السلام عليكم ورحمة الله وبركاته ..
[ALIGN=CENTER][TABLE1="width:95%;border:4px outset red;"][CELL="filter:;"][ALIGN=center]كيف حالكم ان شاء الله انكم بخير ,,, اليوم جايب لكم قصيده من قصيدي وحبيت اشارككم فيها
اقول ::[/ALIGN][/CELL][/TABLE1][/ALIGN]
[poem=font=",7,red,bold,italic" bkcolor="transparent" bkimage="http://www.shmmr.net/vb/mwaextraedit2/backgrounds/11.gif" border="outset,10,red" type=2 line=0 align=center use=ex num="0,black""]
مانـي بمجبـورً ولانـي بمـعـذور = آصل ظفافـه دون لا اكسـر غثاهـا
القلـب مئسـورً ولاهـو بمسـرور = روايـه العاقـل وخـبـلً حكـاهـا
وآ دمعي الي فوق الأوجـان منثـور = يروي ضما جذرً غرس فـي غلاهـا
من لامني في عشق نـوارة الحـور = أم الجدايـل طـب نفسـي وداهــا
اليا قرب لي صرت يالربـع مذعـور = اجلس واقوم ومرتبش مـن حلاهـا
واذا ابتعد عني كمـا طفيـت النـور = في ظلمـة الاحـزان وذكـرا لقاهـا
وش حيلة الي بشقا صـار مطمـور = مثل الدلو لا نقـص عنهـا رشاهـا
وهاذي وصوف الي كما قطر قاطـور = امـدربً روحـه لـدورة رحـاهـا
والعاقل الي صور الوصف بسطـور = في منخلـه يـدرا حـروفً نقاهـا
توه صغير وعايش اعصور ودهـور = واذا استوتلـه صـيـدهً مارمـاهـا
والبن مالـه نكهـةً قبـل لا يفـور = فـي دلـةً وابهارهـا فـي حشاهـا
وآ ضيم حالي كان مالي عن الـدور = ابي الخـلا والقيـد لرجلـي حداهـا
أمقيـدً دام العمـل فيـه طـابـور = واجازتـي راع الوسايـط خـذاهـا
ابي الخلا يانـاس حـرً ومحشـور = ولاعالجـة نفسـي عبايـر رثاهـا
آآه الا ياطول صبـري ومتـى ازور = اديـار حائـل وآتنـفـس هـواهـا
اديـار شمـر وبتواريـخ مـذكـور = امزبنين الـي احتمـا فـي حماهـا
دار الكرم ذكره كما نفحـة اعطـور = روضً خضر واجبال وغيـمً كساهـا
ماهي ديـارً فنهـم طبـخ هامـور = غيثي وسكن وسط الخبر وش دواها
يبي الجبال وطـرد وبـران وطيـور = وتغريقـة الضـبـان لا مانسـاهـا
وبصبر لعين الي بها القلب مئسـور = أم العقل ومن الزيـن ربـي كساهـا
أم النهود الي كما بيـض عصفـور = اصغيـراتً مالهجـهـن ضنـاهـا
عنقا طويله وصفها يذهـل الحـور = خلقً وزين وغنـج واضـح خفاهـا
الي غلاها في حشا الروح مسمـور = لجلـه صبـرت بليتهـا او عساهـا
يالله عسـى ماينبنـي بيننـا سـور = وتبقـا قريبـه لخافـقً ماجفـاهـا
وبرجع على مبداي مـن قبـل لادور = بحكايـة مايفهمـه مــن قـراهـا
وهاذي حكاية من بنا همـه اقصـور = يسكن وحيد اسجونـه الـي بناهـا
ويرسم على بيض الورق ورد وزهور = ويضمـن المعنـا بضافـي غطاهـا
بدر ولاكن ماكـل بـدر ولـه نـور = البدر وصف الي صطع فـي سماهـا [/poem]
وسلامتكم
رد مع اقتباس
المشاركة الأصلية كتبت بواسطة مشعل الغفيلي
مايجمل
المفضلات