هذي قصة انقطاعي ......
[align=center] سلام يا لربع
و الربعات
انقطعت لي فترة ما هي بسيطه عن الفله وهي غاليه وأهله ثقلين عليبس أهضمهم بحنوك ريال
وبما أني راعي سنع وذرابه حبيت أبين لكم سبب انقطاعي
هذا يالربع ولا يهنون الربعات - وإلا أقول ماله داعي أنا ما احاتسي الحريم-
كنت بيوم من أيام السنه -لا تقولون متى وكيف ولعل وعسى هذا شين مالكم دخل به- كنت طالعن من البيت ومعين من الله خير وما معنا من الشر طاري يوم جيت أركب سيارتي وأنا أسمع هكا الونينوأنا أتلفت يمار ما حولي أحد قلت أكيد هذا ونين بسه ممصوعن ذنبه يوم راعيت يمار هكا لوغد يده على منخره وعيونه متنفخات من الصياح
قلت له: يالبناخي وش بلاك عسى ما شر وهو ينزل يده يوم نزله وأنا أشوف لي شوفه الله أعلم به , الله لا يوريكم مكروه.
العيون حمر منتفخات من العياط والخشم رايح وطي من المسح والشدوق والا أقول اسألوا منيصير تروه أبخص كان يعمله كمادات المهم وأنا أقلطه وأقهويه وأعشيه وأغديه وأفطره وهو ما غير يتجضع ويتدلك يما صارت شدوقه كبر شدوق الشبث - شبيثان لاتزعل ترا رياااااال واصفهن لي- ويا بغيت انشده شغل الونانات يوم طوله البرعوص وأنا أجيه بليلة ما طلعت شمسه
قلت: يا ولد الهلال يبي يهل وأنت لا زقن عندي و الدين اركبن من مونتك وش سالفتك علمن والا!!!!!!!!
وهو يقعد الوغاد يشاهق يوم شفت المزيك تبي تشتغل قلت: يا ولد انجز على والا ترن أبشيلك و أزقفك مع ها الدريشه
قال: أنا ريال بن فسحه ويا خوك تولجون عيال الفله يقولون لا تلعب معنا كوره ويا جيت يمهم تكوحونن بالتراب
قلت: يخسون هالهيوس ايه هذي سوالف منيصير و أبو جدايل مار أخافك يا لغالي مسوين بهم شين
قال:أبد يا بعدي بس يقولون أحنوكك منجضعه
قلت:أنا أخو أبوي يعقبون بس يمكن يالبناخي عندهم علم
قال:ابيك تفزع لي ما أدري ليه دخلت قلبي- صورة شليويح يومي بيده ناقد على ريال-
قلت:أنا أخو ما ني قايل - بس أبعلم رياااااااال- يا لله عليهم نبي نفدع بهم ونمردغهم مردغه
قال:لا يا الخوي هذولا هوام الله يجيرك علبى الواحد مثل علابي الفيل الهندي،، هكا السنه ،،صوره أبو جدايل يوم يشبهه على صدى .
قلت: يخسون والله لأمردغهم مردغه وأمردعهم بدرعه- وأنا أقعد أموح بيدي من الشجاعه- وهو يذل الريييل
قال: وش رأيك يالخوي أرسلك عليهم وأنا أقعد بهاه
قلت:أكصوم لها الوروك المتجعفات ألا رجلي على يدك تمشي وأنت ما تشوف الدرب–ما أدري ليه أنغزن قلبي منه– وأنا أربطه وأجوده وأفزع به.
يوم جيت العيال يمار على وصف برعوصي يلعبون كوره ومنيصير متنفخات مناخره يقامز ويناقز- شكله يستعرض- وأنا أجي بحمو حيلي أبي ألفخه له كف يهبط شوين من هالشواشه الطايره
وهو يروغ عني أثريه ذهين المذهوب
قال:سلامات يالحبيب وش تبي
قلت: وش نوحكم على ريااااااال تكوحونه بالتراب وتجدعونه بالرضم وهم يتجمعون علي تقل كومة نمل دارعتن له بخيشة سكر
قالوا:اسمع السالفه عقبن أحكم , وأنا أتوازن وأعدل الشماغ وأميل العقال
قالوا: هالمسبوع أوذانا كل ما سجلنا قول أخذ الكوره وقرطه بسنيناته اللي تقل سنينات فار
قلت: أنا أخو أبوي أثري السالفه هلون وش قولك يا ريااااااال الفلس يمار ما تشوف ألا عجته وهم يتولجونه العيال وخبري به هكا الساعه
مار ما عندكم عنه خبر ابتوطى بطنه يما يطلع كل اللي كنحه عندي
يا عرب لا أحد يعزمه تروه هااامه
أقول برعوصي حبيبي لا تزعل تر ما هنا رضاوه المكافأه وزرطته ويا زعلت أبي منيصير و أبو جدايل يلصقونك بالملعب>>>تطورنا عن الجدار
مع تحيات وتمنيات ودعوات أخوكم شليويح مخوف العربان ومسنع الرعيان ومتولجن سلمان
رد مع اقتباس
المشاركة الأصلية كتبت بواسطة صدى الشمال
المفضلات