يقول الوالد : خليوي زاكي النماصي الشمري - الله يحفظه ويطول بعمره على طاعته - :
أنه مادري وش صار ، وهو ينتخي أكالواحد (أنا راع البلها)
قال الوالد: البلها مهي لك ، البلها لولد ابن عايش
قال: لا هالحين كلٍ راع البلها
فقال الوالد:
عزالله إني دون الاجواد هايش *** ولا أرضى على عيال الحمايل غليبه
يستاهل البلها ولدابن عايش *** شياه جاره صدرن من حليبه
من غير ذلك يجدعون الولايش *** مع سربة التومان سم الحريبه
والربع شوق اللي تحط الغوايش *** يوم الملاقا مايداوى صويبه
ومسلط جرى له من كبار البلايش *** ولد العواجي رحله عن قليبه
تقول يشرب من غراش الحشايش *** يركض على الموت الحمر مايهيبه
يفداه من حطوا ببيته دشايش *** فلمٍ مصاليخ الخلايق يجيبه.
رد مع اقتباس
المفضلات