يقول ماجد الحثربي:
يابو شكر ونيت يوم اقبل الليل
ولاحد بحالي يعلم الله داري
ونيت ونه واحد ما معه كيــــل
هذا يكيل وذك للكيل شاري
والله لولا خوفتي بالدهر ميـــــل
واخاف من كثر الحكاياوادري
لاصيح وازعج حامي الصوت بالحيل
اصرخ بعالي الصوت وانخي مشاري
ياتين فوق اشمرة"تكسر الذيـــل
اطرافها مالمها اللبس عاري
اصي انا بالويل واقول ياويــل
يقول افا يالحثربي ويش جاري
واقول ذبحي خالط المسك بالهيل
عبث يدمر بالزباد الخزاري
له قذلة سودا كما داجي الليل
من مقدم العطفة عليهن سواري
وعيون طفقات هدبهن مضاليـــل
يشدن عيون مصخرات الحباري
فوق املح يجري كما يجري السيل
يجري كما يجري مع الريح ذاري
راعي التراكي صابني والخلاخيل
صابن عسى تجري عليه الجواري
رد مع اقتباس
المفضلات