السلام عليكم ورحمة الله وبركاته ،،
.
.
.
سبق السيف العسل!!
.
.
لا يابوثوب ،، سبق السيف العذل !! ( اللي هذا أولوه ينعاف تاليه )
( لاحظوا أن العنوان : ( المقلات )بالتاء المفتوحة ،، علشان الوزن )
،،
،،
فاصل وسنعود ( مايمدينا كتبنا شي )
****
شمس المضايف ،، الأخت الكريمة الفاضلة / إيمان قويدر (( شام )) حالياً
شمعة تضيء في جميع أرجاء مضائفنا
إنها في هكا اليوم المبروك، قالت ،، سير عندنا يابوثوب بالمقلاة
عاد ،، قلت ،، لازم نرد المعروف بالمعروف
قظى الفاصل ،،
عدنا
*************
حروب في حروب
دمار في دمار
أما آن لهذا الفارس أن يترجل عن جواده
أما آن له أن يضع سيفه
أما آن له أن ينهي حروباً دامت 40 شهراً
قتل التبع اليماني ،،
وهلك التغلبيون والبكريون ،،
متى أضع قوسي عن ظهري وأجلس لأشاهد مبارات ريال مدريد :480r:
****
إخواني ،، ((( أهل الفله )))
أنتم نيمين ولاتدرون بالمخططات التي تحاك لتدمير الفله
.
.
أولاً :
المشرف العام ،، يتدخل لتنشيط مسابقة المليون لطنخان قرداحي
وذلك لصرف الأعين عن خفايا الخطط الماكرة!!
أيها المشرف العام ،،
لاتغتر ببرجك العاجي وعرشك المرصع بالكرستال المغربي
واعلم بأن اهل الفله لاتغرهم الفلوس والملايين
واليوم نحن في معركة مع الإهداءات ،، وغداً في .......
ثانياً :
الإهداءات جروني عندهم ولمدة عشر أيام ،، وبهذا أبعدوني
عن موطني الأمبقصد أن تحاك الحيل للقضاء على الفلة الغراء
استدرجوني ،،، والمثل يقول ،، من طلع من داروه .... نقط نقط نقط
لهذا ... ستأخذ جزاءها العادل ... هنا
ثالثاً :
الجواسيس ،،
تذكرون سجات الجعيثن للفله ،، ثم اختفى
ثم جانا ،،
محمد الشمري الياباني المنشأ ،، ثم اختفى
ثم جانا :
الشاهر العبيدي الأمريكي الهوا ... ثم هج بمعلومات استخباراتيه هامه
وبالأخير كثرت زيارات نافع الطواله ،،
ثم هج لفرنسا ( هالله هالله بالعطور الزينه يابوطواله )
إذاً ... الفله على وشك الانهيار
وهذا مالايسمح به الأصيل ،،،
يا
يا
يا
خلف
ياريالوووووه ،،،
هات فرسي ،،
حانت لحظة الهجووووم على مضيف الإهداءات
جاهزين ياذيابة الفله ؟؟؟؟؟؟؟؟؟؟؟؟؟؟؟؟؟؟؟
[poem=font=",6,white,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
( شام ) بنت قويدر اللي ضايعه بالطوشه=أذّت الضيفان من يوم نزلو بدياره
طمّعتني بالسكن في شقةٍ مفروشه=ويوم جيت .. ألا : بلاط ومعتليه غباره!!
وسط ( مقلاةٍ ) بزيت العافيه مرشوشه=مع إضافات التوابل والبصل وبهاره
صرت كنّي شاة ذيب جنوبها منهوشه=ومن طلع من داره ألاّ قل في مقداره
ذيك تسأل عن فساتين الفرح والكوشه=وذاك يشكي من جماهير ( النصر ) وأنصاره
أول الموضوع : ضيف ،، وعقب صارت هوشه=وكل واحد جاك فازع يومي بمقواره
يالذيابه خلو ( الإهداء ) كله دوشه=وعندكم ذيك العجوز الشيبه الختياره
ويالعجايز خلكن متقاظبات الشوشه=عندكن ( شمس المضايف ) لاتشع أنواره
النوايا والوعايد كلها مغشوشه=وطحت في حفرة عجوزٍ ماكره عيّاره
لو يهيج الكونقرس .. ولاّ يصرح بوشه=والله إنا نسرج خيول اللقا ومهاره
فارغ التصريح .. كنه كورةٍ مفشوشه=لعبة الوغدان بالكوره بوسط الحاره
فلتي واسطولها وسلاحها وجيوشه=كل غارة سرب جوي .. تقتفيها غاره
العلم مرفوع ،، محدن بالهوان ينوشه=وش علينا لو الألسن بالحكي ثرثاره
من ونوانا بالهجا .. خله يشيل نعوشه=وكثّرو حفر القبور وزيدو الحفاره
ربعنا .. ماغرهم من هو لعب بقروشه=ولا شراهم من يجمّع ( ينّه ، ودولاره )
لا قسم ... ماننتصر وقلوبنا مرعوشه=اثبتو ضد ( الزعيم ) ونفسه الأماره
والحذر !! ثم الحذر !! يالمفتخر بعروشه=بالمثل : إياك أعني ،، واسمعي ياجاره[/poem]
يمنع تدخل شعراء الفله والشعر الشعبي
وإلا ،، ترا تصير حرب عالميه ثالثه
وكتبه ،،
المعتز بالله
فخر الفله : الأصيل بن أبي ثوب الحجاجي
لثلاث بقين من شوال
في قاعة البلاط الملكي بجانب مطافي الجهرا
المفضلات