مقابله شخصيه

[يـــوسف]

السلام علاهم ......

الله لايمسيكم إلا بالخير وش أخباركم يالربع كلن بخشته وشلونكم بعد بشروني عنكم عساكم بوووووووووخير يارب ........



المهم لايكثر نخش بالماضوع على طول



هذا يالربع انا رجال مافيه قطاع عسكري ماسويت فيه مقابله شخصيه ومافيه شركه ماسويت به مقابله ومافيه شي بهالدنيا ماقدمت بوه كذا لعانه على قراده ياانطرد ولا أنقبل وتجيني لي جنيه ومااروح لهم أتدلع عليهم


المهم الموهمات هكاليوم قاعدن الصبح بدري أول مره اداوم بدري وهو يجيني هكالاتصال المشؤوم من شخص اعتقد والله أعلم ان له علاقه بالفراعنه وورث منهم اللعنه

تخبرون قلت سالفته مبطي أبو خشم اللي ياصد يبي يطالع لك وانت وراه أول ماتشوف خشمه عقب خمش دقايق يبين الوجه ...... وسمعت انه اول ماانولد خشم وبعدين طلعت له يدين ورجلين وذنب ديتس

يوم رديت من غير نفس ::.


يوسف ::: هآه

أبو خشم ::: يوسف لك ولا للذيب

يوسف :: أقلب وجهك زين رح للذيب

أبو خشم ::: هههههه ياحبي لك يايوسف

( طبعا بهاللحظه حطيت الجوال بمخباي وانا أكل جيعان صارلي يوم ونص نايم )


يوسف:: اخلص علي وش تبي

أبو خشم ::: أطلع برا البيت أبيك

وأنا اقفل الجوال واطالع لوجه اخوي ماهو آخر العنقود اللي قبله يالربع وجهه تقل ديد ناقه
قلت له انا أصلا منذ مبطي خابرن وجهك ماهو فال خير وهو يبتسم مستانس يحسبه مدحه

المهم
طلعت إلا هذا ابو خشم طاقن الثوب الاحمر غادين تقل عروس

ومتكي على الكابرس وانا اتحماله بهكالبوز قلت وخر عن دنيتي لا أتمردغ بك بهذا وش تبي جاين هالصبح ؟؟؟

قال معي ولد عمي عنده مقابله شخصيه وهديفه مايعرف يحتسي ... واتهايق ابي اشوف ولد عمه الا سبحان الله طلعت العائله كله كذا خشوم ماشفت يالربع الا شماغ وخشم ملامح مافيه..

قلت طيب والمطلوب مني قالولك يوسف مدير مستشفى الامل .. قال لا نبيك تكلم ولد عمتك اللي بحرس الحدود ..أنا قلتمستفى الامل لأن وجه ولد عمه يساعد يكون مدمن ومنحرف حيل

قالي ابو خشم نبيك تدخل مكانه بما انك خبره بهالسوالف والطول يساعد
وهو ينخاني يالربع شوين ويبتسي مع انه قليل خاتمه بس الحميا جتن ماعاد ينفع شي ...
وأدق على ولد عمتي ضابط بحرس الحدود وهو يضبط الوضع واروح معهم ...
واول ماجيت يالربع وهم يكرشونهم ويدخلوني إلا اللي قدامي حول الشبع مية بشر وهي تصك بي هالوسيعه بالعربي زملت ..... الجو رطوبه وكتمه مابوه نسمة هوا يعني غصبن عليك تجيك الضيقه

المهم وادق على ولد عمتي إلا هذاك هو يضحك دريت اني انقردت وهو طبعا نفس طينتي ..

واجيه إلا جنبه رائد ومقدم وهي تصفقن ام الركب ذليت انسجن

قال ولد عمتي هذا فلان الفلان مدير اللجنه واسلم عليه مسوي معرفه واتبوسم مبين اللي بوه بلا ..

قالي رح وقف اول واحد بالطابور .... يوم وقفت مغطونا ساعتين بهالشمس آخر شي جابو لهم خشب مربع باب بس بدون جدار

وقالو تعالو مرو بوه داخل لهم طول محدد واجيك مستانس انا وباللي ماهداني اراعي لولد عمتي واضحك وماحسيت الا تقل برقت الدنيا اتريني مانزلت راسي وصفق الباب من فوق وانا اغدي حالة عدوكم ..

عقب دخلونا قاعه حقت محاضرات تسبيره وياجيت تبي تدخل تقط ملفك عند عسكري وينادونك عقب المهم قطيته واروح آخر شي وصدفت جنبي شمري ورويلي يعني كملت الرصه ...
وطلعت ولخيتهم يدخنون شوي الا طابين عليهم وطردوهم

ابطو علينا قلت ياعيال ابروح ادخن قالو خذنا معك وحنا ندخل لنا غرفه ورانا آخر شي حقت مختبرات او مدري وش سالفته اعتقد حقت تعذيب ... وأوزع عليهم زقاير وهم يفلونه الربع آخر فله ..

الكلام الساعه 9 ونص للحين محد صوت لنا مليت انا لأن الشغله ماهي لي والله يالربع جت الساعه 11 ونص وماسمعت شي المهم اسمع واحد يصوت بأسم فلان الفلان معصب العسكري واتذكر الا ملف الرجال اللي هو انا حاليا
قلت هآه .. قال العسكري وجع تعال .. <__ بغيت ارد بس قلت رزق الرجال انتبه

وهم يعزلونا عشره عشره ويدخلونا على فحص طبي مبدئي ...
وولد عمتي من بعيد لبعيد يراقبن حسيت اني مهم ...

واجي عند لي رائد قال ارفع طلع سيقانك قلت هآه وشو ... أول مره تمر علي هالحركه
قلت غير هالحستي .. وهو يزمر علي ارفع .. وانا اطلع له سيقاني الشهب قال شنوح ركبتك كذا مجرحه .. قلت ياطويل هذا كل مااتهاوش اول مايبرتسوني الرجال على ركبتي <_ صريح

قال اطلع برا صاقط
ويجي ولد عمتي ويجي خوين له ويالله يرجعوني .. واعدي الفحص وزن وضروس وكل شي تمام ..

وهي تجي المقابله الشخصيه يالربع والله حتى كلية الملك خالد مااذكره سوت بخلق الله كذا تدرون وش مسوين

الصف الاول سبع ضباط أنزل رتبه نقيب واللي وراهم خمسه برتبة ملازم أول وملازم ووراهم صفة افراد وكلن قدامه كمبيوتر ويسجل مدري وش يسجل
وهو يسئلني على طول قال 8 في 8 كم واعطيه هكالاجابه وهو يصفقن سعال آخر واحده وهو يحدن واحده ويسئلن بسرعه وأجاوب متعود خبره



الزبده هنا لاتفوتكم

قال اقرا الفلق واقراها المهم خلاني اقرا المعوذات كلهن وهو يقولي اللي وراه على طول اقرا الكافرون واقراها طبعا صارلي مع اسئلتهم غير الدينيه حوالي ساعه إلا ربع تعبت وهم يعرفون ولد عمتي بس كذا يبي يضحكون علي ....وقريت الكافرون و يوم قالي اقرا الماعون عقبه وهو يضرب المخ عندي واتلخبط
قال اخلص بسرعه وراك ناس وانا مضيع مدري وش السالفه نسيت هالسوره نهائيا ماهي بقاموسي ... قلت ياولد رقعه سو زي الابتدائي كلمه ويكمل لي الباقي قلت ياايها الماعون


وهو يقوم لهم ضحك الله ياخذهم

قالو خلاص رح جبنا بك العيد

وأورح لواحد بجنبهم بعيد شوي قال وش بلاهم يضحكون قلت قالو لي اقرا سورة الماعون قلت لهم ياايها الماعون وهو يعصب شايب ومطوع

قال هذا وانت علوم شرعيه ونسبتك 89% قلت من قالك نسيت خويي اللي داخلن بأوراقه
قال كم جزء حافظ قلت سبع اجزاء على طول التسذبه مجهزه قالي اقرا لي قلت ماعليش بي دوخه واللي قبلك ماخلو بي حيل تبي تمشيني مشن وكان منت ممشيني الرزق على الله ( أتمسكن)

قال الله يوفقك بساعدك...

وكل دخلتي هذي وهالسوالف ماادري حتى وين دارس الولد ولا أدري كم نسبته ولا أعرف إلا اسمه واسم ابوه


والحمدلله الرجال ابشركم يداوم بالربع الخالي الحين ومعين خير وماعليه لاتشيلون همه









يلا سلامن عليكم

[زاهي]

حلوة (ياأيها الماعون)

ماقصرت مع الرجال

بس سلم لاتقرده بالمقابلة قردته بالربع الخالي


لاتقاطع نوبتن أخرى يالمقيريد

سلام

[يـــوسف]

أعترض واعلن اضراب عام

وشو هالعمل شنوح يقفل ماضوعي وهو مافيه شي


ليــــــــــــــــــــــــــــــــــــــ ـــــــــــــــــــــــــــــه شنوووووووووووووووح وااااااااااااااااااااااااااااااااي



ماهي على كيفك ياريال



ياللي قفلت ياخي ارسل لي رساله اقل شي علمن ليش قفلته مو كذا تقفل وتمشي قالو لك مواضيع يوسف بسطة هنود مخالفه تقفله وتمشي







زاهي شلونك

[ريال الفسحه]

اسكت لا احذف راسك

[أبوريا]

ماقصرت جابتك الشيمه يولد والله ان فزعلته نوبتن ثانيه الا تحذفه لليمن

[سعد الشمرى]

العطاوى خير من يتوظف انت بعد روحى روحك تهيال مقوار ناسين سوره الماعون


زنت ولاهنت اخوك الرطاب

[ابو ضاري]

قال اخلص بسرعه وراك ناس وانا مضيع مدري وش السالفه نسيت هالسوره نهائيا ماهي بقاموسي ... قلت ياولد رقعه سو زي الابتدائي كلمه ويكمل لي الباقي قلت ياايها الماعون ::





الله يهديك يالعطاوي

[يـــوسف]

أبو ريا أفا عليك أعجبك


والله ياخي يحمد ربه بعد توظف لولا الله ثم فزعتي كان ماتوظف للحين تدرج سبلته


شاكر لك مرورك يالغالي

[يـــوسف]

الرطاب لاتخانقن ياحيي انت



لاتلومن الربكه ولاتنسا انهم حشروني حشر من يد واحد للثاني والله ياهم لحسو مخي ياخي زين مبتسيت من اسئلتهم ولا عمرك سمعت احد تقوله وزير الخارجيه سعود الفيصل يومي براسه يقول غلط

آخرته يقول صاحب السمو الملكي الامير سعود الفيصل بالله عاد هذا سعال الله يسامحهم بس




شاكر لك مرورك يالعزوه

[يـــوسف]

الضاري دووووووووووووووووووووووووم هالضحك يارب


الضاري انت معي صح ماتلومن زيهم



أشكرك على هالمرور