صووووووووووت بارووووووووود

[نايف حزوم]

السلام عليكم ورحمة الله وبركاته صباحكم ومساكم عسل اعزائي الاعضاء والزوار اهديكم من كل قلبي هذه القصيده على امل ان تحوز ولو على القليل من تقديركم.
صــــوووت بــــــارووووود
كل ما هقيت اني من الهم خالي
وان الليالي ساكنه مابها رعود
يطير قلبي ليا طرا اللي طرالي
مثل الحمام ليا سمع صوت بارود
انا ليا منــــه طرا اللي طرالي
ضيعت عقلي واصبح الهم مرجود
اللي يــعرفن ايـتــعزى لحالي
واللي جهلني صد ثم قال مضهود
همي ليامن ادفوني عيالي
من هو من دوني بياقف ويذود
من هو يفكن من ردايا اعمالي
من هو يفكن قبل ياكلني الدود
يا صار عمري ماضين للزوالي
و القبر قدامي طـــريقن و مورود
ما فيه غير الله يرااف بحالي
و ما فيه غير الله وحيدن ومعبود
يالله يا عالي على كل عالي
يا محيي عظامن مفاتيت و جلود
الجنه العليا قصدي و سؤالي
و عن النار تبعدنا يا راعي الجود
يا صار كفي بالمواجيب دالي
و قصدي وجه الله قبل كل منشود
عسى جهدنا يقبله ذو الجلالي
و يرحم عبيدن له صيام و سجــود
وسلامتكم اعزائي . وانا تعمدت اكتب التنوين بحرف النون حتى تسهل القراءه واللفظ على الجميع ودمتم سالمين ولا تبخلون علي بالراي والارشاد وشكرا لكم مقدما.

[فلاح السعد]

كل ما هقيت اني من الهم خالي
وان الليالي ساكنه مابها رعود
يطير قلبي ليا طرا اللي [mark=#FF3300]طرالي[/mark]
مثل الحمام ليا سمع صوت بارود
انا ليا منــــه طرا اللي [mark=#FF3300]طرالي[/mark]
ضيعت عقلي واصبح الهم مرجود
اللي يــعرفن ايـتــعزى لحالي
واللي جهلني صد ثم قال مضهود
همي ليامن ادفوني عيالي
[mark=#FF0000]من هو من دوني[/mark] بياقف ويذود
من هو يفكن من ردايا اعمالي
من هو يفكن قبل ياكلني الدود
يا صار عمري ماضين للزوالي
و القبر قدامي طـــريقن و مورود
ما فيه غير الله يرااف بحالي
و ما فيه غير الله وحيدن ومعبود
يالله يا عالي على كل عالي
يا محيي عظامن مفاتيت و جلود
الجنه العليا [mark=#FF0000]قصدي و سؤالي[/mark]
[mark=#FF3300]و عن النار تبعدنا يا راعي الجود[/mark]
يا صار كفي بالمواجيب دالي
[mark=#FF3300]و قصدي وجه الله قبل كل منشود[/mark]
عسى جهدنا يقبله ذو الجلالي
[mark=#FF0000]و يرحم عبيدن له صيام و سجــود[/mark]




مريت يانايف ابي شمت الطيب=وعندك كثير الطيب والطيب فالك


مرور على السريع عسى التعب مايضيع ومعك كثير الدرر عسى مسارك خضر


ابي انت اللي تعدل قصيدتك ماهو انا ولاغير لأنني على يقين من شاعريتك المتواضعه في نفسك الشامخه في نفوس الغير وماعليك زود والله يعلي شانك


اتمنى لك الوصول للقمر الشعري بإسرع مم تتصور

[نايف حزوم]

السلام عليكم ورحمة الله وبركاته الاخ فلاح السعد مرورك على القصيده كما قال بن صخيبر
(الذ من البارد على كبد عطشان =واحلى من الصحه على جسم يسقم)وهو فعلا له طعم عندي وله لذه وملاحظاتك على راسي من فوق ولك الف شكر .

[رادار الحرف]

[align=center]


نايف الحزوم

احيي فيك العزيمه والاصرار

واحيي فيك تقبل النقد الهادف

والى الامام دائما

ـــــــــــــــــــ

الشكر موصول لفلاح السعد

وسوف اشارك بقراءة بسيطه ومستعجله اظافة الى ما ادلى به ابوسعد

ـــــــــــــــــــــــ

كل ما هقيت اني من الهم خالي
وان الليالي ساكنه مابها رعود
يطير قلبي ليا طرا اللي طرالي
مثل الحمام ليا سمع صوت بارود


الصوره لم تتضح الا بعد البيت الثاني بالرغم من ان مشد النص في دلاله على صوره لم يستطع الشاعر اكمالها الا في البيت الثاني


انا ليا منــــه طرا اللي طرالي
ضيعت عقلي واصبح الهم مرجود
اللي يــعرفن ايـتــعزى لحالي
واللي جهلني صد ثم قال مضهود
همي ليامن ادفوني عيالي

وهل تظمن ان من يدفنك عيالك ؟ لو قلت غير ذلك لكان أقوى.

من هو من دوني بياقف ويذود
من هو يفكن من ردايا اعمالي
من هو يفكن قبل ياكلني الدود
يا صار عمري ماضين للزوالي
و القبر قدامي طـــريقن و مورود


تساؤلات مباشره جدا ومن الافضل ان الشاعر ان يحبكها اكثر من ذلك

فقد يكون الاهتمام بالوزن قبل الحبك، لا اعلم.


ما فيه غير الله يرااف بحالي
و ما فيه غير الله وحيدن ومعبود
يالله يا عالي على كل عالي


لم تأتي بجديد فكل ما قلت قالوه الشعراء ملايين المرات.


يا محيي عظامن مفاتيت و جلود
الجنه العليا قصدي و سؤالي
و عن النار تبعدنا يا راعي الجود
يا صار كفي بالمواجيب دالي
و قصدي وجه الله قبل كل منشود
عسى جهدنا يقبله ذو الجلالي
و يرحم عبيدن له صيام و سجــود


ــــــــــــــــــــــــــــــــــــ

النص جدا مباشر ولا يوجد فيها صور تدل على الخيال والابداع

اظافة الى ماقاله اخي فلاح الا ان هناك ملاحظات اخرى بالوزن

ارجوك لاتستعجل بالنشر واقرأ بكثرة.

ـــــ

رادار الحرف

[/align]

[عبدالله الخريجي]

أخوي مـــــــــــــشكوووووور على القصيده........
26 بيت كل بيت احلى من الثانـــي.....
وتقبا مروري.......

[نايف حزوم]

السلام عليكم ورحمة الله وبركاته انا مادري ليش عقب ماقريت نقدك البناء طرالى شطر بيت اوعجزه اللي يقول فيه الشاعر لبوخوذه عقب ما غطاه بالليل بالفروه يقول (فروه وعده خازلن لي مغاتير) وانت بمرورك على قصيدتي اسعدتني كثيرا وكانك عطيتن مغاتير وفعلا انا مثل ما تقول فعلادايم يجي بقصيدي كسور لاني ما اهتميت بالقصيد وعطيته حقه الا من فتره لا تتعدى ثلات اربع شهور وكنت اكتب قصايد من سنين لكن بمجرد ان انهيها وافظي حالي من الهموم ارميها وراي لكن في الفتره الاخيره قلت ال متى . ليش ماانفتح على الاخرين والحمد لله اني لقيت مثلك مع الاخ فلاح السعد يوجهونن ولك وله كل التقدير والاحترام والشكر واوعدكم اني ما راح ينزل الا شي يعجبكم وتثنون عليه ولو طولت سنين.السلام عليكم ورحمة الله وبركاته

[نايف حزوم]

اخوي عبدالله مرحبا فيك وبقدومك واشكرك والله يحلي ايامك.

[نايف حزوم]

[align=center]
[align=center]

حاولت ان اوزن واغير في القصيده على عجاله واشكر اساتذتي فلاح السعد ورادار الحرف وام نواف اللي علمونا وعطونا الثقه في مقدرتنا الا انه يبقى من الصعوبه ان تاتي القصيده موزونه مائه بالمائه ولذلك انصح نفسي واخواني المبتدايين ان يستشيروا ويسالوا اصحاب الخبره من اخواننا الشعراء .

كل ما هقيت اني من الهم خالي

وان الليالي ساكنه مابها رعود

يفز قلبي لا طرا اللي طرا لي

كنه حمامه وسمعت صوت باروود

ولولا الضلوع العوج قلبي غدا لي

وده يفر ويردعنه على الكود

ذكر جهنم يا علي فج حاالي

لا شفتني كني من الضد مضهود

ياصار عمري ماضين للزوالي

والقبر قدامي طريق ومورود

مافيه غير الله يراف بحالي

ومافيه غير الله وحيد ومعبود

يالله يالوالي على كل والي

يا محيي عظام مفاتيت وجلود

تقبل دعاي وجنتك هي سؤالي

وتغفر لي الزلات يا راعي الجود

عسى عملنا يقبله ذو الجلالي

ويرحم عبيد صاموا الشهر وسجود

[/align][/align]

[جمران]

صح لسانك

لاهنت