قاضي داهية ولا أروع منه ,,
أخواني الأعزاء السلام عليكم ,,
شاهدوا الدهاء الغير طبيعي !!
القاضي و راعي الدجاجة ::
جاء رجل ومعه دجاجة مذبوحة وكان رايح لمحل الدجاج عند راعى الدجاج علشان يقطع الدجاجة فقال له راعى الدجاج خلاص روح وبعد ساعة وتعالي تلقاها جاهزة ,,
فمر قاضى على راعى الدجاج وقاله :عطني دجاج
قاله راعى الدجاج : والله ماعندى إلا هذى الدجاجة وهى لرجال بيرجع الحين قاله القاضي : خلاص عطني إياها وإذا جاك صاحبها قول له الدجاجة طارت !!!
قال راعى الدجاج : وشولون مايصير هو جايبها ميتة كيف ؟؟؟ قاله القاضي : اقولك قول كذا ولا عليك وخلية يشتكى ولا يهمك قال راعى الدجاج : إن شاء الله !! الله يستر..
جاء صاحب الدجاجة عند راعى الدجاج وقاله وين دجاجتي ماخلصت ..قاله راعى الدجاج: دجاجتك طارت قال صاحب الدجاجة : وش تقوووول كيف صاحي أنت ولا مجنون إنا جايبها ميتة..
وصار بينهم شد في الكلام وبغوا يتهاوشون فقال صاحب الدجاجة : امش معاى للقاضي علشان يحكم بينا هناك ويطلع الحق !!
فراحوا للقاضي وعند ذهابهم للقاضي في الطريق شافوا اثنين يتهاوشون واحد مسلم والثاني يهودي
فجاء راعى الدجاج يفرع بينهم ولكن اصبع راعي الدجاج دخلت في عين اليهودي وفقعها فتجمع الناس
ومسكوا راعى الدجاج وقالوا هذا اللي فقع عين اليهودي فصارت القضية قضيتين فوق راسه ,,
فجروه للمحكمة عند القاضي فيوم قربوا من المحكمة حاول راعي الدجاج أن يفلت منهم وهرب ولحقوه
الناس لكنه دخل في مسجد وهم وراه وركب فوق المنارة وهم وراه آخرتها طمر (نقز) من فوق المنارة
إلا وهو على شايب فمات الشايب من اثر طيحت راعى الدجاجة عليه !!!
فجاء ولد الشايب وشاف ابوه مات فلحق راعى الدجاج ومسكه هو ومعاه باقي الناس فذهبوا به إلى
القاضي فلما شافه القاضي ضحك علشان السالفة اللي قاله عنها الدجاجة مادرى إن راعى الدجاج
علية ثلاث قضايا : 1) سرقت الدجاجة 2 ) فقع عين اليهودي 3) قتل الشايب !!
فعندما علم القاضي مسك راسه وقال عز الله انك جبت العيد.. فجلس يفكر القاضي بدهاء وقال خلونا نأخذ القضايا وحدة وحدة ..
فنادو صاحب الدجاجة فقاله القاضي وش تقول في دعواك على راعى الدجاج قال صاحب الدجاجة : هذا ياقاضى سرق دجاجتي ونا معطية إياها وهى ميتة ويقول إنها طارت كيف ياقاضى !!!
قال القاضي : هل تؤمن بالله قال صاحب الدجاجة : نعم اوئمن بالله قاله القاضي : (الله سبحانه يحيي العظام وهى رميم ) قم مالك شىء !!
جيبو المدعى الثاني ::
فجابوا اليهودي وقالوا هذا ياقاضى فقع عينة راعى الدجاج فجلس القاضي يحوس ويفكر ويطلع وينزل,,,,,
فقال القاضي لليهودي : دية المسلم للكافر النصف يعنى نفقع عينك الثانية علشان تفقع عين وحدة للمسلم (راعى الدجاج ) !!!
فقال اليهودي : خلاص إنا أتنازل ماعد أبى شيء منه !!
فقال القاضي : عطونا القضية الثالثة
جاء ولد الشايب اللي توفى وقال : ياقاضى هذا الرجل طمر على ابوى وقتله ,,
ففكر القاضي وقال : خلاص روحوا عند المنارة وتركب أنت يالولد فوق وتطمر على راعى الدجاج !!
فقال الولد للقاضي : طيب وإذا تحرك يمين ولا يسار يمكن أموت إنا !!
قال القاضي : والله هذى مو مشكلتي أبوك ليش ماتحرك يمين ولا يسار !!
فسلم القاضي الداهية راعي الدجاج من المشاكل كما وعده !!!
عزالله إنه قول وفعل ,,
رد مع اقتباس
المفضلات