وجهة نظري صحيحه ..!!
المهم نرجع للماضوع ... بما اني طفشان ومندبلتن تسبد تسبد تسبدي وافكر اشرب فلاش استخرت وقلت اكتب موضوع ختامي واشرب الفلاش ...
انتن يابنات ياترقميني ولا تمدحني ولاتتميلحن عندي ولا ترن ماعندكن ذوق
والله العظيم هذي وجهة نظر بعض الشباب المصابين بمرض وهو الترفيع والتشويت قصدي المدح اللي مدري وش يبي
<_ هو منهو اللي وش يبي
___> مدري
هذا فيه واحد وللأسف أني أعرفه ... ماخذن مقلب بنفسه وماهو حول روحه
لدرجة انه يقولها وبكل وقاحه اي بنت ماتطالع لي ماعندها ذوق وش عرفها للذوق ...!!!!!
صراحه من عرفته مااعجبني فيه الا شي واحد ....
كبكات شاريهن من قطر احسن شي شفته فيه ...
الولد هذا سالفته سالفه ... أول كنا نسميه الضربون من ريحته اللي اول مايلف مع راس الشارع نشمه
وطبعا كان الولد عادي ولاهو شايفن نفسه وحبوب وشكله عادي وفيه سمار شوي بس عقب فتره قلب ألف وأربع مية مليون درجه وشكله عادي وفيه سمار شوي
غبت عنه تقريبا سنتين ويوم قابلته عقب هالفتره الا الولد اذا سولف يميل راسه من زود الدلع وثوبه يغيره ثلاث مرات باليوم ومايسولف الا بالماركات طبعا هو يقرا عنهن بالجرايد زيه زي اغلب الشباب والبنات يقرا ويجي يكمل نقصه
أنا طارت عيوني اراعي للولد وهو يكلم بالجوال ماني مصدق ان هذا فلان اللي انا سميته الضربون وسميته ابو سبله
الولد يالربع وابصم بالعشر انه مغير صورته بالبطاقه لأني اذكره اسمر وعقب صايرن تقل لبنانيه قصدي لبناني ...
المهم دق جواله وهو يرد والصوت ناعم قصمن بالله ان صوت البنات اخشن منه وقال أوكي نو بربلم يلا انا بزي الحين وقفل بوجه اللي يكلمه الخط
وأبلشن الا اتعشا عنده باللي ماهداني ومن قرادتي المعهوده قبلت دعوته للعشاء ... طبعا الولد عقب دريت برستيجه مايسمح له يعزم على مفاطيح وحاجات بدو مايعزم الا بمطاعم الخبر ومو اي مطعم بعد مايتنزل
يوم ذلف قصدي راح وانا والله يالربع عيوني طايره وفاتحن فمي ووجهي قالبن 180 درجه
<_ الاخ وجهه فرجار
___> انزلع بس
وهم يضحكون العيال اللي عندي من درجة كثر ماوجهي تحول بسبت الصدمه
قلت يالربع تكفون واحد بكم يجي يصفقن مع راسي بله دبة غاز ماني مصدق اللي شفته أكيد انا بحلم
هذا وش بلاه وش اللي جرا عليه تكفون علموني قولي اي شي لو تسذب قولو خطفوه فضائيين وزينوه قولو اي شي بس خلوني استوعب اللي صار
قالو لي السالفه وابي أخليكم تشاركوني حزني وهمي من ناحية التفكير وقلة النوم ... ومن الصدمه اللي شفته من هاللي متحول
سالفته هذا يقولون مرتن مولي هو مع اهله للسوق المهم ان فيه عبده باعته ورقمته ..
وهو ماصدق خبر وصار يكلمها وصار يتروش بموية ورد ومستحيل ياكل اي وجبه وماياكل معه ورد رومنصي ....
المهم تخبرون البنات اذا بغن يرفعن بالواحد يرفعن بوه ويخلنه زي اللي بدعايا رد بول تطلع له جنحان ويطير بالعجه ...
وهو من النوعيه اللي مسكين ماعنده ثقه بنفسه ويصدق عمره وياخذ مقلب بروحه ويصير انسان مدري وشو لا مو انسان اعتقد يصير كنداسه اقرب تشبيه له ...
يقولون العيال عقب فتره يايوسف الولد صار مايحلق الا عند الفلاني ( ينعم لك شدوقك بــ50ريال) وعقب ماكان يحلق عند هندي بمحظة بنزين على طريق ابو حدريه ...
شوي شوي وصار الولد تطول رجله يروح لعطارين يشتري خلطات تبيض
شوي شوي وصار الولد يكثر من روحاته لمحلات اللي تبيع ماركات بس عشان يشوف ويعرف ..
وعقب فتره صار يبلش العيال وش رايكم بصورتي هذي وشرايكم بجزمتي هذي وش رايك بجسمي صار استغفر الله .... <_ سبه هههههههههههههههههههههههههههههههه
السبب كلكم عرفتوه العبده هي اللي عطته جوه تخيلو يقولون تبسي اذا راح للسوق تغار عليه هههههههههههههههههههههههههههههههههههههههه هههههههههههههه
وهو اخذ مقلب انه فعلا وسيم ومرغوب وعليه سوق <_ على كم السوم
وصار يروح للمجمعات كل يوم ويروح للكورنيش كل ليلة خميس والبنت اللي ماتاخذ رقمه يقولها وبكل ثقه ...... أنتي الخسرانه
المهم شوي شوي بدو الشله يصرفونه ولا ياخذونه معهم من حركاته وسوالفه كله قبل شوي فيه بنت بالبقاله اذتني بعيونها كلتني اكل ولا يقول لهم بقفل جوالي ازعجوني البنات الا اعطيهم وجه ههههههههههههههههههههههههههههههههههههههه
طبعا أبي أخليكم بالصوره اكثر اسمه اول ...... والحين سامي
طبعا مابي اذكر اسمه تخبرون اخاف على روحي ولا ودي بعد انزل لكم صوره قبل وبعد
<_ نذل حافظ له صور وهو لابس شورت برتقالي
المهم انا طلعت شياطيني قلت توي تحمست بروح معه
يوم جا الموعد وادق عليه وهو يمرن ونروح للمطعم الفلاني وشوفو شلون اول انا اللي اعلمه الحين هو اللي يقولي تر هالمكان راقي انتبه تتكلم بصوت عالي وانتبه ترد على جوالك اذا دق عليك شخص بدوي معفن لأنهم نشبه ويطولون بالمكالمات
للمعلوميه هو بدوي أول وأنا بدوي وهو يضحك ويتطنز على البدو مايدري انهم انظف منه واحشم منه ... أول يالربع كان سرواله من كثر ماهو اصفر لو يعضه **** مات
المهم قلت ابشر ياسامي الدلوع
نظام المطعم على قولتهم بوفيه مفتوح وانا من اللعانه والشيطان اللي براسي هكالليله نويت اخليه يبتسي من الاحراج
وأخبص بالصحون واصوت للموظفين ياصديق بصوت عالي قدام العالم بس كذا محد عارفني وابي احرجه ابو ...
المهم يوم جينا على الطاوله وهي يطلع فوق راسي زي اللي بالرسوم المتحركه اللي يمسك شوكه
قلت ابي أكل بيدي وهي تطير عيونه ويقوم يتلفت ويقول يوسف تكفى بليز لاتحرجنا ماتوقعتك كذا .. قلت ياخي ماعمري بحياتي مسكت ملعقه الا مره كنت اشرب الحمام اللي انا مربيه علاج
هو درا اني ناوي استعلن وهو يقوم ماتعشا انحاش ... وانا آخذ راحتي وأكل على كيفي وهو يدق واعطيه مشغول
يوم طلعت قالي نبي نمر الراشد نبي نتقهوى وناخذ لنا لفه .... قلت اتعب انا ياللفه على وجهك هذا يالله رح قدام لعنبو من يقولك لا اليوم ابيك انا احبك من زمان
المهم وحنا جالسين يقولي ياخي ربي يعيني خايف تشوفني وحده من صديقاتي وتقعد تحرجني الا اتقهوى معها والله يالربع وهي تطير عيوني صحيح هالمره قلت اقول ياتوم كروز شوي شوي على روحك تر دبتك قربتك
وأبلشن كل سوالفه البنت الفلانيه والبنت الفلانيه وأنا ماني يمه اطالع فوق واصفر ابي افقع مرارته ..
وربك كريم وهن يمرن من قدامنا ثلاث بنات وتخبرون الانسان الا يتلفت اذا مر من عند مكان وهو على طول حلله انهم اعجبو فيه
قال يالله نبي نروح نرقمهم ... قلت ماعليش انا شين واخرب عليك رح انت مزيون وولد كشيخ انا ثوبي قصير واسمر وحالتي لله ..وهو ينقز هي نيته
ويوم ذلف وادق على العيال ابيهم يفزعون يجوني يلحقون علي لاانجلط وهو يشغل السبيكر خويي ويقعدون يتشمتون بي وهم يقفلون بوجهي ...
قلت انتظره الين يجي الحلو ونمشي
ماخذيت شوي الا هذا هو يدق وعنده صوت ازعاج غير طبيعي وتشتيم قال ألحق تعالي بالدور الثاني ... وانا اروح فزاع استانست فيه هوشه
يوم جيت يالربع الا خويي بس بالسروال والفانيله ... اتريه مدبوب ومدقوقن خشمه هههههههههههههههههههههههههههههههههههههههه ههههههههههههههه
انا بي ضحكه وبي زعله ماهان علي ينجلد مع انه يستاهل
وانا اقول وينهم اللي ضربوك هاقين بروحي ... يوم قال هذولاك وهو يأشر عليهم وهم يراعون لي ويبوني بس اقول شي يالربع الواحد يده كبري وبيني وبينكم لحد يدري تروني ذليت وبلعت العافيه مافيه اغلى من العمر
المهم سحبوه الامن لمكتب الهيئه وهم يجيبون البنات واخوانهن اللي شفتهم انا يوم اجي 3 اتري فيه غيرهم اربعه بعد جالدينه جلد ويبي يقطونه من الدور الثاني بس فكوه العالم
جا المطوع وهو يراعي لخويي قال انت كم مره اقولك لاتطب المجمع وكم مره اوقعك على تعهد وكم مر اصفقك
الولد طلع تاريخه اسود عندهم ...
قال المطوع وش مسوي لكن هذا بعد ... قالت وحده منهن كان يلاحقنا من محل لمحل وآخر شي دخلنا محل ملابس نسائيه يعني لواحق حريم
وهو يجي بجنبهن ويقول هذا الفلاني حلو عليك اعتقد انك راح تغطين على فلانه
خربه صح
وهي تدق على اخوانه وهم يجونك مطبقين ويصفقونه تصفيق محترم اول ماهو بالمحل وانحاش منهم على ماطلع من المحل الا اللي جايين عقب بوجهه وهم يمسكونه ويجلدونه
المهم انا يوم شفتها كذا طلعت من المكتب واركب لي تكسي وانحاش ...
عاد بعدها بيوم وهو يجينا بالمقهى وسئله واحد من العيال قال ياخي غصب الا ترقمهم ... قال بكل ثقه وتعالي <_ رافعه خشمه فوق
انا ألف من تتمنى مني اشاره بس ...وماخسران الا هم اقص يدي اذا ماهم الحين يعضون اصابع الندم
ويارب دخيلك استر ياستار وختامه اعذروني على الاطاله واي واحد فيكم يبي يجلد هاللي بالسالفه اوصف له بيته
يلا نشوفكم على ألف خير وداعا يافلة حجاج وختامه مسك
رد مع اقتباس
المفضلات