[align=center]
راسي يوجعن لا عيني لا خشمي لحووووول نزل الوجع لـ يدي
شنوح رجلي تنتل لحاله تقل ماهي من جسمي ؟؟
مسيتم بالخير يالربع والربعات << جايكم على عكازات ولافين جسموه بشاش الله لا يوريكم
جايكم ابي اكمل لكم وشصار لي مع عنتر << حال عدوكم
ابي اختصر لكم القصه لاني حاس اني ابي انصرع من الوجع
تخبرون يوم صوت المخرج لعنتر ؟؟
دار الحديث هذا بين المخرج وبين عنتر
[align=right]المخرج : منهو اللي عندك والله شكلوه مباحث << اللي ابطنوه ريح مايستريح
عنتر : لا وينوه وين المباحث يقول انوه مراسل الفله يبي ياخذ علوم المسلسل
المخرج : عساك عطيتوه من الكلام الزين عن مسلسلك الفذ
عنتر : يارجل ناقدن علي يقول للحين ماحاربت يالهديفه
المخرج : هديفه يعني وشو ؟؟
عنتر : يعني ماحولك احد
المخرج : عز الله هذي بحق .. قالك هالحتسي ولا قلت لوه شين
عنتر : وش ابيبوه كف واحد ادير مسمعوه .. شكلوه مسيكين
المخرج يوم ولعت لمبة التفكير عندوه: وش رايك !
عنتر : رايي بوشو
المخرج : شكلك ودك تكمخوه وتوطا بحوض بطنوه صح
عنتر : اي والله يازينه على تسبدي
المخرج : صوت لوه وخلوه يجينن وانا اعلمك بعدين
عنتر : ابشر حمامه حيقيلك << انا قايل انوه مضروب مار محد مصدقن
عنتر مرة اخرى يأشر بيدوه لي : ياهنووووووه يا عيون السروق
عيون السروق : هااااه ياولد زبيبه
عنتر ولسان حالوه يقول : تكفى يالمخرج برد تسبدي بوه
عنتر يوم ترك لسان حالوه : المخرج يبيك بساع
عيون السروق : حمامه حقيلوه << من عاشر القوم
المخرج : انا سمعت انك ناقد على عنتر انوه للحين ماحارب
عيون السروق : اي والله ناقدن عليه هالهديفه << هناا صدق المخرج كلام عنتر ونوى الشر
المخرج : ياعيون السروق وش رايك تصير ممثل معنا بالمسلسل
عيون السروق : ده كان يوم المنا << يقالوه انوه يعرف لغات
المخرج : ابيك تصير العدو اللي تحارب قوم عنتر تخبر اخر حلقه ونبي نطلع عنتر بمنظر زين
عيون السروق : بس ابيكم تكتبون سيرتي مع عنتر اذا خلص المسلسل
المخرج يحتسي على روحوه : ياشين تلايص
المخرج بعد ان راحت روحوه : ابشر بسعدك وصح لسانك
عيون السروق : تسلم يابعدي واقلط تقهو << سمعان ان كلمه وله رد
[align=center]نادى المخرج عنتر وهو ياخذوه على جنب ورا بيت الشعر
وهم يتفقون علي
المخرج بعد ان علمن وعلم عنتر وش نسوي [/align]
عيون السروق : ها ها ها لقد غزوتك في عقر دارك يااسود الوجه يا بن زبيبه ايها الهديفه
عنتر : ان كنت اسودا فهذي خلقت ربي << ونعم بالله .. نقدن على روحي
عنتر يعود الى الحوار : لان غزوتني في عقري داري لاقتلنك وربعك تراعي << نوى الشر من صدزوه
عيون السروق :: ها ها ..... << لم يكمل ضحكتوه وسقط من فرسه مايدري من وش السالفه
عنتر مزمجرا : هاااااااااااااا
كل اللي بالتصوير نحاشوا
عيون السروق : احلم احلم يارجل وشنوحك ترى كلوه تمثيل
عنتر : جاك الموت ياتارك الصلاة << ياشين الواحد اذا جاء من اقصاه
عيون السروق : ...................... << مهو حولكم قام يمردغوه العبد
عنتر وهو يمردغن : لا تقول يالعبد
عيون السروق : ................... << مازال مهو حولكم قام يمردغوه ....[/align]
وبعد ان منّ الله علي بالسلامه من يدين هذا ....
قام وحب راسي وتأسف وقال اسمح لي خذاني الحماس
[align=right]
المخرج من بعيد : وقف التصوير .... برافووووووووووو عيون السروق
عيون السروق : ...................... << للحين مهو حولكم[/align]
بعض العرب اللي حولنا جزاهم الله خير دقوا على الاسعاف وجت وخذتن للمستشفى
وهذي صورتي انا وعنتر عقب مردغن تمردغ << بناء على طلب الفدراليه بالموضوع الاول
7
7
7
7
واسف على الاطاله
ودمتم[/align]
رد مع اقتباس
المشاركة الأصلية كتبت بواسطة أبوطروق
المفضلات