انـا العزوبـي واتقطـع تقـطـاع
على زواج البنـت تدمـع عيونـي
انا العزوبي ويـن مارحـت ملتـاع
زيـن العـذارء يالعـرب جننونـي
اشوفهم في كـل روحـه ومرجـاع
من حيـث ماوليـت هـم عذبونـي
فالبيت فالتلفـاز والصـوت مذيـاع
حتـى العمـل يانـاس مافارقونـي
وليا نويت السـوق نـاوي تبضـاع
اروح وارجع منخطف حيل لونـي
ارجع وقلبي حايسٍ بيـن الاضـلاع
مـن زود دقاتـه تخلـع امتـونـي
اللـي تغنـج فالمشـي بالـتـدلاع
واللي تناظرني بطـرف(ن) فتونـي
وام العيون السود والرمـش قطـاع
وام الجدايـل والكحـل بالجفونـي
وام النقاب اللـي تمصـع تمصـاع
قـدام عينـي والبشـر يشهدونـي
كنهـا تمتـع فـي عذابـي تمتـاع
وانا العزوبي كان ربـي ف عونـي
واهل الجنوز الضيقه واهل الاوساع
مدري وش اللي حدهـم يلبسونـي
منهم تجرعـت المـراره تجـراع
في كل يوم يزيد همـي وحزونـي
لو نطلع المريخ في لحظـه وسـاع
نلقـى العوايـل قبلنـا يطلعـونـي
من بعد طرح وجمع وهموم وصراع
قررت انا اخطب بنت وانهي ظنوني
وفي ليلة الفرحه تقول اني مرتـاع
ومن زود مافينـي تراقـل سنونـي
ابوها قـال اليـوم مانـي بطمـاع
عندي شروط(ن) للمهر واعذرونـي
يقوم يوحي لـي ويشـر بالاصبـاع
يبغي المهـر ميتيـن او يكثرونـي
يقول يبغى العرس في قصور واقلاع
ونبغى ذهب لام العروس المزونـي
ونبغى الحلا والكيك من كل الانواع
تـبـون والا ياعـسـا ماتبـونـي
ناس ٍ تحسب البنت شـروه ومبيـاع
تبي المكاسـب لـو زادت ديونـي
ماهمهم لـو زاد همـي والاوجـاع
ماهمهـم ياكـود ملـي البطونـي
يامؤمنـن بالله سـاجـد وركــاع
بنتك امانـه حـاذر انـك تخونـي
لا تعنس ابنيتك فـي سّبـت اشبـاع
نفسك وجمـع افلـوس ماينفعونـي
بكره ليا جتـك المنيـه والاوجـاع
تنـدم ولا ينفعـك دمـع العيونـي
الخيمه اللي بدون عمـدان وشـراع
يمكـن تطيرهـا الهبايـب بهونـي
انـا العزوبـي واتسكـع تسـكـاع
تكفـون بالله يالعـرب زوجـونـي
منقول
رد مع اقتباس
تحياتي
المفضلات