تشرفت بأهداء هذه القصيدة إلى ابي نواف قبل غدره في الجزائر بأربعة اشهر تقريبا
وقد قابلته شخصيا رحمه الله في مجلته فواصل وألقيت بين يديه هذه القصيدة واللتي
اختلط فيها الحب والمدح والنصح وانا هنا لست بصدد الحديث عن روعة وقوة القصيدة
من عدمها الذي لفت نظري هو النصح( والتذكير بالموت وعدم ركوب أمواج الشهرة)
فيما بين ثنايا هذه القصيدة وكأنني كنت اعلم بوفاته القريبة !! رحمك الله يا امير القلوب
ولا اطيل عليكم فإليكم القصيدة
[poem=font="Arial,6,orangered,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
كل قطرة دم من جسمي فداك = وتفديك الروح.. والجسم النحيل
ويفتديك اللي بغاك ولا بغاك = وتفتديك رخوم والصلف البخيل
فيك شمر تفتخر والعز جاك = فيك عزوة للسجين وللدخيل
وفيك عزوة للضعيفين وسماك = للعجوز ام اليتامى تستخيل
كل ما شارفت لدروب الهلاك = انظر لصورة طلال السلسبيل
منتهاي فذا الامل املك رضاك = ومنتهى ياسي اشوفك منت حيل
منتهاي من السعد لحظة هناك = ومنتهى عزي بنواف الصقيل
انا مجنونك ويا كثر اجنناك = خلني مجنون يالشهم الاصيل
يا سليل المجد جنني صفاك = وش بعد تبغى دليلك من خبيل!؟
يا طويل العمر كيف اطلع سماك !؟ = يا حروفي طوقينا بالجميل
وقف وناظر وقلي من معاك = ما تشوف الا قلوب الخلق خيل
حاقد(ن) همه يضيع مستواك = بال (.......) وبال (........) وبال (........)
وكم حسود(ن) بحسده ما شقاك = ماشي (ن) في درب عزك ما تميل
واثق (ن) بالله ما يقطع رجاك = ما قطع يعقوب من رجوى الخليل
الحسد والحقد دايم في رحاك = وللرفاقه والاهل مزمار هيل
والعبادة هي رصيدك هي مناك = يوم ينساك الولد وام الجديل
يوم تنساك الصحافة واخوياك = منت ضيف المقبرة فيها نزيل
احتويت الحب والحب احتواك = والمحبة ما تجي تحت الشليل
كل خلق الله محببهم نقاك = والجدي محبوب في بيضا نثيل
انت ساحر ما لقيت اللي هجاك = وكم عنود(ن) ما تبيك الا حليل
انت طاهر يا اراك لمن رآك = وانت كافر بغير الله جليل
وانت تثمل انت تثمل في عطاك = في يدك نهرين جاعلها سبيل
وانت مثل الليل لا جالك طناك = وفالجبال السمر من وصفك مثيل
منت وافي انت الاوفى يا وفاك = انتبه تعطيه تكفى يا النبيل !!
واعذابي واعذابي وش بلاك ؟ = طيف ابو نواف في حل ورحيل
اللقب ساحة جنون وارتباك = ساري(ن) معها وضيعت الدليل
في اراضي نجد يا كثر اغبطاك = كنك الغدران وظلال ونخيل
انا مجنننونك ويا كثر اجنناك = ماشي(ن) دربك وكني لك عميل
لو احط العين بايدي ما كفاك = ولو اقدملك حياتي!! وش قليل
شاعر(ن) قد باع غيرك واشتراك = ملك يده عزته والله وكيل
ما نظمت الحرف لجل القى جزاك = والله انك لي فدنياي الحصيل
ما بخل حرفي بمدحك وبغلاك = فجر المكنون بالقلب العليل
منت غالييييييي والله اغلى من جفاك = للنفاق .. وللشحيح وللرزيل
[/poem]
رد مع اقتباس
المفضلات