[align=center]صبحكم الله بالخير جميع
أقسم باللي خلق أغلى البشر ((أبوي)) الله يطول بعمره ويبقيه تاج فوق الراس
الرجال بالذات يعرفون إن الدمعة للرجال صعبة .. وشلون لو كانت الدمعة هذه دمعة أبوي
ووشلون بالأساس لو كنت أنا اللي نزلت دمعة أبوي .. ماهوب ذنبي ولاهوب ذنبه
لكن من طيبة قلبه .. أقسم باللي خلق عزة أبوي وحط فيه طيب الخصال إن موتي أهون من دمعة أبوي
وهذه كيبوردية متواضعة جداً جداً جداً ارتجالية كتبتها أعتذار للوالد .. وعسى الله يطول بعمر كل أب
ولا يوريكم دموع كل غالي عليكم ..[/align]
[poem=font="Simplified Arabic,4,white,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
كل شي عندي يهون .. حتى لو أشرب قهر = أهون تروح العيون .. بس ماشوفك حزين
دمعك الغالي يابوي عندي أغلى من البشر = تدري دمعك لاتحدر وش تقول الوجنتين ؟!
من سما الشيخ ارتوينا مزنةٍ تعصر مطر = لكن حسوفه علينا ذا المطر ((غالي وثمين))
لا يابوي إلا دموعك .. أفتديها بالعمر = وإلا أمسحها بيديني لجل ((تتبارك يدين))
لبى دمعٍ في عيونك .. محتضن صافي النظر = ليتني "دمعة" بعينك .. وانقسم بين الثنين
[[دمعة الرجال صعبة ودمعتك أدهى وأمر]] = وشهو يستاهل دموعك ؟! غير سجدات الجبين
ما أقول إلا عسى الله يسعدك طول العمر = منبسط مرتاح ضاحك .. مرضي رب العالمين[/poem]
[align=center]آسفة يا الغالي
الله يطول بعمرك ويخليك لي إنت والوالدة
الله يطول بعمركم آمين[/align]
رد مع اقتباس
المفضلات