احيان الشخص تاخذ به ظروفه الى الشواطي افكاره لكي يتوجد على حاله
اليكم نبضة من النبضات .........
[poem=font=",6,white,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
الحال... والغربه... وكثر الاماني=عزاني بهجر الخوي يوم ناديت
اعرض بوجهي والمفارق دعاني=برر سواتي يوم فيني تماديت
كني غريقن بين بحر ومواني=حي(ن)ولاكن صورتي تشبه الميت
واللى احسبه راس مالي..جفاني=احزامي لامني عن الخلق غفيت
وش حيلتي؟؟ لاصار طيبي عماني=ماشي على النيه على وين؟ ماجيت؟؟
احدن اليامنك عرفته تعاني=واحدن اليامنك عرفته....تعليت
نسيت منهو بالنصيحه عطاني=لاواحسافه ليتني ماتناسيت !!
شوف الذنوب الشايكه بالمحاني=شفني اكابر للقطيعه تغاضيت
يشهد لي بيتي والسكك والمباني=والحي شاهد صورتك يوم صديت
انسان وربي للخطى مانفاني=مفروض تعذرني اليامني زليت
عشمت نفسي بالامل والتهاني=هزيت فنجالك قبل ماتقهويت
ابسئلك؟؟مير اني عارف مكاني=وش فودي؟ اليامني بكفك تقويت
الهم والضيقه وهجرك حداني=الله يسامحني عسى اكون مخطيت
ماعاد تنفعني دموع الاماني= كتمتها بصدري وصدري توابيت
والشعر...اهداني حروف ومعاني=قدر موازين العنا لاتوازيت
لقيت نبضات القصايد ثواني=لاكنهن اهدني واسمع صدى البيت
((مدام كل اللى على الكون فاني=اذبحني اليامني عن العز تراخيت[/poem]
رد مع اقتباس
المشاركة الأصلية كتبت بواسطة صبحي التومي
المفضلات