اباغض النظر...قصيده هزليه

**Samer** · 04-06-2002 05:42

السلام عليكم جميعا:

كما وعدتك ياأخ محارش (مدور حرش) بأن اشارك بشئ غير منقول نظرا لحساسيتك الزايده من المنقول...هئنذا اكتب لك هذه المشاركه الشعريه وعساها تنال رضا الأخوان بهالمضيف....

في سنة 1998 وتحديدا في ولاية تكساس-مدينة هيوستن...كنت في جامعة رايس...وزارني جني الشعر في حرم الجامعه لأنظم هذه القصيده الهزليه...

سيناريو القصيده لم يحصل وأنما صورته كما لو انه شئ حصل معي بالفعل ونقلت الصور على شكل قصيده...استخدمت جمل وكلمات باللغه الأنجليزيه ومن لم يعرف المعني يشير له بالرد وانا ساترجمه له...

بديت باسم الله بمبدأ قصيدتي
وابطلبه تالي يجبر مصيبتي
يلهمني الصبر ويشفق بحالتي
ابن آدم ضعيف وهذي حقيقتي

شي جرالي ياجماعه بغربتي
اصاب سهمه يوم انا اخطت حربتي
عساه مايبلى بهذا صاحبك
وعسى الذي قدره يكشف كربتي

لاماتوقعته يصير بدارهم
متخالط(ن) حريمهم برجالهم
قالوا لي ربعي ماتشوف هناك زين
ترهم شيون ولو بدا حمارهم

بس الذي شفته يناقض قولهم
تبين ان ماوصلنا حولهم
ان هم مثل هذا ولازالوا شيون
حريم ديرتنا صعيب نطولهم

في يوم سبت وفي حرمنا الجامعي
للمكتبه ماشي واغني سارعي
هذيك شينه تبتسم وهذيك عبده تقول هاي
طناش كنه ماوصل مسامعي

رايح ابي انظم لقروب(ن)هناك
عليش مستعجل ياخوي اقصر خطاك
بليز يالمغرور كلمهم بليز
اور جست لت ذم نو الله يهداك

قلت اكسيوزمي جنبي ام ان هاري
دوسنت متر تتعذبي او تسهري
ون اوف يو ار اقلي والآخرى بلاك
ومع كل هذا تغازلون آه ياقهري

لاحول وين الله بلاني بالشيون
لامايئسوا .. لقات او مايفهمون
مستعجل...متأخر بعد
ابلحق قروبي قبل لايزعلون

قروبنا ثلاث بنات ماكملوا ميه
سميتهم .. حصه ومنيره وفوزيه
شيون وبالدراسه ستيوبد
يعني ترا ماهنا طمع والشاهد النيه

فجأه لمحت الزين يمشي باتجاهي
جيت اترزز... صار عني لاهي
تلخبطت كل الأمور وصرت اناظر
للي عبر... مشيته غنج وتباهي

سبحان من صور بهالكون مثله
لاماحسبت اني اناا شوف شكله
اجمل بنات الخلق لاواعذابي
من العين ربي يحرسه بس لأهله

غمزت للخاله اقول شوفي القمر
هذي هي اللي لأجلها يسوى اسهر
لاتزعلين من الحقيقه وش بلاك
بهر عيون الناس يوم انه عبر

اف يو كليم يو ار ريفر
بالزين.. تري هذي البحر
وان كنت يالشينه ملاك
كومبير تو يو شي از بيتر

وختامها صلوا على سيد البشر
اعداد رمل الكون واعداد الحجر
ثم اسمحوا لي كان لاحظتوا قصور
والمره الآخرى ابااغض النظر

وسلامتكم...

ابن الدهمان

**محارش** · 04-06-2002 06:22

ههههههههههه
اجل ما ضبطت الرصه (( ماكملوا ميه :D ))

تصدق تسني اشوف بنت الشيريه (( الخاله )) وهي تغنج بزعمه تغري هي ووجهه :D

**Samer** · 04-06-2002 06:37

هلا بك يامحارش...الحمد لله يوم انه حازت على رضاك يالغالي ...والقادم احلى انشاء الله...

الأدهم

**فلاح السعد** · 04-06-2002 13:33

اخي سامر

جميله هذه القصيده الهزليه

ونتمنى ان تتكرر مرات عديده

رائع ومبدع ايها السامر

ولك مني التحيه

اخوك فلاح السعد

**الشمري محمد فهد** · 04-06-2002 21:02

GHAHAHAHAH <<<< ضحكه بالانكليزي...عاد دبرولكم واحد يترجمها لكم...

الله يقطع ابليسك....

ايه هذا اااااااااااالقصيد و لا بلاش....

الا اقول اخ سامر ممكن توقيعك لو سمحت

لا تفهمني غلط ترن بس معجب بك..:D

<<< لا تصدقه تره يبي يقلد الاجانب علشان اذا اشتهرت يبيع توقيعك

اف يو كليم يو ار ريفر

كليم=هادي او سكن....صح؟

وعلى فكرة بيتك هذا مكسور:

شيون وبالدراسه ستيوبد :D

<<<< يعني اني افهم بالشعر

**Samer** · 06-06-2002 13:53

وجه السعد فلاح...صح بدنك...وابشر بالمزيد...

اخوك ابن الدهمان

**Samer** · 06-06-2002 14:10

القلب العاصف... صح بدنك...مشكور اخوي على هالأطراء ... الف شكر لك على هالرد الحلو...وعلى فكره ابليسي زعلان منك بالحيل لأنك استلمته سب...وانا اقول عليك به يابعد حيي...ابيك تركي عليه هالخايس...
مالك لوى يالغالي ، كليم(claim)= يزعم او يدعي ، على ذمة شكسبير...والا انا مااحطه بحظي... واللي تقصد انت ، كالم(calm)=هادي او ساكن ...
شكرا مره ثانيه لك...

اخوك/ الأدهم

**اليم** · 10-06-2002 16:12

هههههه ههههههههههههههههههههه

وعاملن لنا به>>>كليم وكالم

اثريه من جنبه>>>>>>|17| |17|

تشكر اخوي samer على هالقصيده الهزلييه

وترجع لنا سالم.....انشاء الله

الا اقول مالك واسطه والا ضحكت سن مع مدير جامعتكم

يمكن يقبلن عندكم منتسب:D

رد لي ان سمعت شين;)

**Samer** · 10-06-2002 20:19

اخوي اليم ... يسلمك ربي من كل شر والله يعطيك العافيه... الربع اللي عندي وانا اخوك مايعرفون شي اسمه واسطه وكل شئ بذراعك...وياليت اللي عندنا يصيرون مثلهم....الف شكر وتقبل التحيه من بلاد العم سام...

التريباني