(( قلته وعسى قولي عن الحق ماطاش ))
السلام عليكم ورحمة الله وبركاته ..
جايب لكم اليوم قصيده من قصيدي وحبيت اشارككم فيها فلا تبخلو علي بردودكم
اقول :
[poem=font="Simplified Arabic,6,white,bold,italic" bkcolor="transparent" bkimage="backgrounds/21.gif" border="outset,10,sandybrown" type=2 line=0 align=center use=sp num="0,black"]
كل ما يجي من لاش منهاه لـلاش = والكون كله انخلق مـن ولا شـي
ماحد نجا من الموت لو كان منحاش = فوق الجبال وتحته السحب ناشـي
عد الزهاب لرحلتك فوق الأنعـاش = وهي رحلةً ماعـاد فيهـا نقاشـي
هاذا كلام الحـق ولانـي بغشـاش = ومن قبل هاذا اعرف الـي تماشـي
احذر تطيح بصحبة الي بها طـاش = الي يزيـن لـك شـرب الغراشـي
نجسً خبيثً يودعك مثل الأدبـاش = وخف الولي في لابسات المغاشـي
وشي حياتك وذكرك اليوم حشـاش = يا لعن ابوها ماتسـاوي طشاشـي
تمضي حياتك كلها مثـل الأرمـاش = ويوم الحشر ماتسدد الدين كاشـي
من قبل لا تولد يامـا بهـا عـاش = ماتو وانت بدربهم غصـب ماشـي
أعز نفسك ودفعه بخشـم رشـاش = واحذر تقلط لك علا لـك عراشـي
واحذر تكون بغير يمنـاك معتـاش = واحذر تبيح اسرار صدرك لواشـي
ماهو بعيـب تشتغـل لـو فـراش = العيـب والله بنومتـك بلفـراشـي
قلته وانا قلبي كما صفـق رشـاش = والعين جادت بدمعها كـر شاشـي
من حضي الي دايم الدوم مهتـاش = كنه كما الـي ماعطـوه المعاشـي
قلته وعسى قولي عن الحق ماطاش = والشمس مايحجب نورها اي غاشي [/poem]
وسلامتكم
رد مع اقتباس
المفضلات