.
.
[poem=font="Simplified Arabic,4,white,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
.
.
يامن لقلبٍ مالقى له مداوي=يضيق بالحالين .. بسط وغرابيل
من طلعتي وامره عليّه عماوي=و ما لي عنه .. لو بيّح السدّ .. تبديل
مرٍٍٍٍٍٍّ اقول اللي يصيبه سماوي=وبعض الطبايع بالبنادم مجاهيل
ومرٍّ اقول مسبّقات البلاوي=اللي لهن بين الحنايا مخاييل
والظاهر انه بس فاضي .. وغاوي=مايعجبه صبح الخلايق ولا الليل
ياقلب لا ياخذك سلم الجلاوي=اللي اليا حطّ الرحَل بادر الشيل
واذكر طراوينا وهاك المناوي=بين السفاجه والقلالات والنيل
من شانها عدّيت راس الشفاوي=وجرّيت عذبات القصايد .. مواويل
يازين ياللي لي من الناس هاوي= انا قنصتك في شغايا فراطيل
غرب الشطون وغرب هاك الحراوي=شرقي حبيب وشرق وادي مراحيل
يوم اعرضن لي و صاح فيّ النخاوي=الصيد قِدْمك يابعيد المناويل
تليت انا الجكسار تل النداوي=وزرقتهن من قبل عَسْر المداخيل
وطلع عليهن بالكلاش الهواوي=ورماهن الاولى .. وزلّن معاجيل
ورجعت قال الربع ويش انت ناوي=قلت المعدّى بين هاك الجناديل
وعدّيت لين القاع صار متساوي=وامسن يمين الجيب مرمى المحابيل
وصحنا يابو حسان حذراك تاوي=هات الثنين وكمّل الكيف تكميل
وعطاهن الصالي ولا هو امراوي=ولولا القدر مهّــلّهن ... ذاقن الويل
وعقب ادبرن قمنا ندير الحكاوي=وانّاقش التضييع ونحط ونشيل
ثم اتصل فينا الرفيق المخاوي=وقال ابشروا .. جبنا الشبب يالمشاكيل
ارويّةٍ من طيّبات الاراوي=بانٍ شحمها في حشاها تراهيل
طحنا بها في وسط شِعْبٍ خلاوي=مستامنه ترعى القرَظ والنوافيل
قلنا كفو يا جعلكم للغناوي= عاداتكم طرح البدون المجافيل
وجينا لمتكى طيبّين العزاوي=والنار حيّه والهلا والمعاميل
وتكاملت مابين طابخ وشاوي=ومابين نشميٍ يسوق الفناجيل
هذي وناسة كل قلب شقاوي=وهذي تعاليل القلوب المعاليل
واللي يبي يرفع علينا دعاوي=باللوم ويفطّن هل القال والقيل
قلّه يكّفينا المسيل النحاوي=اللي كفى البيت المعظّم من الفيل
الواحد اللي في يديه الرجاوي=لا طبّقت سحب الهموم المضاليل[/poem]
.
.
رد مع اقتباس
المشاركة الأصلية كتبت بواسطة خالد الوقيت
المفضلات