<< مــاتعرف الخــووف

**بالمختصر..** · 22-11-2007 22:24

الـســـــ عليكم ورحمة الله وبركاته ـــــــلام

هذا موقف صارلي يوم عمري 6 سنين

.
.

كنا طالعين للبر ( مخيمين ) .. تقريباً 10 عوايل

و راحن البنات اللي اكبر مني يتمشن وطردني قالن ارجعي للخيام ياوغده

عاد انا خليتهن لين ابعدن شوي و لحقتهن << ملقووفه

وانا كنت امشي شوي شوي عشان ماينتبهن لي

وحافيه بعد

شفت شي غريب

وقفت اطالع .. وشو هذا ؟؟

دوده

وأصوت لأخوي تعال فلان فلاااان ولا رد علي ..

شفت واحد من العيال قلت تعال شوف وشو هذا ؟؟ الظاهر دوده !!

يوم جاء ويصير وجهوه زي كذا وينحاااااااااااااش

رررركض راح يم الرجال يصوت لهم !!

وأنا واقفه ولاأدري وش السالفه !! وهي تدور علي وأطالع له لين بغيت ادوخ من كثر مادارت

شوي ألا جاي ابوي ومعوه كم رجال

ويآخذن ابوي ويبعدن عنه ..

واسمعهم يقولون :

عــوذاا وش كبره !!

الله ستر هالبنيّه زين ماماتت ولاحد دري عنه !!

ويشغل واحد منهم سيارتوه ( ددتسن ) ويدوسه بالكفر

طلعت ( حــيـــه ) يعني أفـعـى

انا شاكه انه كانت تدور وتقول هاذي وش عنده ؟؟ ولـيـه ماتخاف مني

وألا انه ذابحه الضحك .. يوم قلت : دوده

تـشـآآووآآت .. وادعوا لي عندي إختبارات ..

.
.

**الدم الأزرق** · 22-11-2007 23:04

تقولين دوده...وفي الأخير تطلع حيه

تبيني أذبحك ماتفرقين بين الدوده والحيه...

بنــــــات آخر زمن

بعد بكره العبي مع الذيب وقولي أحسبوه قطوتنا

المهم...

ذاكري زين خلااااص نبيك تتخرجين

وألله يوفقك

**الشاهري العبيدي** · 22-11-2007 23:18

هذي حيه سودانية

الله ستر عليك

شكل الحية مالها نفس....توها بالعة غزال والا بعير

الله يوفقك بالاختبارات وعليك بالاستغفار والنوم بدري يا مشرفتنا المحظوظه

**P E A C E** · 22-11-2007 23:39

هههههههههههههههههههههههههههههههههههههههه هههههه
زيـن انـه مـاا ذبـحـتس لأنـتس شـبـهـتـيـهـاا بـ الـدووده ..!

بـس ولـو مـاا شـااء الله عـلـيـتس بـطـلـه ..

مـع الـشـكـر ..

**المطنوخ** · 23-11-2007 00:09

ليه متطوي على رقبتس

بس صدقيني يا بالمختصر الوضع ماهو مثل ما انتي شايفه

الوضع سلمتس الحيه يوم قربتي لها انتشت رجلينتس وعرفت من ريحتس انتس من فصيلته يعني من الزواحف والله العالم انتس قندس صحراوي مالوه اطراف
فا صدقيني لو محد انتبه لتس تسان صرتي ماوكلي 2 ونلقاتس حدر القشان مطويه مثل الديبان
هماه متربيه معهم؟

واتركي عنتس الدراسه هاللي مافادت شليويح هاللي استغفر الله اللي يشوف اسمه يحسبه اسم ثاني للتخلف

بالمختصر

**ابو عارف** · 23-11-2007 00:55

الله يوفقك يابالمختصر بالإختبار 100% ياخية الحيه.

أشوا إنها لم تكن عقرباً.

فيه واحد إنقرص زميله بالبر وجاء للبيوت جري يبلغ عنه ويفزع العرب.

والولد هو ولد عجوز إسمها عميره و مالها إلا هو ، المهم فزعوا الرجال والحريم الكل يركض وكان مع أولهم تلخ مايعرف إن فيه شيء أشد من قرصة العقرب لإنها قد لدغته من قبل.

وعندما وصل ولد عميرة هذا وجده مغمي عليه وفوقه صل أسود الي يسمونه ييم.

رجع يركض يبي يبشر عميرة أم الولد بأنها ليست عقرب ويقول أبشري يعميره لاتنخرعين ياعميره فرحت وأضاف لاتحسبينه عقرب إنه صل صل والصل بالعادة مايحالف.

سمعت عميرة خبر الصل وإغمي عليها هي الأخرى.

إينعم الحمد لله على سلامتك بالمختصر وأتحداك ماتفكرين بعميرة وقت الإختبار .

**اجوديه** · 23-11-2007 01:18

خخخخخخخخخخخخخخخخخخخخخخ

الحمد الله على سلامتك...هع

وشدي حيلك بالمذاكرة...

**حمـود** · 23-11-2007 01:19

اولا الله يوفقك

ثانيا شكلك فيكي بعد نظر تحسبين الحيه دودة

وش جاب

الـــــــــــله يهديك

**أبوطروق** · 23-11-2007 05:12

وش يجمع الداب للجعل

هذا اللي يقول مايعرف التمرة من **** الذيب >>> رقاااااابة

مرة ثانية انتبهي

الله يوفقتس بالإختبارات وينجحتس
والسنة الجاية مالتس عذر (لو جابوا لكم أبله من الصومال) تنجحين يعني تنجحين

وإذا ماهو بتفوق مالتس عندي نجاحه

الله يوفقتس

: