هلا اديبنا الغالي
الادلة والتاريخ تقول كذا والناس تعرف هذا الشئ انت ان كان عندك عكس ذالك هاته حنا نسئلك
وانت ترد السؤال علينا بصوره اخرى البيت اللي انت ذاكره وتقول انه للتبيناوي عذروبه ياحسبن قل
احصلانه من هو حسين اللي يناجيه التبيناوي على حد تعبيرك وش جاب اسم درعا اللي انت ذاكره
ارم النعول لمغيزل العين ياحسين!
................................ واشلق لها من ردن ثوبك ليانه
لابد ماحنا عن الضلع مقفين
................................ ولابد ماناطا النفود وليانه
جنب حثاث القاع واضرب له اللين
............................... واقصر خطا رجليك وامش مشاينه
ياحسين والله مالها سبت رجلين
................................ ياحسين شيب بالضمير (هكعانه)
لو شلتها ياحسين ترى مابها شين؟
................................الخوي ياحسين مثل الامانـــه
مايستشك ياحسين كود الردييـن
...............................ولا ترى الطـــيب وسيع بطــــــــانه
الخد قرطاس ٍ قروه المصلين!!!!!!!
.............................. شفته مع اللي يقبلون الديانه؟
أو زبد يشبه له بيضا مع اللين
............................. قطن مع اللي يندفونه بعانه؟؟؟
سميها اللي يلبسون الغلامين
............................ مايلبس الا نهار الكيانه
ماقلت من باقي العذاريب به شين
........................... عذروبها ياحسين قل حصلانه
هنا البيت اللي يقول سميها محدد بلباس الحرب سابقا هل تقصد انها درعا من درع ؟؟ علما بان الدرع
مايلبس بل يحمل باليد واسم درعا له معنى غير عن درع وهذا واضح باللفظ ولو نرجع قليلا ونستشهد
ببعض ماقيل من الشعراء ووصف لباس الحرب يقول ابو زويد لباسة الجوخ الحمر وادهم الشال فلو قلنا
فلان لابس جوخه ممكن تصير او نقول فلان لابس درعا هنا الاختلاف
عموما انت يابن غسلان اسطوره بالتاريخ ويمكن اكون مخطئ وارجو ان تصلح لي الخطا ومنكم نستفيد
واعتذر عن المشاركة بالموضوع
وذلك بسبب الظروف الدراسيه بالخارج وبعض الامور اللي مالها داعي مثل ماقال اخونا راعي الوقيد
وش لنا بالعنا وماله داعي ان نشارك معكم وسنبقى نتابع معكم هذه القصة القويه بكل مراحلها
وشكرا لكم
ابو عبدالعزيز
بريطانيا
المفضلات