مـــــاهــو الـــبيت الـلـي يجـــي عـــلى بــالك..... اذا ضــــاق صــــدرك ؟

[al-shmaly]

/
.
\

لا ضاق صدري رحت للبر حطاب
وشبيت ناري في صحاري خلاها


وسط الفياض اللي بها أزهار وأعشاب
ريح الخزامى فايح(ن) في مساها

استرجع الذكرى على رأس مرقاب
وأرسم لقلبي صورة(ن) ما نساها

دنياك تلبس لك عبايه وجلــباب
وتخفي غدر سود الليال وجفاها

شفت القمر يوم اكتمل صار جذاب
نور ليال(ن) مظلمه في سماها

ترى العمر مثل القمر طل ثم غاب
أغنم حياتك لا تكدر صفاها

حافظ على الطاعه قبل يقفل الباب
ثم يتبين صحها من خطاها

اليوم فعل الطيب راعيه ما خاب
عند الرجال اللي بعيد(ن) مداها

الطيب يبقى يا فتى الجود لو شاب
في شجرة(ن) سيل المكارم سقاها

والبيت ما يبنى بلا أوتاد وأطناب
ومن لا بنى يسكن مذاري هواها

[al-shmaly]

ذكرتك يا زمان أول كثر مافكري يتجول
مع أيامك مع سنينك مع شوق ٍ معاك طول

ذكرت الناس بالديره ومبدا الجار والجيره
وناس ٍ من بساطتها تجيك بعالي السيره

ذكرت الوقت وأطباعه وجو الطيب وأنواعه
وسلم ٍ معتلي بالعز في كل لحظه في كل ساعه

ذكرت الهمسه والكلمه وثقل القول والحكمه
ومبدا الدين والدنيا ومعنى العيشه والقسمه

ذكرتك والذكر عالي مدامك يا زمن غالي
تربع في وسط قلبي مع حلي وترحالي

[غزل القصيد]

لا ضاق صدري يصير الوسع {بلساني}
يضيع عقلي وأروح {أجرح} بلا سبّـه

ياكم {مرّه} جرحـت إنسـان بلعانـي
مع إني آحنه مـن الجـرح و{آحبّـه}

[غزل القصيد]

أحيـــان تـتـفـاجــَــأ بــ أنــّــك للــ أَســـف :- طيـــّب كثــيــر
و فــــي وقــتــهـــآ مـــا تعــســِفـــك ضيــِقــَـتـك حتـــى لــ النــَدم




و الكلـــمـــه اللـــي تـــُوجــَـع الخـــفــّـاق/ و تخـــج الضــميـــر
مثـــل الفقيــــر اللــــي بـــَنــــــى بيـــتـــَـه بـــيــدّه و انـهــَــــــدَم




قــولــو لــَه : أنـــّي بــدُون حسبــَه زايـلـَه : أبـقـــــى كبـيــــر
و قـولـو لـَه : إن الـنـّـآس مـا هــِي عـنـد رغبــاتـــَـه خــَدَم




وإمـــا نصيـــر لـــ بعضنـــآ أقــراب .. و إلا مـــا نصيــــر
مو كـــل مـــا قـمنــــا نعـــالـــِـج صــَدمــه .. نــرجـَع ننـصــِدِم




و الله لـــو مــا للـــ غلا.. هـــاجـــس و أحــداق و مصيـــر
لــ أرمـــي تـــراتيـــب الحكـــي مـن وسط صــدري .. للـعَـدم .!

[نورة الشريف]

مرحبا بالجميع هنا

ومزيدا من التفاعل

[نورة الشريف]

ياحلوتي ... مافاد حزني ../ ولابكاي !
...... ولافاد دمع ٍ .. لاجل عينك ../ بكيته ..!
ليتك قتلتي أول الحزن ... / ..جوّاي !
...... ماكان قلتي : ( بسألك .. مانتهيته؟ ) !!
ياهي حزينة قصة الملح .. والناي !
...... والشاعر اللي .. في جنوني ابتليته !
ماعاد تغري ضحكة الحب .. بشفاي ..
...... من يوم ماصك الأمل باب .... بيته !
من كل عقلي أرسمه داخل الماي !!
...... ومن كل قلبي .. انقهر ../ لامحيته !
كنى أحس إن التعب قال : انا جاي
...... ومن دون روحي جبت روحي .. وجيته !
الياس يرمي .. أسود الهم .. بحشاي
...... والحلم بيدي .. / لليالي / .. رميته !!
وانتي دخيلك .. لاتذكرتي .. ابكاي ..
...... قولي عطاني بيت ..! ياما ... قريته !!

(( لاتاخذين الجرح ! .. خليه وياي
...... أذكرك ... فيه ! .. ولاذكرتك ../ نسيته ! ))


بركات الشمري

[غزل القصيد]

فاقدك والاه في قلبي تلوف
والالم ماللالم عقبك دوا
النسايم اصبحت برق وعصوف
والسرور اللي علا نجمي هوى
يارفيقي ااه ياصعب الظروف
وياقسى قلب الليالي والنوى
فاقدك ليتك تشوف اللي اشوف
ضاقت الدنيا وضاق المحتوى

[المسافـر]

[align=center]






مرحبا أخوي الشمالي

يعطيك العافية ومبطين عنك ان شاء الله انك بخير ياوجه الخير ..



يوم الوداع اتخيلي مالي حبيب أوادعه ... محروم انا واتخيلي محروم حتى من العذاب


.




[/align]

[بنت الجبل آخت القصيد]

عدّى عمر .. ياليت الأعمار تنعـاد
وأرجع بلا شيـب وبليـا تجاعيـد

أرجع وأضم أبوي وأقـول: لا عـاد
تموت وتتركني مثـل ليلـة العيـد

يوم اسألوا عنـك الصبايـا والأولاد
وقلت:أمي تقول انه مسافـر بعيـد

بكيـت ليلتهـا وناديت..مـا فــاد
وظليت أصوت لك .. وأناديك وأعيد

عوّد يا بوي وجب لي ثيـاب جـداد
يا كثر ما تنسى يا بـوي المواعيـد

بكيتك لحالـي وأنـا كنـت معتـاد
تكف دمعـي بإيـد وتضمنـي بإيـد

كم كنت محتاجك تجـي كنّـك رقـاد
تمطر من كفوفـك صـلاة وعناقيـد

احتجت لك طفلٍ كسر قلب الأعيـاد
واحتجت لك طيش وشباب وتناهيـد

واحتجت لك شاعر له أحباب وأضداد
واحتجت لك رجال يخشـى المناقيـد

احتجت لك .. واحتاج لك ظل وسناد
العمر ينقص و احتياجي لـك يزيـد

العمر ينقص و احتياجي لـك يزيـد
العمر ينقص واحتياجي لـك يزيـد
العمر ينقص واحتياجي لـك يزيـد
.
.
الله يرحمه ويغفر له

[غزل القصيد]

جمعت عمري من مرارته للياس
وجيتك ألم ياطول ياطول باعه
جيتك على كف الشـقا كلي اتعاس
مليّت من شرب الكدر و إجتراعه
جيتك وعشقي والغلا ماله قياس
من أول آهاتي لآخر نزاعه
رسمت بك ذاتي ودنياي والناس
ولونـّت بك موت العنا وإنقطاعه