صحيح يقولون حبل الكذب قصير

**يـــوسف** · 28-01-2008 21:15

ابو عارف مشكور على النصحيه بس تعثيب صغير كبر منخر ريال

وترص من هالنجوم على كتفك خل عنك الهجوم على خالي ريال الفسحة وعجايب بنت الشايب

صايرتن نجمتن ابن سعود نجمة ريال وعجايب

هذولا هم نور المضيف و مشرفينا ومثل مايقولون العرب مايقدم من قوم إلا خيارها

اتفق معك بهالنقطه والله يشهد علي انهم غالين عندي حيل مع انهم وجيهن ماهي فديت غلا بس من الله وش اسوي مابيدي شي

الشيبان مايسهرون

^
^
^
أعتراف صريح وموثق

**عجايب بنت الشايب** · 28-01-2008 21:55

ياربي أني وش عملت بحياتي >> بالعراقي

أبو عارف

أكتن أم عارف فرحانه وجايه ركض ماهو خووف

عاد انت ما ميزت ملامح الفرح من الحزن لأنها كانت متغشيه ..

أبو عارف

سنايدي

طيعن

طيييييييعن

وأنتحر ..

ترى مابك طب .. حتى يوسف العطاوي .. من يوم خاواك والشيب نابت من ورى اذانوه

واقص يدي أن كان مالك شغل بأرتفاع سعر الشعير ..

لأنك الوحيد اللي حاقد على غنم أبوي .. لأني احبها

أبو عارف ...

كذبة ابريل هاه؟

ياشيخ عين خير

تحسب عمرك .. توم كروز

مير عاد على قولتك ( عزائي) قطيعة رحمه متعلقتن بقليبي ...

وعساكم ماتشوفون شر .. أنت و عجوزك ..

طحياتي ....’’

**يـــوسف** · 28-01-2008 22:02

عجايب رجاعن <_ يعني رجاء

وخرو لحد يحاتسيني أنا رجال مخالف باقي كرتين وانطرد هههههههههههههههههههه

ليتن مامشيت مع هالشيبان ياعجايب

أنا المصلي المزكي اللي ماتفوتن صلاة الجماعه تجيني مخالفه

**عجايب بنت الشايب** · 28-01-2008 22:28

أمسحها بو جهي يالعطاوي

ياحيي والله يوم شفتها واتفشل اعدكم عيالي يالفلاويه

مابي عليكم الشينه

أبد كلها كم يوم .. وتتعود >> امحق طب

الا ماقلت لي وش رايك بالنجمه ..

**يـــوسف** · 28-01-2008 22:31

النجمه بتسبد الخضيراء يايمه

عجايب النجمه بصراحه تخبل بما انتس ماسكه على لهجة العراق <_ لغير الناطقين بالعربيه يعني تهبل حلوه زي ناقة عجايب

تتربى بعزك وعقبالي يارب وانتي عقبال ماتوصلين لواء

تدرين والله يوم شفت المخالفه بغيت ابتسي غورقت عيوني ......

مااقول إلا الله كريم

**عبدالرحمن** · 28-01-2008 22:35

إذا تبي تعيش وتصير مثل ما إنت راعي محل وترص من هالنجوم على كتفك

ودنا نرص من هالنجوم بس شلون

الحمد لله على سلامتك يابو عارف وكل اشاعة مقطعية ورنينية وانت بخير

**ابو عارف** · 28-01-2008 23:48

والله الظاهر إني معكم يالفلاوية مثل اللي يزرع في صبخاء ، مافيكم فايده لعنبو بليسكم ويشبلاكم على شايبكم أنتم ماتخافون الله يخفس بكم الأرض أو يمسخكم في صور جواميس.

ما أخاف عليكم إلا من نواياكم السوداء ماتسمعون المثل الذي يقول من حفر حفرة سوء وقع فيها وما تدرون إنكم على الدرب سائرون أقصد الشيب وما سمعتوا قول الشيخ غضبان الرمالي الشمري الردي ياشاب عاب وأنا ياشبت طبت - تسمع جضيض الركاب خلفي يامني ركبت.

أكيد تبون تقولون هذاك غضبان بن رمال الله يرحمه ماهو أبو عارف.

تروكم غثيتونن ودوختونن وعومستونن وجبتوا لي الصمرقع والإحباط يمالين الحبطه.

هونوا على شايبكم ياشباب.

شكراً للذين خففوا اللهجة معي شوي مثل ياعبد الرحمن وعجايب والعطاوي 50% الله يجزاهم خير أما خالي ومنصور إلا ماخلوا على عينها قذات الله يهديهما ويصلحهما وخليهما حتى يصيران شيبان حتى يعرفون قيمة الشيبان.

نعم أبشركم إني مازلت حياً أرزق والحمد لله موتوا بغيضكم يالتماسيح وسلامتكم.