علمي بها بأيام سن الطفوله

[الاطرق آل هذال]

السلام عليكم

أول مشاركه لي معكم من بوحي المتواضع

اتمنى ان تنال شيئآ من استحسانكم

[poem=font=",7,black,bold,normal" bkcolor="transparent" bkimage="http://www.shmmr.net/vb/mwaextraedit2/backgrounds/13.gif" border="none,4," type=2 line=1 align=center use=ex num="0,black""]

علمي بها بأيام ســـــن الطفـــوله=
=عهد البرائه والغلا بين الاطــفــال
نلعب ونمرح وانتلاقا بسهــولــــه=
=نتبادل الضحكه على كل الأشكـــال
لو اتأخر يوم جــتني ذهــولــــــــه=
=يسوقها لي الغلا دون مرســــــــال
حتى منامي بعض الأحيان حـولـــه=
=متعودٍ معها على الضحك وجــــدال
بالليل اخوّفــها ولاهـــي زعــــولــه=
=تقـول مانـي خـايفـــه وانت حــــيّال
لاقلت جاك الذيب جتني جـفولـــــه=
=وليا اشبكتني قلت ياعمــري ظـلال
وكم مرةٍ قلــت ادرســي ياكسـولـه=
=تضحك وتعفشني تقول انت محـتال
ماني سواتك وتحسبني مهبولـــــه=
=شطّوره ولابي مثل غيري هــــــبال
وكم مـرّةٍ مــثّلت دور البطـــولــــــه=
=افـزعلها واسـوّي ســوات الأبطـــال
كل ماأشتكت من طفل زوّد فضـولـــه=
=ابهــدلـــه واعطــيه كــفٍ لـياعــــال
كبرت وصارت نور عيني خجــولــه=
=واصبح وجودي حولها يسبب اشكال
قالت تضل النفــس يمــّك مـيولـــــه=
=واشفــق لشوفـك يابعــد كـل الأزوال
والله مانــي من وجــودك ملــولــه=
=لكــن بلاي بعينهم صــرت رجـّــال
زولك طويل وصعب حولـي قبولـه=
=ومرات اشوفك تلبس شماغ وعقال
ترى الأهل راحو لبوك وشكــولــه=
=وادري المفارق بيننا فيه غربـــال
والله مهما حاولــو أو حـكـولــــــه=
=تبقى الحبيب اللي له القلب مــيّال
ياما منعني والدي عن وصولـــــه=
=وياما على ضهري عطاني من عقال
قال الغلا له حـد واعــرف اصـولــه=
=واللي مثل سنّك يصيرون عقـّــــال
مايدري ان العقل صعــبٍ حلولــــه=
=واجسامنا تنبض بها قلوب جهّـــال
وشفيك يادنيا مــشيتي عـجـــولـــــه=
=كم ضاع بأسبابك أمــــانـي وآمـــال
من بعـــد ماكنت انتظر شوف زولـه=
= قامت تبكينــي صـــورها والأطـــلال
الروح صارت بالفــراق معــلولـــه=
=وصار الغلا لصويحبي حب بهبــال
ياحظ منهو في حـــياته ينولـــــــــه=
=ملاك بعيوني على الأرض تخـــتال
جاها حظيظٍ غيري ووافـقـولــــــه=
=وتحطــمـت بقلوبنا كــل الآمـــــــال
راحـت بعــيد وصارت بغير دولــــه=
=لكـــن غـلاهـا بالحــشا حــــي لازل
ماطـاع قلــبي في غلاهـا عــذولــه=
=ولايمكــن انساها ولا أطيع عـــذّال
ليت الزمن يرجع بنا للطـفولـــــــه=
=وابقـى طفل . ماودّي اصير رجّــال
[/poem]

الاطرق بن بدر الهذال

[شاعر مبتدي]

صح لسانك ولاهنت على هالروعه
بصراحه اكثر بيت اعجبني هو التالي
لاقلت جاك الذيـب جتنـي جفولـه
وليا اشبكتني قلت ياعمري ظـلال
والبيت الذي اضحكني من قلب هو التالي
ياما منعني والـدي عـن وصولـه
وياما على ضهري عطاني من عقال
والبيت الذي احزنني هو التالي
من بعد ماكنت انتظر شوف زولـه
قامت تبكينـي صورهـا والأطـلال
اخوي الاطرق اعجبتني وضحكتني واحزنتني في وقت قرائتي لهذه الشامخه
ختام الله يوفقك لما فيه كل خير وتقبل تحيات اخوك مشعل حمود

[الثمالي]

الاطرق

نص رائع من روعته اكاد اجزم انه من واقع تجربة لاخيالات شاعر

فعلا عشت اجواء الحب وساعات الحيره وغصص الالم


شكرا لك مدد


النادر

[أبو فيصل]

صح لسانك


عندما تمتزج المعاناه وواقعها في حياة شاعر

قد تمكن بروعه من صقل بأسلوبه الخاص حروف القصيد
فلا بد ان يتولد ابداع خاص به فقط

مره اخرى صح لسانك
ولا خلينا ولا عدمنا تواجدكم

[ابو ضاري]

الاطرق ال هذال صح لسانك وبيض الله وجهك

ونفتخر ان تكون معنا فى مضايف شمر

[الاطرق آل هذال]

صح لسانك ولاهنت على هالروعه
بصراحه اكثر بيت اعجبني هو التالي
لاقلت جاك الذيـب جتنـي جفولـه
وليا اشبكتني قلت ياعمري ظـلال
والبيت الذي اضحكني من قلب هو التالي
ياما منعني والـدي عـن وصولـه
وياما على ضهري عطاني من عقال
والبيت الذي احزنني هو التالي
من بعد ماكنت انتظر شوف زولـه
قامت تبكينـي صورهـا والأطـلال
اخوي الاطرق اعجبتني وضحكتني واحزنتني في وقت قرائتي لهذه الشامخه
ختام الله يوفقك لما فيه كل خير وتقبل تحيات اخوك مشعل حمود

اخوي العزيز

مشعل حمود

صح بدنك وتسلم يالغالي على تكرمك بالمرور

اسعدني وجودك في صفحتي المتواضعه ونور الموضوع


ملايين الشكر لك ولاعدمت وجودك الطيب


تقبل مني كل التقدير

[فايز عيد الشمري]

الاطرق ال هذال بدايه موفقه صح لسانك على هالرائعه وحياك الله بمضايفنا
الحبيبه وننتظر روائعك

[محمد الهزاع]

أخوي

صح لسانك ولاهنت

بدايه موفقه ورائعة

تقديري لك

[عبدالله معيوف المويس]

صح لسانك يالاطرق

قصيده رائعه

[هاني العجل]

.




الشيخ الأطرق آل هذال



مبدع .. وحضور أعطيته من شموخك الشي الكثير



نبقى بإنتظار هطول إبداعك هنا



دمت لي قبل الشعر



.