يــا خـــاطري ...
يـا خـاطري
[poem=font=",6,,bold,normal" bkcolor="transparent" bkimage="" border="none,4,tomato" type=1 line=0 align=center use=ex num="0,black""]
يـا خـاطري وشـفيك ضايق ومـحزون=قـلي عـلامـك يـمكن أنـي اسـليك
يـمكن يـكون الوضع قـاسـي ومـجنون=وحتى الأمل يمكن بعد ما يواسيك
دام الأمــل بالــناس صـوره بـلا لــون=ضاعت مـبادينا واخـطت هقاويك
مـن عــز نـفسه يـصبح اليوم ممهون=هـاذي مبادي هـالزمن ما تراعيك
خـلك عـلى مـا قـيل مـن اللـي يبوقـون= وابـشر بـأن الـوقت دايــم يصافيك
ولاصرت تبغى تكون من اللي يزكون= فــانته سـقيم الـحـال وكـلٍ يـجافيك
دنـياك هـــاذي كــلها هــــم وطــعــون=لو اضحكت لك يـوم يـومين تبكيك
تــفنٍ عـلى الــحاجـة وقـولـتك تـكفون=مـدامها عـند الـعـرب مــا تـداويك
خـلك تـموت احـسن مـع اللي يموتون=ولا يـنحـني راسـك وشـيم مـعانيك
الـنوح والـغـربـال ســنـه بـهـا الـكـون=كـــذا تــرى دنـيـاك تـبغى تــربيك
وترى الأمــل بـالله واضـح ومضمون=هـو فـارج الكربة ويسمع دعاويك
يـا خـاطري اصـبر ومـن ربـك العون=واصبر وصـابر لـين ربـك يـقديك
يـا خـاطري بالهون وابشر تـبي تهون=مـــدام ذكـــر الله يــنـور لــيالـيك[/poem]
رد مع اقتباس
المشاركة الأصلية كتبت بواسطة ريال الفسحه
المفضلات