قولولي بصراحه يالفلاويين.

[ابو عارف]

[align=center]


ليه وش عندوه ؟.

وش ناوين عليه ؟

وش هالهروج ؟




يقولون يابو عارف .. المدح بوجه الرجل مذمه


ولا تهقي أني باذمك أبداً لا بوجهك ولا بقفاك


بس انت رجلن طلبت مننا الصراحه والصراحه مره بعض الأحيان


والمره لها معنى اثنان ( أما حرمه أو مره بنت عم الحلتيت )

اذا هنا علاقه بين الحرمه والحلتيت

وانا عجايب .. حرمه .. يعني مره ..




الوكاد


لك هذا


7
7










طحياتي ....,,,,,[/align]

--------------------------------------------------
ذيب وزعول وفلاوي وحساس تنقبل بس أتحفظ على الكريم الفازليني نبهني أخوي المطنوخ قدس ردن فروته.

شكراً عجايب يابنت الشايب شهادتك نعتز بها خير من يشهد للشيبان أعدائهم لاهنتي ولاتهتي بعد يا أصيله .

[ابو عارف]

ترجع بالسلامة
(أشوف كثرانه غيباتك وش العلم يابوعارف)

بالنسبة لصلاحيتك بالفلة أرقاسنود والمفروض تسأل عن صلاحية الفلة بأبوعارف لأنه تخرب وماتصلح بدونك

:

----------------------------------

هلا وغلا بالعشير والوزير العزيز أخي أبو طروق إسمحلي فاتني إسمك سهواً والله حفظك الله ورعاك.

صدقني لك مكانة خاصه في قلبي ومعزة بحيث إستر لمجرد رؤية إسمك وتسرني ردودك وتهمني ملاحظاتك ويشرفني تقييمك لإني أعرف إنه من القلب ويقول المثل الطيور على أشباهها تقع.


عسى ماهي مسبة هالي فوق لا معزة ومحبة.

شكراً على الإطرى لك وافر التقدير وجزيل الإحترام لاهنت.

[ابو عارف]

أرررحب يابوعارف

ذي حكمة الله في جميع المخاليق ... ناس(ن) على بعض الأوادم تفوقي

جنـّبت دربكـ عن دروب المطافيق... وااافي ولابكـ أي وصف(ن) يلوقي


الوكــاد أني ورغم قلة تواجدي بينكم رأيت بشيخكم ياأهل المضايف ( المضايف كلها ولا أخص الفلهـ )


مالمــ أره بكم أقصد مالم أرهـ من تميّز وخفة دم وروح مرحهـ ..التي قلّما تجد من الناس من يتمتع


بهذهـ الصفآت ,, ولذلكـ فإن أسمى عبارات الشكر والتقدير لا ولن توفيهـ


فهـو فوق التقييم


وتشكورآاااات لكم كلكم ولاهنتم جميــع


تحيــــــآتي لكـ ,,,

-------------------------------------------
هذا رام هنا أسفرت وأنورت وإستهلت وأمطرت والله بتشريفك لنا.
أشكر لك مناصرتك للشيبان بارك الله فيك و كثر من أمثالك لاهنتي وماعليكم زود يابنت العود.[poem=font=",6,,normal,normal" bkcolor="firebrick" bkimage="" border="none,4," type=0 line=0 align=center use=ex num="0,black""]
يارام ترحنا لشوفك مشافيق = والله العظيم إني بقولي صدوقي
ياللي كلامك يبعد الهم والضيق = مانتي مثل من وقفت في طريقي[/poem]

يقصد بنت الشايب

الف شكر لك ياشيخة البنات على تمجيد حضرتنا لاهنتي يالوافيه والنقية الصافيه بارك الله فيك..

[ابو عارف]

أبوعارف
عسى الله يسهل عليك يابعدي ويوفقك الوفق الطيب
وانا رأيي فيك مبطي قايله لك وعقبت على كذا رد لك بمواضيع مبطي
فلاوي نمبر ون
ولو اني ضد الشيبان ومع مبدأ خنقهم والى كوكب بلا شيبان
لكن عاد انت القلب خضر ويرقع رقع بالشباب ماشاء الله عليك


ومثل ماقالت عجايب اراغون



ولاحظ انها وصفتك بالكريم (بسكون الكاف )
يعني قلبك فازليني


تروح وترجع بالسلامه وعقبال ما اتوحد ببوطروق عقبك وابيده وتلقى جذعه مصلوب على سارية علم الفله

-----------------------------------------
هلا والله بطنخان العظيم
شكراً لك على كل شيء يالطيب ماعدى عداوة الشيبان لاتصدق عجايب ترها تمزح ولاتستأنس لين يزورهم أحد كبار السن خاصة القريبين من التقاعد طماعه تفكر بالورث الدسم.

الله لايهينك شهادتك تأج على رؤوس الأصحاء ولايهونون المرضى .

شكراً لتنبيهك لي في الكاف الساكنه إيوالله أنا تهولت أقول من قال لها إنني كريم؟

[ابو عارف]

ابو الشويب حبيبنا ابو عارف

على وين يابعدي بدك تنهج نصيحه هاليومين لا تروح الشمال تجمد

وبعدين يسلم عليك ابو راشد سلام كثير ويقولك


انت ماتدري انك فوق التقيم كله


ابوعارف مالاحظت عنز هالخبله انها خبله تسنها اياها ولدها مهجن


ياحليله



تقبل تحياتي

----------------------------
هلا وغلا بأحمد الهاجري مليون

أحمد أحس إن شهادتك وأبو طروق مجروحة بحيث تطغى عليها الصداقة والمحبة الحب مثل مايقولون عمى على أي حال الله لايهينك.

سرني كثيراً تقييمك بارك الله فيك وأسلم وسلم على ابو راشد

الف شكر لك

[ابو عارف]

ابو عارف .......

أنا أبي أسمك الأمير

كل شي بك زين وازين من اللي قبله

فلاوي 100% وتر ن تعلمت منك حاجات كثير يابو عارف بما أني من تأسيس هالمضايف مسنتر
وراجعن حاليا للمضايف بقوه

بس عيبك وماابي اقول عيب لأنك كامل والكامل وجه الله .......



















تدري وشو هالعيب اللي أتمنى أنك تتخلص منه
















أنك تترك السفر مانبي نتعود على غيابك

-----------------------------------------

هلا بالسمي يوسف

شكراً لك على اللقب الجديد لاهنت

شرفتني وأكرمتني وشجعتني كثيراً بالتقييم بارك الله فيك ورعاك.

الف شكر وتقدير ولاعليك زود يالعزوة.

[ابو عارف]

[align=center]ابو عارف جيب لي هديه معك ولاتبطي

شكلك طايح في عرس المسيار

[/align]

--------------------------------------
ريم الصمان حياك الله إنتي بعد سامحيني طفت إسمك بالخطاء الله يحفظك.

مافيه زواج أما المسيار لقد سيرت على جماعة ولقيتهم جالسين فوق جلسة مرفوعة على خشب وبعد ماتقهويت قالوا والله ماتروح فيه عشاء قلت ياوافقك الخير وافقه المهم.

صاروا الجماعة يتوافدون حتى صك المجلس فوق هالسطحه والله وهي تحول بنا الجلسة وهذا سبب غيابي من شهر وللساع باقي بعض المسامير بظهري وأصبح شهر العسل شهرين طبية.

الهدية ماعندي إلا أبوي كان تبينه لجدتك.

شكراً لك لاهنتي.

[ابو عارف]

ان رايي بك مثل راي الجميع


وباخص راي خالتي عجايب


تروح وتنكس بالسلامه

تشاو

ايه على فكرة الي متزوجه مسيار

وش جنسيته

-----------------------------------------

هلا وغلا بحمود الناصر

شكراً لك على الدعاء جزاك الله خير.

وشكراً لك على التقييم المنتاز لاهنت.

جنسية عروس المسيار بليوتيه وخشبيه ومسامير الله يجيرك.

تشاو

[ابو عارف]

ما دامك شايب لا تنسى وغدانك اللي بهذا لا منك رجعت كثر من الصوغه ياجدي

تروح وترجع بالسلامه

----------------------------

أنت ياسيد حنفي

ماعندك زود حنفيات تكسرن حنفيات ربعنا بحائل من البرد تكفى تكفى يحنفي.

شكراً لك على السلامه

الصوغة نسيتها عند أهل الجلسة إذا تعافيت أسير أنا وإياك عليهم ويكون خير.

[ابو عارف]

إلى خالي ريالووووو وباقي الفلاليين الذين دخلوا و بخلوا على شايبهم بالتقييم أقول صمتكم أبلغ من الكلام وشكراً لكم لاهنتوا جميعاً.

ماعلي منكم فلاوي فلاوي فلاوي ومثبت بمسامير الجلسة المعلقة.