السلام عليكم ورحمة الله وبركاته
صبحكم الله بالخير يالربع جميعا اخواني وخواتي
أنا بنزل موضوع فيه شكر عن كتيب <_ بوه ثقافه هالود
نزل قبل فتره يمكن ماادري بالضبط بس مادريت عنه بسبب صعف الترويج له وهالضعف مااعتقد لامن الكاتب ولا من اللي شاركو في اعداده
هذا الكتاب اسمه بأسم موضوعي أروجي يمكن تكلمتو عنه ماادري والله بس أان زي ماتعرفون من فتره بسيطه رجعت للمضايف ولاقريت عنه موضوع من رجعتي
الكتاب وصلني عن طريق ولد عمي وزي ماسبق وذكرت اسمه اروجي ويحتوي على جميع المفردات العاميه الخاصه بقبليتنا العرييقه واللي بكل فخر انا واحد من ابنائها
شـــــــــــــــــــــــــــــــــــــــ ــــــــــــــــــــــــــــــــــــــــ ــــــــــــــــــمـــــرــرـــرـــرـــر
الكتاب وصلنا عن طريق ولد عمي يدرس بالأبتدائي واللي خلاني اتحمس وانزل هالموضو مدرس وكلي فخر اكتب اسمه الأستاذ / فليح الشمري معلم بمدرسة بغرب الدمام
هذا الاستاذ غير انه مربي أجيال ونفخر فيه نفخر انه أجتهد وبيض الله وجهه وكثر الله من أمثاله جايب معه نسخ كثيره من هالكتاب ووزعها على كل طالب شمري بمدرسته مجهود يشكر عليه ويرفع الراس ولاأقول هالكلام لشي بس والله العظيم أني مفتخر فيه من كل قلبي وأشكر أبوه اللي رباه هالتربيه اللي خلته يفكر بشي مافكرنا فيه
هذي مقدمه عن طريقة معرفتي بهالكتاب ولا مادريت عنه لولا الله ثم الاستاذ القدير فليح الشمري <_ اعتذر عن ذكر فخذه او اسم ابوه لأن ولد عمي مايعرف الا اسمه الاول وانه شمري
الكتاب زي ماقلت لكم اسمه أروجي ويحتوي على 700 مفرده تم جمعها خلال 3 سنوات
وكل الشكر للي أعد هذا الكتيب الاخ الاستاذ الشاعر مدري وش اطلق عليه لقب عجزت كل صفه فيه
الاستاذ /خالد سعد عفنان الزميلي الشمري <_ تقبل احترامي ياخالد وكلي فخر وانا اكتب اسمك
وماننسا اللي ساعدو في طباعة هذا الكتيب من مراجعه للمفردات ولامن تصميم وهم
راجعه :
صنيتان الطواله
عويد قبلان الشمري
تصميم الغلاف:
فهد بن عبدالرحمن الجبر
وهالابيات موجوده في الكتيب :
بعد أن أطلع على كتيب أروجي ... جاءت قريحته الشعريه بالأبيات التالية :
[poem=font=",6,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
للأربعه باهدي تحيه وتقدير واجب علينا شكرهم باعتقادي
وتقديرهم بصدور كل الجماهير شيب وشباب حضرها والبوادي
أقول ياصنيتان واصل على السير وعويد القبلان باسمه ننادي
وفهد الجبر ماهاب كثر المخاسير وخالد العفنان هندس ونفذ وأجادي
قلت الحقيقه بالرجال المشاهير ومن لاشكرهم قلت غادي وغادي
وأرجو السموحه كان بالقاف تقصير وإلا الغلا والحب داخل فؤادي [/poem]
الشاعر / عبدالله بن لافي الشمري
ولايفوتني ان أذكر أن هناك كلمة شكر لأخونا الكبير ومعلمنا المشرف العام أبو سلطان
مابي اطول عليكم بس حبيت انزل لكم هالموضوع ومدري وين أنزله بالموروث الشعبي او هنا قلت انزله هنا وانتم انقلوه باللي تشوفونه مناسب .
كان ودي أذكر لكم جميع مفرده بهالكتاب بس والله يالربع 700 كلمه ماهي بسيطهاعتذر منكم كل العذر وياليت أحد يفيدنا وين نحصل هالكتيب لاني أنا شخصيا قريته وفيه كلمات بعمري ماسمعته وأكيد الأخوان والأخوات يحبون يقرون هالكتيب
باللهي ماني مثقف احس اني ماهو أنا اللي كاتبه
رد مع اقتباس
المفضلات