الصلااااااااااااام عليكم ورحمة الله وبركاته
الله لايصبحكم إلا بالخير كل ابوكم
تصدقون اني مدري احس اني مااعرفكم مبطي عنكم
كنت هالاسبوع اللي فات مخيم بديرتن يقاله النعيريه جنوب غرب ابو معن
الزبده مالكم بالطويله جانا ولد عمن لي مستاجر سياره تخبرون الايجار صغيرات وهو ماخذن لوه سياره قعدت اربع ساعات احلله ابي اعرف وشي ماعرفته يما سئلت ماينعرف مقفاه من وجهه
المهم انهم سهرانين الربع كلهم وانا نيمن بدري مسوي مطنوخ اقوم اشب لهم الصبح واجهز الفطور يعني تقل خدامه سيلانيه<__ قلب على نفسه
يوم قمت واصلح الشاهي والقهوه وافطر واولع الشيشه واكفخ لي راسين معسل يما غدا راسي لوه صفير
ومن الطفش طخت براسي جريمه قلت ابسرق المفتاح حق سيارة ولد عمي واروح افحط به تخبرون الفضاوه الصبح ماهي زينه
يوم شغلته الا اخوي وولد عمي بالثانويه كلهم يأشرون لي يبون معي قلت حياكم الله ارتبسو ياعزوتي
واول مامشيت من قو الدعسه قامت تحفر بمحله مابه حيل هي بس الله كريم .....
وحنا نروح ونفحط وانا بوسطهم أمحق تبسبيرهم ويفحط بهم
ومافيه الا مزعل فرحان يزعج الصوت ابو فرحان امممممممممش والسياره على كفرين ومابوه رمثتن مارتسبناه امشي قطوع ابي احلل الايجار <_ العرق طلع حق النذاله
الحتسي يالربع نمشي حنا ولاندري وين حنا رايحيين ولاانتبهت للخط يوم التفت يالربع الا ماحولي لامخيمات ولاشين وراسي غادين تقل راس ضب مدري وين انا
واوقف وارتسب فوق غمارة السياره واراعي يمين يسار الا ماحولي صبح
الوغدان انخرعو عقب ماهم يرقصون هههههههههههههههه
والله قلت ابمشي لي شوين غديني ادل والله يجيركم وانا اغرز
وننزل نبي ندف السياره الا مابه طب مغرزه خلاص ناويتن ماتمشي تقول هذا محلي
ونحفر وانا اغدي تقل شوشة مجنون مندعس تحت السياره احفر حتى بسنوني ابي اطلعه ماني ناقص مصايب الزبده عجزت اطلعه
وهي تقلب الدنيا يالربع علينا وهي تضربنا هكالعجه اللي تخرع اول ماغدت الدنيا صفرا وعقبن قلبت حمرا انا مااتسذب عليكم انخرعت على اللي معي اشوفهم ماش غورقت عيونهم
وهي تمر علينا اربع ساعات وحنا بهالحاله متقابلين نراعي لبعض والوغدان يشتموني وكل شوين تفله بوجهي وانا متربع والعج يلعب بخشتي مدري وش اسوي جوال مابوه شبكه ولاكنود ولا شين
واخوي اللي معي جتوه جنيتوه ذبحوه العطش يبي ماء
اخوي : هيه يابشر نبي ماء
يوسف : اخلق لك ماء يعني منين اجيب لك اللهابو من يرتبسكم معوه مرتن ثانيه
وهو يدخل وغد عمي بالسالفه
وغد عمي : <_ ماسكن مع راسي وانا متربع وهو موقف
منو المقرود حنا ولا اانت الله يلعن ابو اذا ركبت معك مره ثانيه
يوسف : اصلا النقطه السودا بحياتي انكم تقربون لي
وغد عمي : اخخخخخ تفووووووووو عليك وعلى الساعه اللي عرفناك به
يوسف : اعقب يالهيس الاربد تتفل علي
والله وانا امسح التفله بكل هدوء وحنكه مبي اتذابح معهم ماهو ذله بس تخبرون مابي اضرهم
هم رتبسو بالسياره وجلسو وانا متربع اراعي للسياره وحاطن يدي على شدوقي مدري وش اسوي
وهو يجيني لي بلا واهذري بالموت ....
قلت الحين لو اموت قهر لاتزوجت ولا خطبت ولاشين اقل شي لو انا مدورن لي وحده املك عليه واموت اخليه تصير رملا
وهي تمسك على الصلاه ..... واقوم اروكع مدري وين القبله بس وجهت على النيه ههههههههه
مدري كم ركعه صليت بس كلهن ادعي وشوين وابتسي ابي اشوف وغد لي بعدين اموت قهر والله يالربع صح
وانا اصلي وانا اسمع قرشة سياره تمشي ...
واقطع الصلاه واركض على عماه مدري وين ابي رحت سيده واتلفت الا هكالددسن طايره وانا انطحوه يوم شافن وهو يهدي وانا اقمز على كبوت الددسن يالربع اتري الحياه حلوه
طبعا القمزه ماهي موفقه طحت بالجهه الثانيه على خشتي
وهو ينزل الهندي
الهندي : هيه ايس فيه
يوسف : اللعن ابو حيك منين طلعت لي انت
الهندي : ابوك انت
وانا اقمز واحبوه مستانس ابو هنود يحسب بي بلا ماانتبه للسياره
قلت تعال افزع يابو هنود
المهم رحنا للسياره نبي نقلصه يوم جيت الوغدان يمار يجعرون لهم صياح
وهو يطلع الهندي حبل من حوض الددسن وحنا نحزمه بخشة السياره يوم جيت ابشغله مالقيت المفتاح
وادور يمين يسار مالقيته
واصوت للعيال وانشدهم قالو ماندري انت يوم تنزل خذيته معك
اتريني حاطوه بمخباي اللي فوق واحفر من اليوم وضيعتوه من غير قصد وقصمن بالله
وهم يدبوني يالربع اللي معي واله مدو يديهم علي وانا اكبر منهم شفتو وغدان هالجيل
وحنا نجي نبي نرتسب مع الهندي ددسنه غماره وحده وهم يركبون ويخلوني مالي مكان قلت وين اركب هيه تروني اخوكم الكبير عيب عليكم
يمار الهندي يقولي اركب بالحوض
والشكوى لله ركبت بالحوض وش اسوي
تدرون وش اللي بالحوض معي
جرا يالربع واللع جرا تسلبتن للهندي اللهابوه اخرته انا بحوض ددسن مع لي كلاب الله يكرمكم
وهذي السالفه اللي جرت علي بالنعيريه الاسبوع اللي فات وماني قايل لكم وش سوو بي الشيبان بالمخيم ولاني قايل لكم وش الاثار اللي اعاني منه للحين
أدري طويله السالفه بس مااعرف اختصر والله
رد مع اقتباس
المفضلات