.
[poem=font="Simplified Arabic,5,white,normal,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
أتعبتني .. وأدري أتعبتك يا آسي .. بلسمي من شفاه = خذها صريحه كذا مافيه داعي كثرة اللفلفه
بنت ٍ لك الله تشك ان الضحى شمسه خذت من صفاه = إن طقت لثامها .. صلوا .. تراها شمسكم مكسفه
إليا أقبلت تقسم ان الصبح جا والليل يمشي قفاه = متخاصم بصدرها رمانتين وكل ٍ مشنفه
في ضحكته فتحت ورده ... وبلبل طار من زهر فاه = سبحانه الله رب اللول كيف بفمها صفصفه
موج البحر بالعيون .. ان سلهمت .. زف الرئال إحتفاه = من طاح في بحرها .. لو ينتخي .. ماجاه من يسعفه
بخيلة ٍ بالعطا .. بخله .. كرم حاتم لضيف ٍ لفاه = حتى طيوفه لو انه بيدها تاتي لك مصيفه
من يعشقه تجتمع فيه الثلاثه .. شعر .. عقل .. وسفاه = قحص المهار الأصايل بالقوافي لجلها يعسفه
مارد سناعيس شعري صار عوده منها كالرفاه = من كثر ماهو تنخى لا نخيته طالبه ينصفه
في جرهدي الضلوع يشوش كنه ينحته في صفاه = بس المصيبه بلش ياصف مبيسمها مع الأف افه
يمر ليله جلاوي .. لين صبحه ليلته ماغفاه = يقطف لها نبض من صدري والى منه طرت حرفه
لوهو مشى في غموضه غصب تلفي ثم بيّح خفاه = لامن طرت له لقى نفسه وحيد يكلم الأرصفه
عنده قناعه لو انه حط قلبي بيدها ما كفاه = مثل مهو مقتنع ان العمر بعيونها تقصفه
إليا تلعثم شطر عز الله انه زلته مارفاه = ليته يجيبه لنوار الخفوق وبيدها تقطفه
وياخذ عليها عهد توفي ربع ما مد له من وفاه = من كثر خوفه عليها كل لحظه يرجع إيحلفه
ممكن كذا أيها الـ آسي خفوقي يبتدي في شفاه = ما ينفعه كثر وصفاتك ولا تكثر لي الفلسفه [/poem]
.
رد مع اقتباس
المفضلات