عزينا اليوم يا دنيا 19
عزّينا اليوم يادنيا
مصيبتنا غدت اكبر
شداوي جروح ما تبرى
شطفّي نار بي تسعر
بعدني ابكي على يافا
والم جروج شاتيلا
بعدني أشيّع بقانا
واجلّب حسرتي عاللد
بعدني مكحّل بحزني
برماد وملبسي اسود
شداوي جروح بس قل لي؟؟؟
طبيبي يا وكت ولّى
أحس النار تحرقني
واتهيج بصدري العلّة
بعد ما نشفن دموعي
ولا سنّي ضحك مرّة
صفصافة تئن بالهور
ونخيل يطيح بالبصرة
علامك يا قلم ساكت
أريدك يا قلم مجذاف
أريدك يا حبر طوفان
أريدك ريح تدفعني
أريدك يا حبر موجة
توصلني للرمادي
واشم تراب فلوجة
أشم جدم الصمد بيها
أحب الماحمل عوجة
أحب النخوة من تثمر
بعوالي وخيل مسروجة
بغيوم تمطّر الدنيا
برياح عاتية وهوجة
تضيق الدنيا عالكافر
على أمريكا.......
على الغاصب
يغور يلملم علوجة
رد مع اقتباس
المفضلات