بسم الله الرحمن الرحيم
[poem=font="Simplified Arabic,6,darkblue,bold,normal" bkcolor="sienna" bkimage="backgrounds/23.gif" border="solid,4,darkblue" type=2 line=0 align=center use=sp num="0,black"]
واشكي ولا احدٍ لد صوب اشكايتي = واصيييييح والذكرى هبوبٍ صالته
واجيك متلهلم بليل اغفايتي = صبري مولي والمشاعر فالته[/poem]
..
..
....
عواد العلي
..
.
مدري وش جابك لي ...
..
بس الوكاد هي جت كذا ...
..
. قصيده مولوده للتو ... خذها بمهادها من دون تنقيح ولا اضافات
..
..
[poem=font="Simplified Arabic,6,white,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
عواد ..جهز حامي الطرس والبوك = واكرب ضلوعك.. وارجهن الخطاوي
منت بولد عمي ولا اخوي بآخوك = لاقد لقيتك في طريقي مخاوي
الرابط اللي بيننا مابه صكوك = حب الطنايا للفزع والنخاوي
ان كان للفزعه حواكيم وملوك = حنا الملوك اللي نعز العزاوي
مطنوخنا..ماله على الطيب مشروك = من مدة الخبزه..لسود البلاوي
مولودنا..يفطم على جاتك ..ودوك = ومن قبل يفطم يستلذ العطاوي
ياصاح..لايطري على بالك شكوك = شخصٍ غريب وللقصايد شفاوي
ان قال جيت..احرص من ربيعه انجوك= جند القصيد اللي لحرفه عراوي
صدره قفص ..واضلاعه سياج وشبوك = والقلب يشدى للعديم العماوي
عكاك حرف..ولا ادمس الليل معكوك = بحرٍ من انفاس المخاليق خاوي
خاوي بشر...وارجف به اصوات ودكوك! = والمستحيله جاله امرٍ سماوي
لاتندوش...والحرف مبهم ومحبوك = خلك مع الشكوى..وخل المناوي
البارحه ليل.. وتوجاد..وصكوك = جسمي مع العالم وفكري خلاوي
مالك هنا..والخافق هناك مملوك = عزي لخفاق الغريب الهواوي
فارقتها طفلٍ له القلب مربوك = واليوم مرتني تلف الغطاوي
والضرس تسمعله طواحين وحكوك = وراحة يديني مثل طحن الرحاوي
لبا الجبين اللي تقل ضو مكوك = ولبا عيونك ياشبيه النداوي
ياليت ناسك ياأكسل الجفن باعوك = لي بالحرام اني زبون وشراوي
حسبي عليهم يوم خافو وغطوك = ماعلموك اتصير خجل وسحاوي
صوتك دلع..واغضاية عيونك شروك = اتبع خطاك..ولا اعرف وين داوي
وارجع واعل الطرس..وآناشب البوك = واشكي ..ولو ماني براعي شكاوي[/poem]
..
وسلامتكم.....
رد مع اقتباس
المفضلات