البيان....في مداعي العجز والشيبان

**محارش** · 25-04-2002 01:46

والله ياعليك اكتشافات خطيره وخذ هالمداعي حللهن :

يامال الهندري
يامال الشربه
يامال الدزرين ( القرين )
يامال الشام :D

من جد تسلم يابعدي وهذي المواضيع اللي نبي لانه تخصنا ومن ابداعنا وافكارنا
<<<<< متشقق من الوناسه :D

**اليم** · 25-04-2002 11:20

هلا وغلا باخوي محارش..........

يامال الهندري.....مرض خبيث الله يتسفينا الشر..وهو مرض جلدي

ويتكون على شكل دوالي..وانتفاخات حمراء وورم في مناطق متعدده

من الجسم....ويمكن يكون زي السعلوه:D :D

يامال الشربه....هذي قليلين ها الوفق الوغدان ليا منه سرا تالي الليل

وشرب له جغمتين ماء او لبينن بارد ...وراح وتنقح حدر النجوم

ويوم يصبح لياهو ..متضايقن نفسه وصديره له صفير....;)

nما عمرك سمعت امك تقول لك ليا طلبت لك مويه بالليل

نم ...يا وليدي يجيك الغزيل ويسقيك....شفت كله خوفن عليك من

الشربه:D :D :D

يا مال الدزرين(القرين) ....هذا يابعدي. ليا منه لابس الواحد...بسم

الله علينا...مايعرف عماته من خالاته....يزك الواحد زك..و هذا دواوه

اول عند....راعي الشعيبات الله يعزكم تفلتين وينقز وان ما نقز

خمشوه وجدعوه علا له ذيبن بله شبك...ثمن ينقز لو ان زدامه سور

الصين العظيم|512|

يامال الشام.....هذا تسان ماهو مرض التسمم...ودائماً صيب

اللي يقابلون ها المطاعم اربع وجباتن باليوم الله

يتسفينا الشر ....;) ;)

هاه لعلي اصبت....عطونا

**محارش** · 25-04-2002 17:00

مويه يا اليم!!!!!!!!!!!
وش علم لسانك متعاوج :p

ههههههههههههههههه
الموضوع ابداع ابداع والرد مهو صاحي ( شكل الرد كان يستعمل ليا ما انلحس مخه :D )

لي رجعه ان شاء الله

**الوبـيـــري** · 25-04-2002 23:23

الأخ اليم
شكرًا لللإيضاح الوافي والكافي ولكن لدي بعض المداعي أرجو تفسيرها

* يامال المهنبص
‘ يامال النخري
* يامال الدبلة

والمزيد لاحقـًا
تحياتي

**اليم** · 26-04-2002 00:33

هلا وغلا والله ....انورت واسفرت....حضرة المراقب هنا

لا....لا....وينك ياولد..جدد القهوه:D

وارسل اخوك للغنم...يجيب لنا خروفين......هها يا بعدي

>>>>المراقب مستعجل وطلق;)

والا ودنا ندسم شواربكم الليله.....الشكوى للي ما تنام عينه...

الرجال مشاي بس يبي ينشد عن ها الكليمتين...

مقيولاتن له:D :D ومتعقدن منهن

بس لايهمك وانا عمك

يامال المهنبص...هذي طال عمرك مدعاتن قديمه واصله اهو عربي

الظاهر...انه جايتن من اواسط افريقيا..ويقال لها مرض البوص وهو

مايعرف بالدبره...:D وغالباً ما تصيب الحيوانات...فاذا قيلت لك

حاول تصرف عمرك...ولا توهق نفسك...فلربما تركب عليك:D :D

يامال النخري....آه يا النخاشيش...هذا ليا صاب الواحد..بس

يقوم له مناشق...ودايم ومنديله على منقوره....ويعرف حديثاً

بالانفلونزا الحاده....خشمك يمشي ولك معاطس|510| آه..آه...آتشوووه

يامال الدبله.....الله يتسفيك و يسفينا الشر هذا ما يسمى بالعلم

الحديث بازدواجيةالتفكير....يعني تجلس تهوجس مع نفسك..

ويصيبك انفصام بالشخصيه...وتشوف الواحد...ثنين....دبل:D :D

وخلك ......معي

[gl]اليم[/gl]

**الوبـيـــري** · 26-04-2002 00:50

عوده

الأخ اليّم شكرًا للشرح المستفيض والإيضاحات، ولكن اعذرني فلدي المزيد أرجو منك تسليط الضوء عليها وهي

* يامال الناخور وهل يختلف عن النخري الموضح أعلاه
* يامال البلش
* يامال البهضة
* يامال النهيمة

لي عودة اخرى
الله يتسفيك شر كل المداعي أعلاه
تحياتي ،،،،

**محارش** · 26-04-2002 01:19

8
8
8
8
8
8
8
8
8
الحبيب هذا متاكدين انه عربي????!!!! :D

**الشمريه** · 26-04-2002 22:37

حشى حشى وش هالمداعي

الله يكفينا الشر

لو سمحتو ممكن تفسرون لي المداعي التاليه

ا.يمل الزرد

2. يمل الزاغوت

3. يمل السلال

4. يمل الفريفر

**اليم** · 26-04-2002 23:28

السلا مو عليكم......هلا بكم كلكم......

هلابك ...اخوي الوبيري.....

اولاً وبالله نستعين.......

* مالك لوا الناخور ...ماهو والنخري الايف...:D :D

هذا طال عمرك...والاعضاء ..والزوار....مرض فتاك ويصيب العظام ...ومن

اول الله لا يبلانا يقطعون رجل الرجل ليا صابه الناخور...لانه اليا استشرى

بالواحد يمكن يلحق على عمره...وعرف اخيراً بمرض الغرغرينا.....

* يامال البلش....ماعمرك سمعة بسنة البل...هذا حسب ما يقال

ان به سنه من السنين..انتشر ها المرض الله يتسفينا الشر بها الدول

الشرقيه...وهو مرض ليا صاب الواحد يجدع الخشم....ماتشوف دول

شرق آسيا فنسن خشومهم....اجدادهم كان مالهم خشوم..

من هكا المرض ومع الوقت ...بدو ..يتعدلون.......

* يامال البهضه......مشفره...على الخاص

* يامال النهيمه....انتبهو لعيالكم...وخصوصاً اللي يلعبون بالغبار او

حول مراح الغنم...النهيمه هذي ضيقن بالنفس..وقحه..والواحد

ليا ضربته والف الارض...ماعمرك سمعتبقولتن قم يامالا النهيمه

وهذا دليل على ان راعيه يوالف الارض....والظاهر...انه الربو ها الايام

.............وشكراً.....لا تعوده قطعت نفسي|8| |8|

+++++++++++++++++++++++++++++++++++++++++++

**اليم** · 26-04-2002 23:52

[gl]معليش اخوي ( محارش) الوقت ما يسعف..........بعدين ا رد عليك[/gl]

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

هلا وغلا باخت الطنايا...الشمريه

عاد ما ذبحنا الا انتن ومداعيكن..:D :D

* يمال الزرد...هذا مرضن يصيب الحبال الصوتيه.....ماتشوفين قحطه

هالي حسه تقل حس شاميتن مع له طلعه:D

* يامال الزاغوت.......ماهو مرض...قمت الخبث عند اللي يدعون به

هذا الل يتسفينا الشر ...عزرايين......الموت

* يامال السلال....اعوذ بالله منتس....السلال هذا يسل جسم الواحد

سل(يعني فسرنا) ويخليه تقل عود..عظم وجلدن ناشف...الواحد

لو يمره له مهبن طار.

* يامال الفريفر.....ياحبكن له:D دايم على السنتكن.....الفريفر

حتسه...يعني حساسيه ليا صابت الواحد بس يهترش..تقل اجرب

وليا صار بجنبك اللي صايبه الفريفر....تشك به انه مقمول:D :D

لا تعودينه........والا ادعي عليتسسسسس