اهداء للشيخ / عبدالله العاصي الجربا
زيزوم الطنايا
[poem=font="Arial,6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
سنـجـار يـاتـل الـحـرار القـرانـيـس =يا ذا العريـب اللـى شمـخ بالجزيـره
كل الجبال ان جات حولك تضاريس =ضلعـان لكـن فـى عيونـى قصـيـره
ياقـامـتـن تـطـاولــت بالـنـوامـيـس=حتى غـدت أرضـك سمـا كـل ديـره
كـن النجـوم أمسـت بليلـك فوانيـس=لضـيـوف شـمّــر عـلّـقـت مستـنـيـره
كبار الصحون امحرّقين المحاميس =وسـاع البيـوت النايـفـات المجـيـره
لهـم صهيـل الخيـل ومـرازم العـيـس =والرمـح والسيـف الصقيـل وجفـيـره
أهـل البيـارق والطـبـول النواقـيـس=للحـرب وحشـود الجيـوش الغفـيـره
تاريخك المكتوب بالسيف والكيـس=تـاريـخ يـقــراه الـزمــان لـضـريـره
المجـد مـجـدك ماتـهـب النسانـيـس=فـى كـل عهـدن لـك ملاحـم وسيـره
ورجال مثلـك دون أرضـك متاريـس =تـمــوت عـــز ومـاتــذوق الـمـريــره
يستحقـرون المـوت بقـلـوب فـرّيـس=أعما السطر منها البصـر والبصيـره
عهـدن لبـو خـوذه وشمّـر مقابـيـس=نـــار الـوغــا بـالـلأولـه والأخـيــره
كابر فخر دام انـت فـوق المقاييـس=بشيوخـك الجربـان واكـرم عشـيـره
وافخر بزيـزوم الطنايـا السناعيـس =عـبـدالله الـعـاصـى فـلابــه نـظـيـره
ماشوف مثله بالرواسـى اليـا قيـس =وماشـوف مثلـك بالرجاجيـل غـيـره
فكـاك ضيقـات الرجـال المحابيـس=تـجـود نفـسـه مــن قـبـل تستشـيـره
مـــدّاد هـــدّادن بـعـيـد الـمـرامـيـس =فــزّاع جـزّاعـن عـلـى مـــن يـثـيـره
حليـم متواضـع رهيـف الأحاسـيـس =نـبــىّ بـأخـلاقـه نـقــىّ الـسـريــره
ان جاتـه وجـيـه الليـالـى معابـيـس=تلقـاه بـدرن فــى ســراه ومسـيـره
وأنـا علـى تـلـه رمـيـت الهواجـيـس=مـا عـاد تشغلـنـى صغـيـره كبـيـره
ملجـاى ياسنجـار ملجـا القرانيـس=ظـلّـك بـنـجـد وقـامـتـك بالـجـزيـره[/poem]
الشاعر المبدع / فالح الدهمان الظفيري
الغالي
الشعطاني
نص ولااروع ولايكتبه الا الشعراء الكبار امثال فالح
صح لسانك ولسان المبدع فالح
واتمنى من المشرفين عدم نقله الى الشعر المنقول
وهذا رجاء خاص لي
حتى يقرأه اكبر قدر ممكن من الجماهير لانه من النصوص الفارعة الجمال
اخوكم... فيصل اللويش
رد مع اقتباس
المفضلات