أنا يـوم أشـرف وأكشـف الجـو بالدربيـل = أديــر الـروابـع وينـهـم يـمـمـوا صـوبــه
تقافـوا جنـوبٍ وانتحـوا بـيـن يــوم ولـيـل = وهل البل ليـا شـدوا علـى مثلـي عقوبـه
عـذاب الموظـف لاتقـافـوا يـابـن منـديـل = علـى غيـر مـاوده رجـع ماقضـى نوبـه
احـب الطبيعـه والمشـاغـل تـهـد الحـيـل = والأرزاق عـنـد مـدبـر الـكـون مكتـوبـه
ليا شبعت البل والعشب فاح عقب السيل = وشفـت المواتـر قدمـهـا الـنـار مشبـوبـه
اعيـف البـلاد ومجلـسٍ فيـه قــال وقـيـل = ونــاسٍ لـيـا بــان المـؤشـر تـعـايـوا بـــه
علـى شاشـة الاسهـم مثـل حلقـة التمثيـل = ضحـايـا هوامـيـرٍ خطـاهـم تـمـادوا بـــه
وأنا لـي طمـوحٍ مايناسبـه بعـض الجيـل = أعـيـش بخـيـالٍ مـنـه الافـكـار مهـيـوبـه
ولاهمنـي منـهـو يضـيـع جـمـال عقـيـل = جزيـل العطايـا ايحـاسـب العـبـد بذنـوبـه
لــو إن الحـقـايـق ثـابـتـه مـابـهـا تـبـديـل = كشفـت المذيـع وخافـي العـلـم ذاعـوابـه
المفضلات