أمسيــــة شعرية لشعــــار مضائــــف شمر ..للابداع مكـــان

[راعي البيرق]

[align=center]أعذرني أخي ريال .. لست محب للردود .. ولا للمجاملات ...
ويوم يطلب أي كاتب ذلك في موضوعه يكون قد وافق هواي ..
إلا هنا أسمحي لي ..
أغبط فيك حبك للقراءة ، وتمحيصك وبحثك عن المفيد الممتع
وحبك إفادة الجميع
قد أكون أكبر منك سناً .. ولكن فيك قدوة لمن أراد الإستفاده والإفاده
واتساع الأفق
أسمح لي هذا ليس لك .. ولكن لي وللأخرين
دعوة من الأعماق للبحث عن المفيد
وتربية النفس على القراءة .. ثم القراءة .. قبل البحث عن الراد والمردود .
فهذا هو المفيد
سلام .. مع الإعتذار[/align]

[ريال الفسحه]

السادســ

شاعر متميز له قصائد كثيره ورائعه احترت ايا منها
اختار لكم

الشاعر / ضحوي الأسلمــــي

شاعر من الطراز الاول لعلي اعرج على رائعتين له
لنستمتع بها سويا ..



المعلومات


ضحوي الاسلمي

شــــاعر



تاريخ التسجيل: 03-04-2002



إجمالي المشاركات: 2,643 (معدل المشاركات لكل يوم 1.33)



********:
حــــــي





الأولــــى



عنونها الغالي ضحوي بــ / [ تفترق مع حبيبه ) .. !! ]






عذرا لبعـــض الألـــــم



[poem=font="Simplified Arabic,6,white,bold,italic" bkcolor="transparent" bkimage="" border="none,4,gray" type=2 line=0 align=center use=sp num="0,black"]

ياماخذك عني ..من الوقت ..غيبـه=بعدك همومي ..في ضميري ..تراكت




تحوك في صدري ..جروح ٍ عطيبه=الله مااقساها علي ..يوم ..حاكـت




كل الأماكن ..والزوايـا ..كئيبـه=وحتى الورود ..الزاكيه ..ماتزاكت




ماقلت لك ياقلب .. دنيا عجيبـه !!=ناظر ظروفك ..كيف وشلون شاكت




ياقلب أنا ادري فيك ..حالك صعيبه=وذي قصتك ..هالناس فيها تحاكت




هذا الزمن لو خان ..ماهي غريبه !!=ياما على الفرقى عيون ٍ ..تباكـت




مال البنادم غير ..قسمـة نصيبـه=لو قسمته ..وأحلام عمره ..تشاكت




موتك ..ولاأنك .. ( تفترق مع حبيبه ) !!=وتشوفها في بيت غيرك ..( وساكت ) !!
[/poem]



صح كلك ياضحوي ...






الثانيــــة


بعنوان .. / [ بـــلا شـــعــــر ]




[poem=font="Simplified Arabic,6,burlywood,bold,italic" bkcolor="black" bkimage="" border="groove,4,burlywood" type=2 line=0 align=center use=sp num="0,black"]
تـدري بعـد ماغبـت ..وش كنـت أسـوي!!=كنـت وخيالـك ..مثـل جفـن ٍ علـى عيـن
كنـت أنتظـر ..والوقـت كـنـه ..عــدوي=لاطـال ..زاد الشـوق ..فيـنـي بضعفـيـن
حتـى قبـل ملفـاك ..هالحيـن ..تــوي !!=سافرت أفكر بـك ..ولاأدري علـى ويـن !!
نسيتّـنـي معـنـى .. الصـبـر والـتـروي=وسهرتـنـي لـيـل الجـفـا ..للمحـبـيـن
زاد إنشغـالـي ..والضمـيـر ..مـتـكـوي=شـف حالتـه وشلـون ..مـن لاهـب البيـن
يامـا حطبتـك حـب ..وأشعـلـت ضــوي=أنـا ..وطيـفـك ..والـغـرام ..متراكـيـن
ويامـا بكيتـك ..بيـن ..ليـتـي ..ولــوّي=متحضـنـن دمـعـي ..أنـيـن الشرايـيـن
يااااااااااااااااااه شكثر ضايق ((وخربان جوي !!))=قـبـل تجيـنـي ..ونتشـابـك ..بالايـديـن
تـدري !! ..تعـال وخـل ضمـك ..يـدوّي=بـلا شعـر ..مـدام ضمـك ..دواويــن !! [/poem]





صح كلك ...






للرائع العديد من القصائد الرائعه لعل من بعضها



مكياجك وساعاتك

و

شـــمر



ولتصفح قصائد شاعرنا ضحوي



ضحوي الاسلمي



هكذا وصلنا لنهاية المطاف السادسـ

[ريال الفسحه]

[align=center]السابعــ

شاعر متميز بما يطرح متصفحاته ان دخلتها لاترغب
بالخروج منها لروعة ماتحويه فلله دره ..

الشاعر / سلطــان الشمري

شاعر بحق أذهلني حضورة تميز باختيار ( افكار ) قصائده
ودائما يتضح من ابياته انه يحمل هم امته معه اينما حل
فهذا بحق هو الشاااعر ...


المعلومات


سلطان الشمري

شاعر


إجمالي المشاركات: 5,091 (معدل المشاركات لكل يوم 2.77)


المكان :
رجل قروي


الدولة:
Saudi Arabia


الجنس:
ذكر




الاولــــى

هي قصيده حزينة لابعد الحدود ولا اعلم احس اني سكنت جوف
سلطان ورايت مابداخله فلله دره ..

عنونها بــ / [ هنـا .. ( دلالك)..(مجلسـك) ..قبـل موتـك ..!! ]




آسف لتكدير الذائقه / ولكن
.
.
.
.
لم يبقى الا ايام وتكتمل السنه ..!





[poem=font="Simplified Arabic,6,white,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يبه ../ يبه .. من غبت .. ماغـاب صوتـك ..=كل الأماكن .. تعزفـك .. حـزن و اصـوات ..
هنـا .. ( دلالك)..(مجلسـك) ..قبـل موتـك ..=من غبت ../ ماكنـك كـذا ضمـن الامـوات ..
سجادتك ../ بشتك * هنا * ..( هناااااك كوتك) ..=يبـه ../ بـاشيائـك أنـا عـشـت نـشـوات..
جمعـت وردك ../ وانتثـر منـه ( توتـك ) ..!=واشيل حزنـي / وامشـي الحـزن خطـوات ..
كنا صغاااار .../ نعيش باكنـاف ( قوتـك ) ..!=حتـى ربـت بصـدورنـا / مـنـك هـقـوات
يـوم القرايـب ..يحسـدونـك (بخـوتـك ) ..!=هــذا لأنــك كـنـت / بصـدورنـا ذات ..
يبه تعاااال وعيـش.../ وآنـا أموووووووتـك ..=ابيـك ترجـع يـا يـبـه بــس لحـظـات ,, [/poem]



" يبهــ "
.
.
.
.
.
.
.

"يبهــ "

/

\

/

\


[poem=font="Simplified Arabic,6,burlywood,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يبه ../ ترى من غبت .. ماغاب صوتك ../=والله اشوفك ( حي ) .. من بين الأموات .. [/poem]




نسأل الله العظيم ان يرحم والدك وان يغفر له ذنبه وان يجعل قبره روضه
من رياض الجنه وان يجمعك به ومن تحب بجنات النعيم مع الانبياء والصديقين
والشهداء الصالحين ...امين ...





الثانية




عنونها نبراس بــ / [ قطراَت .. وضوء .. ]



يقول سلطان


\


من منطلق ..أن .. الله يفرحُ بتوبة عبده ..

وأن الله يقول ( ومن أتاني يمشي .. أتيتهُ هروله ) ..

يـــ جب علينا .. أن نجدد التوبه ..كل يوم .. تُشرق فيه الشمس .. وفيه تغيب ..

فلا نعلم .. أي يوم .. تغيبُ فيه و لا تُشرق ..ثانيةً


[poem=font="Simplified Arabic,6,burlywood,bold,normal" bkcolor="black" bkimage="" border="none,4,gray" type=2 line=0 align=center use=sp num="0,black"]


آنسه..؟! طفله صغيـره؟! مُترفـه؟! وأدري عـروب ..!؟=المهـم إنـي (أحبْـك ) و(اعشقـك) لـو مـا حكـيـت!!
عاقلـه , حلـوه؟! ثقيلـه .. واعرفـك جـداً لَـعـوب ..=وأعـرف إنـي وسـط قلبـك .. وتعرفينـي مانسيـت ..
يابعـد كـل ( القـرايـب , والحبـايـب , والقـلـوب )=كُل مافـي الأمـر إنـي جَـدْ مـن غيـرك ,, ذويـتْ ..!
[ يابعـد حيـي] ..فديتـك .. بالوعـد مانـي كـذوب ..=[ اصبـري] .. لَنـي ..بدونـك ..يعلـم الله انتهيـت ..!
بس أنـا حبيـت ( أسلّـم ) لَـن قلبـي لـك طـروب ..=ولَن هذي .. مـو قصيـده فيـك / [ منّـك لا خليـت ] ..
إيـه ..هـذي .. اعذرينـي كلّهـا لأجـل النـضـوب ..=النضـوب اللـي فقلبـي ..كلهـا لـه بيـتْ ..بـيـتْ ..
عن ذنوب ٍ ..تلتهمنـي .. واشعلـت صـدري شبـوب ..=ودْي أطفي نـار بؤسـي ..واحتضـن ..نـور ٍ جفيـت..
أدري إنـي لأقترفـت الذّنْـب أتـوضـا .. وأتــوب ..=وتنتهي مـع كُـل قطْـرهـ.. آخـر ذنـوبٍ .. جنيـت ..
كاهلـي يـاااارب عاجـز عـن حِمـل كـل الـذنـوب ..=قبل أنـا قـد كنـت .. ميّـت ! لكـن بفضلـك حييـت ..
كيـف كنـت آلِـمْ ..قلبـي مـن محطـات وشحـوب ..=وأغترف بضلوع صـدري عبرتـي .. ليـن اهتديـت ..!!
كيف كان الحـزنْ مُجـرم لـه تفاصيـل .. وضـروب ..=وكيف كنت اضيق وأبكـي ..واحتـرق لامـن بكيـت ..؟!
يااااه ..يـاااالله.. ياااربـي.. تضيـق ابـي الـدروب ..=كُل ماجيت أختنـق .. أعـرف إنـي لـك .. عصيـت ..
وما أحـس إلا .. و روحـي ..تنطلـق يمّـك هـروب ..=لين توقف عند بابـك .. تطرقـه و تقـول ..(ليـت ) ..!
وأرتجفْ ..و اخاف ..دايـم .. كـل ماشفـت الغـروب ..=واعترف وأقول :صـدري .. صـار للأخطـاء ..بيـت ..
و انسكبْ .. وانكبْ .. وأدعي ..وأحترق ..وأبكي وأنوب ..=والتجـي ..واُزري بحِملـي.. وأنـدم إنـي قـد نأيـت..
هذي ذنوبي بصدري .. ( رمـل , و بيـوت , وهبـوب )=عاصفه .. وضلـوع صـدري ..تنحنـي لـك لأنحنيـت ..
ياااإلهـي ..جيـت مُذنـبْ مـن شمالـي.. للجـنـوب ..=من شروقـي مـن غروبـي .. ياإلهـي جيـت ْ جيـتْ ..
انحني لرضاك .. وأطلـب ..رحمتـك ..وإنـك تتـوب ..=عن ضعيفٍ مـن عبـادك .. ياإلهـي .. لـك مشيـت ..
نجّني يـااااربْ .. لامـن صـارت .. أوقـات الكـروب ..=نجّنـي ..يـاااربْ عفـوك .. دامنـي منـك ابتـديـت ..
نجّنـي يـااااربْ .. غفرانـك .. إذا كــل الـذنـوب ..=تنحسب ..ياااارب ..تغفـر ..كُـل ذنْـب ٍ لـي جنيـت ..
نجّنـي يـااااربْ .. لطفـكْ لأدلهمـت ..بـي خطـوب ..=نجّني يـااااربْ .. ستـركْ .. دام بأبوابـك .. بكيـت ..! [/poem]

.
.
.

شكراً .. لكل من سيقرأ .. ما اكتبُ ..بقلبهِ .. وعقلهِ ..






.::.





رائع ياسلطان وصح كلك




\



ملحوظة :
اشعر باني ظلمت قصائده الاخرى باختياري


لكن لكم بعضا من روائعه


[ مُذْكّرَاتــــْ قَرَويــــــ ]


" فكرة أطفااااال " ..!!

( أُريدُ الكَفَافْ )..

( 1000) نيلهــ و نيلهــ


وبملفه الكثير الكثير من الروائع

سلطان الشمري




الف شكر لكم ولسلطان بالذات ..



وصلنا نهاية المطاف السابعــ[/align]

[ريال الفسحه]

[align=center]
الثامنـــ


شاعر عذوبته لامثيل لها وكلماتها ليس لها شبيه
مفرداته مميزه وهو متميز

الشاعر / أحمـــد الطرقـــي " موعـــود "

شاعر له قصائد عديده وكلها بلا ادنى مجامله رائعه
ومتميزه ..



المعلومات


احـمد الـطـرقي

مـــــوعــــود


تاريخ التسجيل: 07-08-2005


إجمالي المشاركات: 2,654 (معدل المشاركات لكل يوم 3.43)


المكان :
[..طرقي..]


الجنس:
ذكر




الاولـــــى


قصيده مليئة بالحزن ومليئة بالاحساس الصادق وما أروع تلك
الابيات التي تجعل قارئها يتلعثم ذلك لانه أحس بما يحسه الشاعر ..

عنونها أحمد بــ / ][®][^][®][(( اخــتــي))][®][^][®][


يقول أحمدنا..


\



((اهديها لها بعيداً عن كل صح لسانك وكل جزل ))




اهداء لها هي


التي حرمني الله من كل معايشه لــ اخوّتها

لها

هي من تصارع الالم منذ ولدت .. وانا اصارع الحسره امامها

لها

التي ارجوا ان اعود يوم فقط واراها تنتظرني بلهفه الاخت لاخيها


لها


ولكل اخت على وجه الارض ... تنتظر اخوها وتشيل همّه




[poem=font="Simplified Arabic,6,white,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يـ, أختـي امانـه لا تلوميـن تكفيـن=كبير جرحـي ولا تكلمـت يـا أختـي
لا مـن وقعتـي قلـت يالله تموتـيـن=واستغفـر الله كـل مامـنـه فقـتـي
انا سكنّي حـزن يكفـي عـن الصيـن=مـن يـوم مافرحـوا هلـي وانولدتـي
من يومها وانتي علـى فـراش للحيـن=بـطفولتـك فاكـر انـا مـا لعبـتـي
اذكـر بعـد للمـدرسـه ماتروحـيـن=واشري دفاتر كل مـا ((ليـه )) قلتـي
اكذب عليـك ودمعتـي تجـرح العيـن=هذي دفاتر بـس تـرى اليـوم غبتـي
بكـرى وعـد منّـي ابـد ماتغيبـيـن=يـا شينهـا طـال الوعـد وانفصلتـي
ياشينهـا وانـتـي بكتـبـك تفـزّيـن=واحمد يموت بشوفتـك / مادرستـي !!
ودي اجيـك وغترتـي كلهـا طـيـن=مغبونتـن مـن حوستـي وانقهـرتـي
((مدري اخينا جايب الطين من وين ؟ ))=واطنّشـك وانتـي بلومـي عصفـتـي
يـا للاسـف ودي اشوفـك تلومـيـن=محروم انـا وانتـي معـاي انحرمتـي
يكبـر طموحـي وانتظـر ماتقوميـن ؟=وانتـي كبرتـي بـس مايـوم قمتـي
كلـي رجـى بالله وصلـت الثلاثـيـن=متعافيـه بـ,احمـد اشوفـك فرحتـي
صحيح ياختـي هالخـوات متحديّـن ؟=كلن يقول موكل الوضـع لـ, اختـي !
عنـدي يجـون اخوانهـن مسفهليـن=وانا طموحـي يندفـن وسـط صمتـي
يا اختي ابـد قومـي ولا بـي مزاييـن=امـوت انـا تفـداك هالـروح انـتـي
تدريـن ودي انّـا ولِـدنـا مجانـيـن=مدري انـا وش فيـك ولنتـي عرفتـي [/poem]


..::..


لاتعليق !!




..::..





الثانيــــة


عنونها هو بـــ / [ أفلاطـــون ..وجنــونه..!! ]



ان جيت ألومه ...
أمانه لا تلومونه ...؟
لنّـه ..تحدى ..مغرياته .. من تحداني ..!!

\

احب ... غلطاته..
كبيرة ..بــس ..ياهونه..!!
مدى هلاكه ..من ضياعي .. يمـكن انجاني ..!!


[poem=font="Simplified Arabic,6,burlywood,bold,normal" bkcolor="black" bkimage="" border="ridge,5,burlywood" type=2 line=0 align=center use=ex num="0,black"]
.. ياعونة.. اللّه .. من مدى.. التشويش .. يا.. عونه ..=..أضحوكـة.. نفسـي .. ل, عـذالـي ..وخـلانـي ..
..فرعون .. له.. موسى .. وانا .. عزّي .. ل, فرعونه..=..لا من عصا .. عندي .. ولاني .. صفوة .. اخوانـي..
..موال .. ترنيم .. يتهادى ..به .. علـى ... هونـه ..=.. فوق .. الشّغف.. أسمع .. ولا يرضيني .. ادمانـي ..
..غالي .. متيم.. به ... ضحيّة .. ضحكة ... سنونـه ..=.. ساهي .. معه.. واثره .. معي .. بالسّهوه .. ألهاني..
..يقول .. ذبّاح .. النواعس .. مالـه ... و.. كونـه ..=.. صحيح .. وش ..ذنب .. المجاعه .. عالمٍ.. فانـي ..
..هيّاف .. يالـبّ.. الوصـال .. الصّعـب... كينونـه ..=.. مرهف .. يخاف ..اللّه.. كبير .. القلب ... قومانـي ..
..يمشي .. على.. بخته.. رواسي .. صارت .. متونه ..=.. سبحان .. ربّ.. البختره .. ل, أقصـاه .. ودانـي ..
..محتال ..(أنا).. عنده ..//.. انا .. الكذاب .. لعيونه ..=.. اشرب .. متاهاته .. عشان .. أمجـاد .. عدوانـي .. [/poem]



\


فجــأه ..
يطيح ..من ..الــرّجــى..//.. أو ..طحت .. من دونه ..!

وش بي .. علامه.؟
وش ..اللي .. جـاه ... وش ..جاني ..؟!!


\

قفى.. وأنا..
اللي.. نذرت ..
الـــروح .. ماخونه .... !!
ليته .. يـموت..ولا .. لـقى .. له .. واحد ... ثـاني ....
..



[poem=font="Simplified Arabic,6,burlywood,bold,normal" bkcolor="black" bkimage="" border="groove,5,burlywood" type=2 line=0 align=center use=ex num="0,black"]
.. ماهو.. كذا ... ياقصّـة .. أفلاطـون .. وجنونـه ..=.. تبني .. مدينـه .. فاضلـه .. وتهـدّ.. وجدانـي ..؟
..منهو .. أسرك .. بقيمته ... واغـراك ... عربونـه ..=.. يومٍ.. سطعت .. بعزّتك .. وسطوعـك .. أغرانـي ..
خليتني .. مثـل العـراق ... ل, حـرب .. مرهونـه ..=.. شقد..انتظر .. وألطم..عجب ... وحطام .. خلانـي ..
..دامك .. رحلّت .. ولا يهمـك .. أحمـد .. شلونـه ..=.. أكيد .. ماهمّك ... وش .. اللي .. عقبك .. احيانـي ..
ان كنت .. عايش ... ياعسى .. ل,..السمّ.. وطعونـه ..=.. وأن ..كنت .. ميّت .. ياعسى .. ب, الخلد ... تلقاني .. [/poem]




::

صح كلك يامبدع ..






وله العديد من الخواطر والقصائد المميزه ساضع بين
ايديكم بعض روابطها ..


قصة لقبه ( موعود ) الذي اطلقه عليه الامير طلال رحمه الله ..


((انا كلّ الثلاثه))...!!


اعدام ( بصدام رحمه الله )


ولتصفح احمد الطرقي ..

الطرقي

للاسف
وصلنا سويا لنهاية المطاف الثامنـــ[/align]

[شام]

[align=right]معابر


الى اللامحدود

في فن الشعر


ولأن للشعر خاصة خاصة به في الزمن الخاص جداً

سأترك المتصفح يتكلم عن نفسه

لا مجال للشتات

مابين المحتوى و المعنى

هنا فقط يحلو الصمت ... فالصمت لغة الكلام


و لازلت على المتابعة ...


سأعود حتماً كل مرة

اخي سلمان

باقة رائعة


و نترقب الأكثر من كنوز شعرائنا الافاضل

تقديري و احترامي [/align]

[سيدة القـــــلم]

[align=center]




أمْسِيّه جداً مُمْتِعه ..
الآن فَقَطْ عَرَفْتُ ان لَدِيْنَاْ شَاْعِراً يُدْعَى " عَسّافْ "
وذَاْكَ لِيْسَ قُصُوْراً فِيه بَلْ قُصُوْراً مِنِيْ بِـ سَبَب غِيَاْبِيْ المُتَقَطّع عَنْ المَضَاْئِفْ
وحتْما سأتَقَصّى أثَرِة فَهْوَ شَاْعِراً يَسْتَحِق عَنَاء التَقَصِيْ :xsmile:


امّاْ البَقِيّه فَهُمْ شُعَرَاء غنِيي عَنْ التَعْرِيفْ

كُل الشُكْرِ لَك أخِيْ " سَلْمَانْ "

[align=left]صِيْامَاً مَقْبُوْلاً [/align]










.






.[/align]

[مجرّد]

شكراً ياغيم

[ريال الفسحه]

[align=center]التاسعــ


شاعرنا أشتهر بجزالته وبطيب تعامله مع الكل شاعر
من الطراز الاول
الشاعر / عبدالله الجعيثن

له العديد من الجزلات لعلي اعرج على اثنتين واضع
بين يديكم بقية ملفله لتتنقلوا بين روائعه ..


المعلومــات


عبدالله الجعيثن

إداري المضايف الأدبية


تاريخ التسجيل: 24-03-2002


إجمالي المشاركات: 4,922 (معدل المشاركات لكل يوم 2.44)


تاريخ الميلاد:

September 11, 1971


العمر:

36




الاولــــى


قصيده قاله عندما اعلن فيصل اللويش رغبته باعتزال الشعر واعتقد انها
كانت سبب بعودة شاعرنا الجزل ابوطلال

عنونها بــ / [ فيصل اللويش....لا للاعتـــــزال ]



[poem=font="Simplified Arabic,6,white,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
البارحه هاجوس الافكار بي ثار=يوقد على اغصان المعاليق ناره
يعزف على جمر المحاني والاوتار=يرسل على قلب المعنى اشاره
هاض الضمير وفاض سيله بالامطار=قام يتداحم ويتقادح شراره
ياراكب اللي تو طبلونه اصفار=شيخ مع البدوان واهل الحضاره
مثل الفلاش ليا قدح زرق الانوار=ومثل الشهاب ليا سرى من مداره
قبل الشروق وقبل تغريد الاطيار=من قبل شمس بقيق يسطع حمـــاره
تلّه مع السيدين واستسمح القار=خل الخطوط البيض تشبك مساره
مر المعارض واتركه عنّك يسار=يمينك الدمام والشبك باره
خل البساتم تدفعك دفع تيار=للخفجي انشد عن رفيقي وداره
يافيصل ابن لويش ياضلع سنجار=يافزعت اللي ضيم الايام زاره
مثلك عديم ويرغبه كل صقار=مثلك سمو الشعر يبني جداره
لاتعتزل دام المليله بها نار=دام الدلال مبهره وانت كاره
فل الدفاتر وانثر الشعر محّار=ارفع شراع العز وارق المناره
دش البحر واكتب على الموج بيطار=فيصل رجع والنجم عاد لمداره[/poem]

ورد شاعرنا فيصل بقصيده سنوردها له عند وضعنا ملفه


صح لسانك يابوغازي ..


\


الثانيـــه


قصيدة رائعه وجزلة من شاعرنا عبدالله

عنونها بـ / [ القمــر مابعد بـــان ]




[poem=font="Simplified Arabic,6,orange,bold,normal" bkcolor="black" bkimage="" border="none,medium,orange" type=2 line=0 align=center use=ex num="0,black"]
وشلون ابسري والقمر مابعد بان=وشلون ادل الدرب والنور طافي

وشلون يبحر مركبي دون ربان=وشلون يبقى بحر الاشواق دافي

وشلون ابكتب قصتي وانت عنوان=يامنهل ابيات الشعر والقوافي

ياما زرعت الورد في دربك الوان=ياما نثرت الشوك داخل لحافي

ياما سكبت الشهد في فمك احيان=ياما عصرت بوسط حلقي زعافي

رقيت لاجلك سلّم الحب ولهان=واشوف حظي فيك يرجع خلافي

دفنت جثت حبنا دون الاكفان=خليتها تسفي عليها السوافي

نسيتني عامين في بحر الاحزان=واليوم راجع تطلب الحب وافي

عديت من بعدك مسافات وازمان=سهمي تعلا فوق سهم المصافي

ابشرك وسط البحر صرت قبطان=واصبحت ادل الدرب والنور طافي

[/poem]


واصبحت ادل الدرب والنور طافي


صح لسانك وسلم بنانك يارائع ..


له العديد من الروائع لعلي امنحكم روابط بعضها مع رابط
ملف شاعرنا ..


**سحر هاروت**

ريحة عطر قزاز ....شالك

يسعد .. صباح الشمس



ولتصفح عبدالله الجعيثن


الجعيثــن



وللاسف
وصلنا نهاية المطاف التاسعـ[/color][/align]

[منوخ العمودي]

بيض الله وجهك

[صدى الشمال]

ريال موضوع رائع وجميل




والله ماقلته مجامله



لو هالموضوع ماله تسان قلت ماله




بس رائع بكل المقاييس







تسلم يمينك يابعدي