[poet font="Tahoma,18,orangered,normal,normal" bkcolor="limegreen" bkimage="" border="double,4,gray" type=0 line=200% align=center use=sp char="" num="0,black"]
ياعلي كل ماطرو شمال=فز قلبي ورا حدب الضلوع
ياعلي كل ماشفت الخيال=يم ذيك المنازل والربوع
غيمةٍبرقها يشعل أشعال=وأنا في داخلي نارٍٍتروع
علك السيل ياذيك التلال=لين تروا الروابي والزروع
وحيهاك الشوامخ والسهال=لاكساها الحياء من كل نوع
ديرتي كيف بنساها محال=ديرة الجادل الشقراء الفروع
واجهتني ونا أعد الرحال=قالت اوداعة الله يالقطوع
تاه فكري وضيعت المقال=وهي بعد نجلهاغرقت دموع
قالت احذر تغيرك الليال=قلت قلبي ماهو للوقت طوع
ودبرت تسحب اخطاها ثقال=ونــا قفـــيت بهــمومٍ تلوع
انتحابي زماني والوصال=ماحصل لي وانابرضٍ قطوع
اجنب الركب لديار الظلال=والقمر تاه عن درب الطلوع
ودام قطع الخرايم للرجال=والله اني على الطرقه نزوع
وياعلي كل ماناظرشمال=السماء كنها وجه الفروع
[/poet]
رد مع اقتباس
المفضلات