[align=center]نظراً لكثرة الطلب من قبل مشرفين واعضاء وزوار الموقع احببت ان انقل لكم بعض محاورات الوالد اطال الله في عمره إليكم ..اتمنى انها تحوز على الاعجاب[/align]






[align=center]

..
ذيب الشمري:
اهدي التسليم لاهل الحق واهل والذمه
من هجوس ٍ تعتني بالجانب الانساني
كل من يطلب مواجه ذيب شاعر قمه
ما يهون دحيم والا محسن الهزاني
دحيم الخياري:
مرحبا ياشاعر(ن) دايم خفيف(ن) دمـه
من هجوس(ن) تبدي بسم الله الرحماني
من ورد هداج تيما ماجهل فـي جمـه
ماردك هداج تيما مـروي العطشانـي
ذيب الشمري :
النمور اللى عطور النقد ما تشتمه
جات مره ثانيه تحمل مدمر ثاني
بالتحايل تسرق الجاهل ويكثر همه
ويش رايك فى نمور المسرح الروماني
دحيم الخياري:
وش عليه من نمـور بغارهـا ملتمـه
دام معي السيف سيفي والحصان حصاني
ودي اضرب لك مثل وانته بصدرك ضمه
العور ياذيـب شيـخ بديـرة العميانـي
ذيب الشمري:
الريال اللى تقوا به ضعيف الهمه
ربك الخالق حمى عيسى وشرف لأمه
عن كلام الانس واللي غره الشيطانـي
عبس عنوان الفخر عداونهـا منسمـه
ما يفرق جمعهم شيعـي ولا نصرانـي
ذيب الشمري:
ما يجوز الرفع بالكسره بدال الضمه
غير فى حسبه تضم الاثم والعدواني
كلنا سنه وشيعه واللزوم انتمه
بالجناح العسكري والمرشد الروحاني
دحيم الخياري:
لاتخيـل بـرق لايمـك ولانتـه بيمـه
لوتبـات ليلـه جايـع(ن) ضميـانـي
مانحسد حوار ناقه ديسها في فمه
ديسها فيه الحليب وبطنها ملياني
ذيب الشمري:
اليتيم يجوز يحسب كل واحد عمه
البلا فى ناس ما تشبع من العماني
المزارع بالرمال السايبه منطمه
استلمها من طمع مصري كسل سوداني
دحيم الخياري:
مانكب عفش العرب غير الحسـد والنمـه
انشد مساعد وبن مربح و ابن جرشاني
الزيـود اللـي بصـنعا يـزرعـون الشـمـه
خلـهـا يـالـي زرعــة الــول والمرجـانـي

[/align]