طير الشراري وقصيده محمد السديري

[الدوسـري]

الشاعر حميّر الشراري وكان مولع بحب الطيور وغدا له طير بأيام الهدد

وقام يتوجد عليه وقال قصيده يسندها للامير محمد بن احمد السديري ووصلت

القصيده للسديري بوقت القيض فرده عليه بقصيده ويوم جاء وقت الهدد

من السنه اللى بعدها أكرمه وعوّضه بطيرً بدال طيره اللى غـــدا منه





وهذي قصيده حميّر الشراري :






[poem=font="Simplified Arabic,5,white,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]

ياونتي ونات من ضيّـع الطيـر=عقابين في كبد الخضيـره حدنـه

غربيهً فيهـا عجـاج ومعاصيـر=وطوحت صوتً واتبع الصوت ونه

ونه غلامً طاح فـي جمـه البيـر=اقـرش مراديـم المقـام أتبعنّـه

ياامير طيري مالقـوه المداويـر=سود الليالي عن ديـاري نحّنـه

ودي توصي يازبـون المقاصيـر=اغدي اركابـك بالخـلا يذكرّنـه

واركابكـم بالبـر دايـم معاييـر=ولايتـرك المرقـاب مايرقبـنّـه

والقلب يابو زيد كنه علـى كيـر=والصقر صيحات الضحى يوجعنّه [/poem]









[align=center]وهــذا رد السديري على الشراري بعدما عوضه بطيرً بدال طيره ويقول
:[/align]











[poem=font="Simplified Arabic,5,white,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]

طيرك غدا بالصيف شاف التناكير=حـادن والعقبـان ليـن اقلعـنّـه

والطير وقت القيض شرً بلا خيـر=تتعـب وكـل يديـنً مايشبعـنّـه

عندي عوض طيرك ليال المخاضير=فـرخً قرانيـس الهـوا علمـنّـه

تحير في وصفه جميـع الصقاقيـر=نظمن عيونـه سـود بحجورهنّـه

أشقر عديم ينثّـر الريـش تنثيـر=ويديـه صكـات الغلـب ينثرنـه

وان صرت قدام السلف والمظاهير=ومخافـق الاجـوال يعجبـك فنّـه

طيرن يعوضك ياصبي المخاسيـر=وخل الصياح وونه الصـدر كنّـه

قبلك بكينا الطيـر هـو والغناديـر=قـد عذبـن القلـب ثـم أوجعنـه [/poem]













[align=center]
وسلامتكم[/align]

[مصبح باني]

شكرا لك اخوي الدوسري على الموضوع الذي كنت في صدد جمعه وتوثيقه ولكن لان لي عليه بعض الاضافات وهو قيد الجمع والتحرير ولكن تجاوبا مع موضوعك وتقديرا لجهدك فانني اضيف الموضوع من مصدره شاكرا لك جهدك ,, وارجو ان اكون قد قدمت لموضوعك مايضيف له وليس مايناقضه او يخطئه لاسمح الله ,, فانت قمت بمجهود عظيم وكبير لاهنت ,, تقبل ودي ودعواتي لك بالتوفيق ,,

الشاعر / سمير بن شخيتير بن سعدنه
( وهو جدي لأمي رحمه الله )

برز بعدد من المميزات في عصره ومنها الفروسيه والشعر واشتهر بحب الصقر وملازمته له واهتمامه بالقنص ليس كرياضه بقدر ماهي مصدر من مصادر الرزق الرئيسيه في وقته..
و(راع الغزاله) هو لقب تلقب به هذا الشاعر عن قصه طويله- ليست موضوعنا اليوم- ,,
اولا / قصيده الشاعر سمير بن شخيتير بن سعدنه عندما ضاع طيره ( سعران)
وجهها الى الامير الشاعر محمد بن احمد السديري (يرحمهما الله).:-

ياونتي ونات من ضيع الطير
عقابين من كبد الخضيرا حدنه
شرقية(ن) هبت كتام ومعاصير
ومع سرع ركظه الرياح قلعنه
................................
وطوحت صوتً واتبع الصوت ونه
عليك يا(سعران) دمعي شخاتير
الو يطبنّ الوطا سيلنه
ياعين لاتبكين مابالبكا خير
كم غالي(ن) سمر اليالي خذنه
ياونتي ونات من طاح بالبير
اقرش( مراديم المقام) أَطلبنه

ياامير طيري مالقـوه المداويـر
سود الليالي عن ديـاري نحّنـه
ودي توصي يازبون المقاصيـر
غدي اركابـك بالخـلا يذكرّنـه
واركابكم بالبـر دايـم معاييـر
ولايتـرك المرقـاب مايرقبنّـه
والقلب يابو زيد كنه علـى كيـر
والصقر صيحات الضحى يوجعنّه

لايابوزيد ارسل لطيري مداوير
من جيشك اللي كل ديره يجنه
طالبك ياشوق البنات الغنادير
انك تمضي حاجتي لاتكنه
حرص علا طيري جميع المداوير
لوهو خربوشن بالخلا يدهجنه
.

.ثانيا / وهنا رد الشاعر الامير محمد بن احمد السديري يرحمه الله..
والقصيده تتحدث عن نفسها. وعن طيب صاحبها . وتقديره لصاحب الطيب:-

ارسلت لطيرك من كبار المحاصير
الفين وجنا كل منهن مسنه
خمسين ينصن الشعالين وضمير
وخمسين ماخاض البحر يقطعنه
وخمسين ينصن الشعالين.. بضمير
وينشدنّ البدو والمستكنه
وقلت انكسوهن لليمن والمناصير
وداجن وساجن.. وانكفن مالقنه
من حشمتك نمشي علا الشر والخير
لازم لزوم ركابنا يدورنه
من فوقهن نقوة عيال(ن) مناعير
حاشوا جميع الطيب باكوارهنه
طيرك غدا بالصيف شاف التناكيـر
حـدنه العقبـان ليـن اقلعنّـه
عندي عوض طيرك ليال المخاضير
فرخ(ن) قرانيس الوحش علمنه
طير الرحيباء منوة (ن) للصقاقير
يعجبك يومن الايدين اطلقنه
تحير في وصفه جميع الصقاقيـر
نظمن عيونه سـود بحجورهنّـه
وان صرت من بين السلف والمظاهير
بمخافق الاجـوال يعجبـك فنّـه
اشقر عديم ينثر الريش تنثير
ويديه شكات الغلب ينثرنه

(أشقر كن عينه سنا الكير)
يرمي غلط والبِرق مايكهمنه

طيرن يعوضك ياصبي المخاسيـر
وخل الصياح وونه الصـدر كنّـه
قبلك بكينا الطير هـو والغناديـر
قد عذبـن القلـب ثـم أوجعنـه

ابشر بطيرك يازبون المناعير
طيب(ن) مع الاجواد مابيه منه
.. الطير وقت القيظ شر(ن) بلا خير
تتعب .. وكل يديك مايشبعنه

* ثالثا / ثم جاء الرد من سمير السعدنه ,, على قصيدته بقصيده اخرى كنوع من الشكر على هديته وقصيدته التي رد بها :
ياراكبن حرٍ حلي التواصيف
فجّ العضود الزور.. مايلحقنه
تشبيه ربدا نفجوها المظاهير
بيها حدعش والخيل مايلحقنه
سلم علا اللي لانوى الراي مايشير
خويه قيفان الخلا وهمنه
هو البحر ماعمر طبّه حدادير
والرسّ تنشف والغنم قعدنه
ترا السدارى (نوف على المقاصير)
ولاني بحال اللي علومي يجنه
عاداتهم يعطون صفر ومغاتير
والى عطاله عطوتن مايكنه