صح لسان الشاعر
رااااااااائعه ...
لاهنت يابوباسر
ـــــــ ملييييت..
صـ لسانه ــح
لاهنت يبـو ياسر على هالمقطع الرائع
تقبل تحياتي
مقاس التوقيع 500 بيكسل عرض وطول200 كحد اقصى وكذلك حجم التوقيع لا يتجاوز50ك ب نرجوا من الجميع التقيد بذلك من اجل تصفح افضل
اخوتي في حدا يعرف شي قصيدة قالها زيدان من المحمد يوم حب بنت من قبيلة النعيم
وما عطوها وقال قصيدة على البنت وعلى اساسها عطو البنت
الاخ ابو ياسر
ممكن تنزيل القصيده كتابيا
اعزف على عود المشاعر تقاسيم
.... شفني جمعت اضلاع صدري لك اوتار
المشاركة الأصلية كتبت بواسطة عبدالله الجعيثن
اسف على التاخير وهذي القصيده كتابياًللشاعر الكبير والقدير رشيد بن نهير العامودي
[poem=font=",6,white,normal,normal" bkcolor="black" bkimage="" border="double,10,orange" type=0 line=0 align=center use=ex num="0,black""]
ياخليف حدتني على بعض الأوضاع=ناسٍ تمس الحبل مـن فـوق يدهـا
ناسٍ من النعمة محاميـل وشبـاع=وليـا سمعـت علومهـا تنتقـدهـا
ناسٍ على راسـه معمـه ومركـاع=تبي المغازي مار ربـك ضهدهـا
ناسٍ تناجينا علـى زنـد وكـراع=عجزت أعرف أحوالها من حسدهـا
ناسٍ كلت سبع المذاكيـر بالصـاع=مدري شعـاه بليـس والا ولدهـا
وعديت عنهم يالجهيلي بالأصبـاع=يامـا وقفـت بنمـرةٍ مـا بعدهـا
وانا طبيب وعارفٍ كـل الأوجـاع=عارف عمى عين المريض ورمدها
عندي خرز داب ومصبة ومقـلاع=وأكوي مريض الرأس وأقول عدها
وأقرأ واحجم عن السبب خمسة أنواع=وأنفخ بقروه والمريـض يحمدهـا
وان طولت أقف لها واضرب القاع=يا ما يعوم غبارهـا مـع زبدهـا
وأنا من اللي يا تناخـوا بالأفـزاع=هاضت صناديد العرب من زهدهـا
شمر ليا شان اللغى والدخـن ثـاع=روس الحـرار تعدهـا وتهبـدهـا
شمر ودايع نجد شمـر هـل البـاع=شمر هل النامـوس شمـر وحدهـا
شمر هل الـردات ياخليـف بتـاع=شمر حمول الخيـل شمـر سندهـا
شمر ليا قالوا زعيم العرب ضـاع=كل الدلايـل تاخـذه مـن ولدهـا
شمر هل الجولات يا صكت القـاع=شمر تعـدل المايلـه مـن سعدهـا
شمر طعونه تقصف العمر ووسـاع=يا جردت بسيوفهـا مـن غمدهـا
شمر على دور النبي ذكرهم شـاع=صالوا وجالوا واحتموا عـن بلدهـا
شمر ليا صكوا على القوم مطـلاع=كم من زعيـمٍ سابقـه مـن لكدهـا
شمر زهو زهيـد للمـوت قطـاع=شمر تمس مـن العـوارف عقدهـا
شمر تقود القوم مع كـل الأوسـاع=شمر تشـب بنارهـا مـن وقدهـا
شمر زحازيح الجبل مابـه اسـاع=شمر هل الجـولات يثبـت عددهـا
شمر خلف عقبان وصقور وسبـاع=شمـر تدلـه بالمعـادي كـردهـا
شمر طنايا طرفـة العمـر بيـاع=شمـر تخـز عقابهـا مـن لبدهـا
شمر ليا دكت علـى القـوم تنـزاع=شمـر سلايـل لابـةٍ مـا بعدهـا
شمر تعلـت يـوم شالـع وشـلاع=شمر تبـث زروعهـا وتحصدهـا
شمر ليا هاز الوطـن كـل طمـاع=شمر رواق البيـت شمـر عمدهـا
شمر هل الفزعة مغاويـر الإبـداع=شمر بها التاريـخ قـال وحمدهـا
شمر ليا منه غـدا السيـف لمـاع=والرمح والشلفـاء تـدور بجندهـا
يصير له بالقيض جنـة ومربـاع=وكنه تسـاوق بالسحايـب رعدهـا
شمر مكارمهم جزيـلات ووسـاع=شمر مقر الكيف لـه مـن شهدهـا
شمر خبرها الذيب والذيب ما جـاع=واللي ذبـح للذيـب وفّـا وعدهـا
هل الربـاع مزبنـة كـل مرتـاع=اللي تصون سلومهـا مـن جهدهـا
يا خليف شمر عايزيـنٍ بالأزمـاع=ياخليف شمر خاسـرٍ مـن نقدهـا
وإسلم سلمت من الملامه والأوجـاع=يا شاعرٍ روس المعالـي صعدهـا[/poem]
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس
المفضلات