[align=center]في عام 1963في عهد المرحوم الملك فيصل في فترة حرب اليمن كان هناك جماعة من الدواسروعددهم سبعه وكانو عائدين من اليمن (وكانت ايام حرب اليمن والناس في خطر)بسياراتهم النقل المحملة بالبضائع من القهوة والارزاق وكان يرافقهم اثنين من قبيلة شمر بسيارتهم فتعطلت عليهم فنخا الشمريواسمه خالد الشلاقي بالدواسرففزعوا له ووجدوا الحل في تفكيك سيارته قطعة قطعة وتحميلها وقامو بتحميلها في سياراتهم الاربع ولما وصلو الى نجران كان الخبر عند اميرها خالد بن احمد السديري يرحمه الله الامير السابق لنجران وسر بفعلتهم واكرم كل واحد منهم ومعهم الشمري فتكفل بتصليح السيارة على نفقته الخاصة وبعد ذلك انشد خالدالشلاقي الشمري هذه القصيدة بعد ان وصل الى اهله[/align]
[poem=font="Simplified Arabic,5,white,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ياحمود هات الفرت واكمـل زهابـه=كمـل زتاتـه يازبـون المشافيـق
اسرح عليـه ولاتحـن الوطـا بـه =اجنب عسى دربك ودربـه توافيـق
صلهم ترى الممشى يبي من هقابـه=خص الى زانـت دروب الطواريـق
انص السديري زبن من هو لجابـه =سعد الركاب وسعد اهلها من الضيق
سلم عليه اعـداد منشـي سحابـه=وما ورقت لشجار من الوبل توريـق
قله ترى فعلـه فخـر مـن حكابـه =فعل على عـزم الردييـن ماطيـق
ثم ثنهـا ياحمـود فهـل الحزابـه=دواسـر قامـت بفعـل المطالـيـق
سلـم عليهـم كـل منهـم بنـابـه=سلام احلى مـن غبـوق المفاهيـق
ياويش اقول بمـدح سربـة اذيابـه=يوم استناخ الفرت ثم نشف الريـق
تعصبـوا والكـل يضحـك بنـابـه=وقالوا لي ابشر بالفرج ساعة الضيق
الفـرت حطـوه الذيابـة انهـابـه=كـل يعلـق نبلتـه فـوق تعلـيـق
شالـوه ربـع للخـطـر ماتهـابـه=حتى الكرد شالـوه ماواحـد عيـق
كل يقـول الفـرت عنـدي وانابـه=خويـنـا مايلحـقـه دوم تعـويـق
يالبيـض ياللـي تنقـش الخضابـه=بالله عليكـن للنشامـا عشاشـيـق
ياكيـف ممدحهـم وازيـد الثنابـه=من حد,,حايل,, لين حـد العواليـق
مدح علـى فعـل ينومـس جوابـه=ماهـوب حكـي مايعـزز بتصديـق
يستاهلونـه بالثنـا والوفـا بــه=مدح الى جا الصدق ماهوب تلفيـق
[/poem]
رد مع اقتباس
المشاركة الأصلية كتبت بواسطة فواز الغسلان
المفضلات