[align=center]السواة سواة رب العالمين 
<<<<< ذكرت أمي ياحبيلها
عسى ماشر يابو خالد !!
ترى الدنيا ماتسوى من يضيق صدره عليها !!
وكلن عليه من زمانه واتسف على قولتهم <<< عاد لاتسأل وشو الواتسف ترى مدري وشو
تعوذ من إبليس واترك عنك الهواجيس !!
<<<<< إلا بتلزق فيه الهموم
موضوع حلو وفي الصميم لأن مافيه أحد يخلو من الهم ,,
طبعت على كدر وأنت تريدها ** صفواً من الأقذاء والأكدار
عن نفسي أعتقد أن صاحب الهم محتاج جدا لأن يبث همومه لأحد ,, سواء كان لربه أو لمن يخفف عنه همومه من بني البشر من أخ أو صديق ممن يثق بهم ,,
عادة المهموم يبث همومه لأحد ثلاثة أمور :
1/ للتنفيس : يعني مايطلب منك غير إنك تسمعه بس مايبي منك أي مساعدة أو خدمة غير إنك ترعي له سمعك ,, لأنه بمجرد ماينتهي من فضفضته يزول همه وراح يحمل لك كل مشاعر الامتنان والعرفان لحسن إصغائك ولأنك منحته من وقتك هالدقايق القليلة !!
2/ للإحساس بالأمن ورفع المعنويات : يعني يحتاج منك للدعم والتهوين مثلا من شأن همه ومساعدته على تجاوز همومه بالكلام الإيجابي عشان يشعر بالأمن والراحة النفسية ,, مثل إنك تقول له : مايصير إلا الخير ,, هونها وتهون ,, أنت قدها ,, أمورك سهلة ,, وسع صدرك أزمة وتعدي ,,,,,, ومن هالكلام اللي مايكلفك شيء وهو في نفس الوقت يريح بال المهموم ويعطيه حافز معنوي يخليه يواجه همه ومشكلته بنفسه ويلقى لها حل ,, وأنت تأسره بمعروفك وجميلك عليه مع إنك ماقدمت له شيء مادي ,, مجرد دعم معنوي !!
3/ الحل : يعني هنا المهموم يحتاج منك إنك تساعده بكل جوارحك ,, سمعك وقلبك وعقلك ,, اسمعه ,, تفاعل معه وارفع معنوياته ,, وفكر معه في حل عملي يزيل همه ,,
وهذا هو اللي يحتاج منك للصبر والمصابرة ,, وهو اللي يكشف معادن الأصدقاء ,,
أما الأسباب الأولى فسهلة يقدر عليها الصديق وغيره مايبيلها تعب ,,
يعني على حسب همك وعلى حسب معدن صديقك تقدر تفضفض ,, أما لو عندك هم يبيله حل مثلا وعندك صديق ماعنده استعداد حتى للاستماع لهمومك فهنا أنصحك تدفن همك بقلبك وتقرا على صديقك السلام ,,
وفضفض على ربك تالي الليل
وترى في هالزمن الناس ماتبي تسمع لأحد ,, يعني لاتنكسر نفسك لو فضفضت لأحد وأنت ماتبي منه حل مجرد فضفضة وتتفاجأ إنه يصدمك بردة فعله وترجع منه وأنت معك بدل الهم همين
همك الأول ,, وصدمتك بصديقك أو أخوك !!
عاد تسن عندك هموم للتنفيس أو الدعم المعنوي اسدحها هنا لأني أقدر أخدمك فيها
أما تسانك تبي حلول فهذي شرق وأنا غرب
الله يكفيك شر الهموم ويبعدها عنا وعنك[/align]
المشاركة الأصلية كتبت بواسطة الشاهري العبيدي
رد مع اقتباس
المفضلات