صبحكم \ مساكم الله بالخير يالربع و يالربعات
ابشركم وصلت من الحج مبطي مار ماتركتن الصخونه الا مشوين
هاااا بشروا عسى دعيتوا لي يالربع <<< انت اللي حاج والا هم
الله يا اني دعيت للمسلمين << ياويلي يالمنّه
عسى الله يقبل منا ومنكم صالح الاعمال
والحظيظ منكم اللي لحق واسلم قبل لا ادعي
الوكاد انتم تشوفون العنوان والا لا ؟؟؟
هذا سلمكم الله يوم كنا بعرفات تخبرون احسبن شباب مثل اول قلت ابي افتر على رجليني ياما اوصل لجبل الرحمه
<< من حجاج البر مالهم مكان بين الحملات يعني قالعيننا ابعد مكان عن جبل الرحمه
الوكاد وانا امشي وامشي وكل ماسمعت سبيل ياحاااااج خذيت من هاللي يوزعون شوين
هلتست من المشي
وانا ارتاح شوين بظلال هكالباص
واقعد اسبح واهلل واذكر الله
يوم خذيت شوين وهي تطير بوهتي
ليمار اللي مدزبلتن علي وتبوسم لي
واتعوذ من الشيطان وافرك عيوني واقول غديني من التعب يتهيالي
ياماار ماااش الا السالفه صدز والمره جايتن وتبوسم
وانا ادزلب وجهي واصد عنه والخسه بطرف عيني ليمار صدز جايتن انا << اقول هي للحين ماوصلت
الوكاد
يوم قربت وهي تبربر فوق راسي وانا اصدد عنه مادري وش تقول ولا ادري وشتبي
وانا امسك نفسي واحطه براس خشمي ابي اسوي مثل بعض الحجاج
واقعد اقوله حج ياحاااااااج
ولنا ربع ساعه او ازود شوين وهي تبربر وانا اصيح حج ياحاااااااااج
يوم خذيت وان التفت ليا مار هكالوليده نيم حدر الباص وانا اندغوه قلت ياحاااج
وهو يقمز على طوله وانا اقول تعرف عربي قال ايس فيه
قلت بس جابك الله شف الحجيه وش تبي من اليوم تبربر علي
وهو يبربر معه وتبربر معه وهم يضحكون وهي تروح وتخلينن
وانا الله يجيركم تفور النار بتسبدي وشوووله يوم يضحكون وش اللي اضحكهم من الاساس
وانا امسك الهندي مدري باكستاني بس اقرب مالوه انوه باكستاني
وانا معصب قلت ليش تضحك انت وياه
وهو يغدي لوه بتساااااااااااء من الضحك
قلت لوه اقولك وش اللي يضحكك قال ياحااج انا يبي قول الهين << على حسب جنسيتوه
تدرون وش اللي يضحكهم
ياحبكم للشفايه والشماته
ترى اخليكم تنكسون وش عندكم جاييين
تحسبن من خوياه تحسبن باكستاني وهي مضيعتن خوياه ومن اليوم تبي تستاصف مني
من الدخنه والصلعه الناصعه البياض غادين تقل باكستاني
اسأل الله العلي القدير ان يتقبل منا ومنكم صالح الاعمال ويرزقنا حسن الخاتمه
ودمتم
رد مع اقتباس
هام جدا
المشاركة الأصلية كتبت بواسطة صدى الشمال
المفضلات