السلام عليكم ورحمه الله وبركاته
هذا الامير عبيد ابن رشيد كل عيد يوزع الهدايا والعطايا للزقرت وللرعيان ولناس الفقراء وكان كل عيد يجيك
شاعر الاسلم خضير الصعيلك لابن رشيد ياخذ نصيبه
وقبل العيد بيومين وهو يركب فرسه وهو يتقنطر من فوقه وتنكسر رجل الفرس ويتاخر خضير الصعيلك ويجيم ثانى يوم العيد يامار الهدايا توزعن وكلن لابس جوخ وهالزبون ومستانسن بالعطايا والله ويشوفه الامير
قال ابن رشيد لخضير ها يا خضير وش الى اخرك عنا
قال الشاعر خضير الصعيلك ردن على كلام عبيد الرشيد
[poem=font="Simplified Arabic,5,white,normal,normal" bkcolor="transparent" bkimage="backgrounds/21.gif" border="none,4,gray" type=0 line=0 align=center use=ex num="0,black"]
الله من واخذن فرج ضحى العيد = كم راس شامى تقل نوار وادى
وانا على التفريق عدى على حيد = تقنطرت بى يوم صاح المنادى
مير وان عاش راسك كل يوم لنا عيد = عد عطايا ياطير شلوى جوادى
وطير شلوى معزبينه حواصيد = ومامن زرع الا ورها حصادى
شارات خيرك مابعدها عويديد = الله جعل كفك لمالك نفادى
وكل يوم يا سم الاعيال الصناديد = ماقلت هزون يا صطام المعادى
الجود عندك خادم وانت له سيد = والى يسبك غادين ثم غادى [/poem]قال ابن رشيد عاد يا الصعيلك اليا سمعت اخو نوره غزا وكسب انت الحق وابشر بالخير
والله وهى تصير والله اكرم ابن رشيد وهو يكسب من غزو ويجيك خضير الصعيلك مومى قال عبيد الرشيد ومعه محمد ابن رخيص ها يا خضير وش جابك قال عاد خضير الصعيلك
[poem=font="Simplified Arabic,5,white,normal,normal" bkcolor="transparent" bkimage="backgrounds/21.gif" border="none,4,gray" type=0 line=0 align=center use=ex num="0,black"]
المزنه الغرا مشت من لديده = ممشاه من خشم الهضاب المظله
من خشم عرنان للينه للضيده = بطول ماجت بمخايل كله
جت من شمال وقبله مستريده = زهاب خطو المصطفق عادتن له
مده من الجبله تناول مديده = بوسط العريق وخمشات بان ظله
مثل عراقيب الدبى يوم جيده = ومثل لجاجات الحشر يوم استهله
كبن عشاهن بالملاقا من بديده = كديدحان البوسهم يوم فله
مير هاش ماضيعت من بديده = ويا ما غداله بين حلالن وحله
غدا الذويبى ومسلط بى ضديده = وغدا ابن ردعى فوقهم تقل جله
حتى الذويبى ومسلطن ضاق عيده = من ماطرن تو القلوب استهله[/poem]
وهو يصيح عبيد الرشيد انا اخو نوره الطنايا سناعيس ويكمل خضير الصعيلك القصيده
[poem=font="Simplified Arabic,5,white,normal,normal" bkcolor="transparent" bkimage="backgrounds/21.gif" border="none,4,gray" type=0 line=0 align=center use=ex num="0,black"]
يا ورثه الاجواد وين الوعيده = الى وعدتنى ترى نستحله
وعيدتن بين الامير وعقيده = وابن رخيص محمد هو شاهدله [/poem]قال ابن رشيد وانا اخو نوره تستاهل ابشر ابشر يا خضير هب هباك الله وهو يعطيه ويكرمه
وسلامتكم رحمه الله على ابن رشيد وعى الشاعر الكبير خضير الصعيلك الاسلمى الشمرى وعلى اموات شمر والمسلمين
اخوكم الرطاب
رد مع اقتباس
المفضلات