بسم الله الرحمن الرحيم
والصلاة والسلام على اشرف الانبياء والمرسلين
الكثير من المصطلحات اللتي كانو يطلقونه اهل الباديه على منطقه معينه من الارض
نستطيع ان نقول انها اندثرت بالوقت الحالي الا مع القله وقد يكون اغلبهم من كبار السن
حاولت بموضوعي التالي:
ان اذكر "المصطلح" مع وصفه وسبب التسميه ان وجد وذكر اشهر معالمه في ديار شمر
وذكر بعض ابيات الشعر للاستدلال
راح نبدا اولا بالنفود ومن ثم الحجره:
((النفود ))
(القعر )
جمعها قعوره وهي حفرة في وسط النفود وتكون كبيرة الحجم ومتجه دائما للشرق
يقول الشاعر :
[poem=font=",6,,normal,normal" bkcolor="black" bkimage="" border="none,4," type=1 line=0 align=center use=ex num="0,black""]
و هافين من يم النفود وادعنّي= و اقصى القعوره بالنفود ادخلوهن[/poem]
من اشهرها "قعر بنيه" ...وينسب الى بنيه المعكلي ويقال انه في هذا القعر تقاسمو شمر حلالهم اللي كسبوه من مغزى على الروله وكان عقيدهم بنيه المعكلي
... والقعر بتكوينه ينقسم الى ثلاث امور:
أ) الحجاج:
وهو رأس القعر واعلاه
ب)الصفيح:
وهو بعرض القعر
ج)القطاط:
وجمعه اقطه وهو اسفل القعر
(النازيه)
وجمعها نوازي وهي مرتفع في وسط النفود تكون عريضه
وينبت به العاذر والسبط وتكون مفلا للحلال
من اشهرها : ( خرسا ..وخراسان...وام رماح ..وانبط ...ودرعا)
يقول جديع بن هذال:
[poem=font=",6,,normal,normal" bkcolor="black" bkimage="" border="none,4," type=1 line=0 align=center use=ex num="0,black""]
يانمر دنيانا رباب وظلي=ربرب على روس النوزاي وزالي[/poem]
(الطعس)
يكون مرتفع وبالعاده شديد الارتفاع وعاري من العشب
من اشهرها (طعس بويضان ... وطعوس الحومه)
يقول المطيري
[poem=font=",6,,normal,normal" bkcolor="black" bkimage="" border="none,4," type=1 line=0 align=center use=ex num="0,black""]
يقدا جمـوع كنهـا نـاب الاطعـاس=وصم الحوافـر مـا عرفنـا حسابـه[/poem]
(البنيه)
وجمعه البنايا وهي ابراج توضع على روس النوازي وتبنى بالعاده من الخشب
وبالذات الارطى للاستدلال بها
من اشهرها ( بنية ام الريلان)
(الخب )
وهي ارض منخفضه وتكون بين نازيتين
ومن اشهرها : ( خب الرضم ..وخب الحسك.. وخب سحه)
يقول الذرفي
[poem=font=",6,,normal,normal" bkcolor="black" bkimage="" border="none,4," type=1 line=0 align=center use=ex num="0,black""]
ابي خب الرضم بالصيف=بها مرباعي ومقياظي[/poem]
(الشعفه)
وجمعها شعاف وتكون بالعاده باطرف النفود اي بين نفود وحجره وهي ارض مرتفعه
وتنبت العرفج
من اشهرها : ( شعفة عنيزه ...وشعفة الدهيمي وشعفة المادا وسبب تسميتة بالمادا انه اصبحة
ميدان لمعركة بين شمر وعنزه وانكسرت به عنزه وسميت بالمادا)
((العرنون )
وهو الفاصل بين قعر وقعر ويقال عرين قلان..
(العرق)
وبالعاده يكون متطرف وهو ممتد لمسافه ومتوسط الارتفاع ويكون
احيانا حد للنفود اي بين نفود وحجره
من اشهرها : ( عرق المظهور ... وعرق الابيتر..وعرق امريط..وعرق اللبيد)
يقول الرفدي
[poem=font=",6,,normal,normal" bkcolor="black" bkimage="" border="none,4," type=1 line=0 align=center use=ex num="0,black""]
يامحلا ياخليف تشييدة الكير=بخشم اللبيد بين خضرا ولينه[/poem]
(الجبو)
وهو يكون حفره بوسط صفاه ويكون بوسط النفود ويجمع مياه الامطار
من اشهرها : ( جبو الحوار ...وجبو الفحل...وجبو القعيد)
( الحوايا )
وهي غالبا من صنع البشر ومشابهه للسد بطريقتها ومفردها حويه
فعندما يجدون صفاه بوسط النفود يضعون على اطرافه مجموعة من الرضم ويحفرون باحد اطرافه
وتتجمع بها المياه
من اشهرها : ( حوية بن دهيثم...وحوية طفيل... وحوايا الضويحي)
( الخور)
وهي حفره في وسط النفود متوسطة الحجم تجمع مياه الامطار
من اشهرها : ( خور وقيان...خور وذبله..وخور المعدا وسبب تسميته بالمعدا هي اللي عدا به مشخول ابالميخ على الظفير وخذاهم )
يقول الرمالي:
[poem=font=",6,,normal,normal" bkcolor="black" bkimage="" border="none,4," type=1 line=0 align=center use=ex num="0,black""]
هل الرباع المبناتي=بمجنب الخور قبل امسي[/poem]
( الدهناء)
نفود منبسطه تقريبا تنبت الارطى وممتده من غربي لينه الى نازية الرياشي
((ثانيا الحجره ))
(الرجم )
من صنع البشر يبنى فوق مرتفع عن الارض وهو عباره عن مجموعة من الحجاره
ويستخدم للاستدلال وللعشق 
ويمكن مراجعة موضوع اخونا الاصمعي فقد كتب موضوع اكثر من رائع عن الرجم
من اشهرها : ( رجم مناطح...ورجم هزاع ويقال نسبة الى شخص رويلي قتل عنده...ورجم فهد ويقال نسبةالى فهد بن رمال )
تقول كنه الرماليه:
[poem=font=",6,,normal,normal" bkcolor="black" bkimage="" border="none,4," type=1 line=0 align=center use=ex num="0,black""]
يارجم ماجاك عبدالله=او مارقبك وقت الادماسي[/poem]
ويقول احدهم:
[poem=font=",6,,normal,normal" bkcolor="black" bkimage="" border="none,4," type=1 line=0 align=center use=ex num="0,black""]
نطيت رجمٍ بحد طريف=حولت والشمس ماغابه[/poem]
(القور)
وهي جمع قاره وهي المكان المرتفع ولا تأتي على شكل سلسه
لكن تجد كل "قاره" لوحدها
يقول الشاعر:
[poem=font=",6,,normal,normal" bkcolor="black" bkimage="" border="none,4," type=1 line=0 align=center use=ex num="0,black""]
الطيب ياللي تريدونه=تروه رجم بله قاره
مار البلا شعيب دونه=كله خناتيق وجحاره[/poem]
ومن اشهرها : ( قارة رفحاء...وقارة ربدا ... وقارة كبد)
يقول الشاعر :
[poem=font=",6,,normal,normal" bkcolor="black" bkimage="" border="none,4," type=1 line=0 align=center use=ex num="0,black""]
ياداعج العين بالهوني=شليتني واقرشت حالي
شلة بعارين زيتوني=مابين كبد والاجلالي[/poem]
زيتون هذا رويلي واللي شلو بعارينه الشلقان
(النبا او الشرا)
وهو المكان المرتفع ويكون اعرض من القاره حتى انك لا ترا اللي خلفه
من اشهرها : ( نبا لاهه او شرا لاهه)
يقول الشاعر
[poem=font=",6,,normal,normal" bkcolor="black" bkimage="" border="none,4," type=1 line=0 align=center use=ex num="0,black""]
الهجن هجن بنا بعصير=هفن بنا مع شرا لاهه
دليلة عوص النضا ياخضير=ياخضير ذبهن متياهه
ام جنوب لديار مطير= ولا شمال لاخو شاهه[/poem]
طبعا المقصود بالقصيده " خضير المعكلي"
(التلعه)
وهي مجرى ماء منحدر من راس جبل او على شكل مفيض
ومن اشهرها : ( تلعة جدلاء ..وشخير.)
( الجال)
وتكون بمعنيين عند اهل الباديه:
المعنى الاول:
وهو مشابه للوادي ويطلق الجال على حد الجبل المحاذي للوادي
وبالعاده يكون مجموعه من التلاع
يقول ابو زويد بهالمعنى:
[poem=font=",6,,normal,normal" bkcolor="black" bkimage="" border="none,4," type=1 line=0 align=center use=ex num="0,black""]
اللي عطاه الفين بيت بتقسيم=وانا عطوني مثولث كنه الجال[/poem]
ومن اشهرها: ( جال الرعن...وجال سنار)
المعنى الثاني:
يطلق على جال البير او اطراف البير
يقل ابو زويد بهالمعنى:
[poem=font=",6,,normal,normal" bkcolor="black" bkimage="" border="none,4," type=1 line=0 align=center use=ex num="0,black""]
ان كان دلوك ماتموحه شماله=ترى النشاما ينسفونه على الجال[/poem]
(القلبان او الابار )
مفردها قليب او بير ومعروفه للجميع وهي تحفر لخروج المياه الارضيه ومن تتجمع بها لسنيين
ولكنه تكون اصغر من العدّ
من اشهرها : ( قلبان الحزول وهي ..(لوقه والهبكه والركعا والروض والهبيكه))
يقول الشاعر:
[poem=font=",6,,normal,normal" bkcolor="black" bkimage="" border="none,4," type=1 line=0 align=center use=ex num="0,black""]
نبي فريق شمال البيب =ولاقطين على لوقه
فوق اشهب مثل لون الذيب=ياحلو قطع الفرج فوقه[/poem]
( العدّ)
وجمعها عدود وهي مشابهه للبير ولكنه اكبر واعمق
من اشهرها على الاطلاق : ( البريت) وكذلك (ام جنيح بالنفود)
( المقور)
ومفردها مقر وهي تحفر من قبل البشر لحفظ مياه الامطار فقط
من اشهرها مقور الرعون وهي ( المساوري ..والصفر..والرمادياه...وغيره)
يقول عدوان الهربيد:
[poem=font=",6,,normal,normal" bkcolor="black" bkimage="" border="none,4," type=1 line=0 align=center use=ex num="0,black""]
دنو لنا العتلات هن والمصاليب=مثل الصدير من المقور القراحي[/poem]
(الثميله)
وجمعه ثمايل وهي تحفر لكي تتجمع بها المياه الجوفيه ولكنه ماتبطي
فيأخذون البدو مايتجمع بها حالا
يقول الملك عبدالعزيز:
[poem=font=",6,,normal,normal" bkcolor="black" bkimage="" border="none,4," type=1 line=0 align=center use=ex num="0,black""]
روحن مثل القطا صوب الثميله=ضمر تضفي عليهن العباتي[/poem]
( الشعبان )
مفرده شعيب واظنه من اكثر المصطلحات المشهوره عندنا حاليا
ويكون مجرى للمياه ويكون اصغر من الجال
من اشهرها : ( شعيب الخر...وشعيب فيحان وسمي باسم فيحان المطيري واللي ذبحوه شمر باهالشعيب..وشعيب ضمير)
يقول الشاعر :
[poem=font=",6,,normal,normal" bkcolor="black" bkimage="" border="none,4," type=1 line=0 align=center use=ex num="0,black""]
الهجن كتن شعيب ضمير=بعصير من عقب سروتهن
ناد الركايب وناد خضير=ناد المعكلي دليلتهن[/poem]
(الثغب)
وهي عباره عن حفر بوسط الشعيب تتجمع بهاالمياه
من اشهرها : ( ثغب الزعتري..وثغب البغدادي..)
( الفيضه)
جمعها فياض وهي ارض منبسطه لمسافه وتنبت الاعشاب ايام الربيع
من اشهرها : ( فيضة ام العصافير...وفيضة النعام..وزهوه...والحيرا..وفيضة عدوان..)
يقول الوضيحي بصري:
[poem=font=",6,,normal,normal" bkcolor="black" bkimage="" border="none,4," type=1 line=0 align=center use=ex num="0,black""]
لاريحته قشرا ولاهي مصنه=ريح النفل بمطمطمات الفياضي[/poem]
ويقول ايضا:
[poem=font=",6,,normal,normal" bkcolor="black" bkimage="" border="none,4," type=1 line=0 align=center use=ex num="0,black""]
الله يسقي مجنب الفيضتيني=من مزنة غرا حقوق هميله[/poem]
( الحزم)
وهي ارض منبسطه وتتكون من الحجاره ولاتنبت اعشاب
يقول ابو زويد:
[poem=font=",6,,normal,normal" bkcolor="black" bkimage="" border="none,4," type=1 line=0 align=center use=ex num="0,black""]
تلفي لربعي نازلين الاطاريف=نزالة الحزم المطرف اليا سال[/poem]
ويقول شالح بن هدلان:
[poem=font=",6,,normal,normal" bkcolor="black" bkimage="" border="none,4," type=1 line=0 align=center use=ex num="0,black""]
ننزل باكا الحزم المطرف اليا هيب=ان رددوهن ناقلين العصيا[/poem]
(السهله)
وهي ارض منبسطه ولا يوجد بها لااعشاب ولا حجاره
يقول ابو زويد:
[poem=font=",6,,normal,normal" bkcolor="black" bkimage="" border="none,4," type=1 line=0 align=center use=ex num="0,black""]
ياوردن مع سهلة ماتدله=عليه ردي الخال ماله جلادي[/poem]
(القاع)
وهي ارض منبسطه وبيضاء اللون لاعشب ولا حجاره ولا شيء
وتكون مناقع للماء
من اشهرها : ( قاع هوبان...وقاع الصير..)
(الخبرا )
وهي مكان تجمع الماء وتكون منبسطه
ولها احجام مختلفه
من اكبرها واشهرها ( خبراء شمر)
يقول الشاعر
[poem=font=",6,,normal,normal" bkcolor="black" bkimage="" border="none,4," type=1 line=0 align=center use=ex num="0,black""]
قلبي كما صافق الخبراء=العصر ياهب طاروقي[/poem]
(الخلايق)
وهي عباره عن فتحات بجوف الارض يقولون انه بسبب الصواعق ومفردها خليقه
ومن اشهرها : (خليقة الهبكه...والبغدادي..)
الموضوع كامل " من اعداد اخوكم مشعل حاشم الشمري"
واتمنى من اي شخص ينقله لمنتدى ثاني يذكر احقية المضايف به
واتمنى الاضافه والتصحيح ان رأيتم مايستحق ذلك
رد مع اقتباس
المفضلات