الامير/حمود العبيد الرشيد والامير/ركان بن حثلين والشيخ ابن صباح

[الغفل ضيغم]

[align=center]بسم الله الرحمن الرحيم


كلن بسمه

بس حبيت اذكركم اني نزلت موضوع قبل كم يوم وما لقيت اي رد عليه وارجوا من عنده معلوه عن الموضوع يفيدن وكان الموضوع باسم
((( ؟؟ سؤال لجميع اعضاء هذي المنتدي )))
واللي عنده الاجابه علي سؤالي لا يحرمنا من الاجابه لأهميته


اما موضوعي هالحين يتعلق بالامير / حمود العبيد الرشيد والامير / راكان بن حثلين والشيح أبن صباح حاكم الكويت



ولاني ما حبيت اني احط في ذمتي شي حبيت اذكر اللي انا متأكد منه وبس ومن عنده معلوه أرجوووووووووا ان يضيفه

&&& الســــالــــــفـــــــه &&&

اللي أعرف ان حصل خلاف بين الامير/ ركان بن حثلين والامير/ حمود العبيد الرشيد بس مدري وش نوع الخلاف أو بالاصح ماني متأكد من المعلومه اللي أعرفه واللي عنده المعلمه يورده لنا

وبسبب الخلاف اللي بينهم قام الامير / راكان بن حثلين ينخي الشيخ ابن صباح علي الامير/ حمود الرشيد بقصيده
والقصيده للأسف لا احفظ منها إلا ثلاث ابيات ومن لديه القصيده كامله ارجوا ان يزودنا بها ،،، والقصيده تقول :::

قال الامير / راكان ابن حثلين

أسلمــك سيفن صغيــلن بيمنــاك &&& وأضرب علي ياشيخ ما كنت ناوي

والله مــــا تطيـه يمنـــاك يســراك &&& لا شفت وقعه في كبــار اللهاوي

أسمع كلام اللي علي الطيب ينخاك &&& وأترك كلام اللي عن الطيب ثاوي


هذا اللي أحفظه من القصيده ،،، وصلت قصيدت الامير/ راكان بن حثلين .. للأمير/ حمود العبيد الرشيد ويوم سمعه رد عليه بقصيد وقال :

قال الامير / حمود العبيد الرشيد

قصيـدك اللي يابــن حثلين دهـــواك &&& تضرب علي طــاش البحر ما تــراوي

وأذهبت ( يامن ) في قصيدك وحمراك &&& وبعتـه برخــص عقب ماهو غــلاوي

وقـولن بـلا فعـلن بها النــاس تقفــاك &&& والحكي ببلاشن وشـرب القهـــاوي

غــديـت مثــل أفــداوي الله يبــلاك &&& وعرضت ( يامن ) للمحــن والبـلاوي

كم وأحـدن في جرتـك يتبـع أرضــــاك &&& من عقب مــا هو من كبـار الهقاوي

لولا (أخو نـوره) جابلك يــوم جــلاك &&& تمــوت وأنت مــع الاجنـاب جــلاوي

وقصيـدك اللي تــذكر الطيــب خـلاك &&& تحت نحــور الخيــل مثــل الحــذاوي

وأخبر تــري ما جـاك من فعــل يمناك &&& معه كثيــر الحكي هـــو والحــداوي

وأن طعت شوري حط حكيي بمعناك &&& لا تصيــر في كــل الاحـوال فــداوي

تـري الفـــداوي ذمــه الله لشـــرواك &&& والهــذر مـذمـــوم وكثـــر اللغــاوي

وقــول رجلن مــا يخـافـــك ويـــدراك &&& لا هـــو هتيمين ولا هـــو حســاوي

في ظـل شيخن بالمراكيــض خــلاك &&& بالمجمعه بظــلال عطـب الاهـــاوي

أحـرص من اللي يوم حـاما تنصــــاك &&& وخلاك تمــرح في شعيبن خـــلاوي

وأن كـان تبغي النصح حنـا نصحنــاك &&& مــاهـي كثيــر الهــذرمه والحكــاوي


وبهذا يكون أنتهي رد الامير/ حمود الرشيد

وفي النهايه أرجوا الافاده عن تسائلاتي والاستفاده ...


هذا والسلام عليكم ورحمت الله وبركاته [/align]

[خالد الشمري]

الاخ الغفل ضيغم الصحيح ماذكرته من ابن حثلين رحمه الله عليه ارسل قصيده لابن صباح يحثه على محاربه ابن رشيد وهي تتضح في بيته التالي :
أسلمــك سيفن صغيــلن بيمنــاك &&& وأضرب علي ياشيخ ما كنت ناوي

وهذا مادعا الامير حمود عبيد الرشيد رحمه الله يرد على راكان بقصيدته المشهوره وكل هالكلام معلوم للقاصي والداني ...



لكن مادعاني للكتابه هو ماطلعت عليه في احد المواقع التي يقول فيها كاتب هذه الروايه انها مأخوذه من منتديات العجمان وانا لااتحمل مصداقيتها او عدم مصداقيتها فقط احببت ان يطلع عليها الجميع :


عندما سألنا المؤرخ سعود بن جمران عن العلاقة بين الامير راكان بن حثلين وابن رشيد اجاب وقال:
س- كانت علاقة الامير راكان بن حثلين مع حاكم حائل محمد العبدالله ال رشيد علاقة مودة وصداقة ولكنها كانت متوترة بين الامير راكان وابن عم حاكم حائل حمود بن عبيد ال رشيد نرى ذلك في قصائدهم فما سبب ذلك الخلاف؟

ج-العلاقة أصبحت متوترة بين العجمان وال رشيد قبل كون ( حمى ) ، العجمان كانوا يناصرون سعود الفيصل ( ابوهلا) على اخيه الامام عبدالله الفيصل ومن المعلوم ان الامام عبدالله الحق هزائم كبيرة بقبيلة العجمان في معركة ملح عام 1276هـ وفي معركة الطبعة عام 1277هـ ، فذهبوا العجمان جلاوية، منهم من ذهب الى البصرة ومنهم من ذهب الى البحرين ، فنرى ان العجمان ناصروا سعود الفيصل في معركة ( جودة ) وغيرها من المعارك وقضوا على حكم الامام عبدالله الفيصل ، وحكم بالتالي سعود الفيصل صديق العجمان ورفيقهم ، ولكن حكم سعود ( ابو هلا ) لم يدم سوى اربع سنوات ثم توفاه الله ، وعاد الحكم مرة اخرى لاخيه الامام عبدالله الفيصل ولكنه لم تستقر له الامور حيث أحدثت الحملة التركية على الاحساء والقطيف خسارة هائلة لحكمه حيث أقطعت منه اخصب واغنى الاراضي في حكم الدولة السعودية الثانية ، ولم تبقى له سوى الرياض ونجد، من خلال هذه الاحداث تشجع ابن رشيد الذي كان تابع للحكم السعودي بالانفصال ، حيث كان يستمد القوة من الاتراك فقام بتحريض المدن والقبائل بالانفصال عن ابن سعود ، فانفصلت الرس وعنيزة وبريدة والمجمعة وغيرها عن الحكم ال سعود ، فأبناء سعود الفيصل لم يتفقوا مع عمهم عبدالله الفيصل حيث حدث صراع على الحكم مدة طويلة ، اثناء هذا الصراع على الحكم قام ابن رشيد ببسط نفوذه على مناطق نجد والرياض والخرج والقصيم الى وادي الدواسر.
فكان الامير راكان بن حثلين مزعوجاً من استيلاء ابن رشيد على نجد كلها ، فحدثت بين ابن رشيد والامير راكان بعض القصائد ومنها قصيدة مزورة وهي التي تقول :
خطك لفا ياحمود والنـدْل يفـداك
وفهمت انا معنى الكلام النحـاوي
وتوي عرفت انك سفيـه بمعنـاك
ولا تحسب انك في كلامك رهاوي
وان كان تبغي النصح حنا نصحناك
واخذ كلام النصح صدق شفـاوي
واياك لا تفطـر عيونـك بيمنـاك
وترك كثير الهذْومـه والهـذاوي
وابليس لايرميك في بيـر الادراك
وتراك فيما قلـت بالقيـل غـاوي
وانا نذيرك يابن الامجاد وانهـاك
هديـه كـان تبغـى الـهـداوي
وان طعتني ولا ترى قداك ماجـاك
وربي حذف بك في كبار البـلاوي
يامـا ويامـا يالسنافـي ذخرنـاك
في حشمه الممدوح عطب الاهاوي
لاشك خلينـاك مـن شـان ذولاك
ربـع لهـم ورد بيـوم العـزاوي
ياحمود يامسكيـن يامـا تركنـاك
مسكين ماتحمل ركـوب ونخـاوي
اخدْ كلام الصدق ماهـي حكايـاك
كلام مـن هـو مقعـد كـل داوي
والله لونبغيك ان يطنـب رغـاك
وتقعد على المرحان ياحمود ثاوي
وان كان قصدك قيل حنا عطينـاك
كانك لنظم القيل طـرب وهـاوي
ترى مشير السو جابـك وخـلاك
خلاك فـي جـو وحيـد خـلاوي
ذكرت حمى ليت حنـا حضرنـاك
حتى تضيـع مروتـك والهقـاوي
ياليت حنا يـوم جيتـوا نطحنـاك
حتـاه مايبقـى لجمعـك شـلاوي
واذكر نهـار بلهيليطـه جزرنـك
طرحانكم مثل الخشيـب متسـاوي



حيث شهدت تزوير هذه القصيدة بعيني في السبعينات واحلف على المصحف انها مزورة ونصحت الاخ المزور بعدم كتابة هذه القصيدة ، ولا تأخذك الحمية لشيخك بقولك قصيدة لم يقلها ، حيث كتب قصيدة مزورة على نفس قافية ووزن قصيدة حمود ال رشيد ، فنصحته كثيرا عن ذلك ولكنه لم ينتهي وكُتبت هذه القصيدة وذاعت عند الناس على انها للأمير راكان وهي ليست له بل مزورة على الامير راكان بن حثلين ، حيث كانت قصيدة حمود ال رشيد اغضبت مزور القصيدة فأراد تزوير قصيدة على الامير راكان بنفس وزن وقافية قصيدة ابن رشيد كما ذكرت سابقا ، ولكن القصيدة الصحيحة جاءت بغير وزن وقافية قصيدة ابن رشيد وهي :
يـا ديرتـي لا تحسبينـا شـديـدي
نبغي إن وسَّع من جنوب(ن) إخطاهـا
يا دار نبغا لـش نهـار(ن) سعيـدي
قوم(ن) بغوا جالش إبنسحـل إدواهـا
من صلب يـام(ن) ملينيـن الحديـدي
عَجَب عيوني لا وِقـف صَـب ماهـا
مشَّاهم اللـي مَـال حكمـه ضديـدي
جمايلـه مـا حـن بنحصـي ثنـاهـا
دولة شريـف حكمهـا اليـوم بإيـدي
التـرك والبـاشـه زيــادة بـلاهـا
يا مقصد المولـى عِويـن وجديـدي
إنـك توفقنـي النَّفـسـي إرضـاهـا
وخلاف ذا يا راكب(ن) فـوق هِيـدي
بُواطـن(ن) قَطـع الرَّيـادي إمناهـا
ملفاك أخو مريـم زبـون الضهيـدي
وزَبن الطحوس إللي هفت في إغذاهـا
يا شيخ ما عيَّنـت بيـت(ن) جديـدي
ما قد لكم احد قد وطـى فـي إحماهـا
ليـت(ن) لكـم والله علينـا شهيـدي
طوارفِـك لا جـات لا هُـو ذَراهــا
لا جـاو خِدامـك حَـرار وعبـيـدي
زود(ن) على الحشمة إنجـدد إكساهـا
غير يا شيخ جاك العلم منّـا وكيـدي
حَمَّى نبي ناخـذ سريـع(ن) إقضاهـا
ارفع شراع الحرب يا ابـن رشيـدي
جاتـك مـوردة يـام ممـا حـداهـا
جَتك الجموع اللـي تنـوش البعيـدي
ياميـة(ن) بالهـوش تَـروي قناهـا
شلف(ن) تَـروي مقاضيـب بِليـدي
صـوارم(ن) كـان المشاعـل سناهـا
تبغي غم(ن) لي وانـا اليـوم عيـدي
رنّـت مزاميـر السَّعـد مـن سماهـا
ويا حزام لا جاء القـدر مـا يفيـدي
وما دبَّر الوالي علـى النفـس جاهـا
غَار صار يا شيخ وأنا ما عاد في إيدي
لا عــاد اقـدرهـا ولا الله رفـاهـا
و يقـول قومـه طيرنـا والنشيـدي
ولاَّ قديـمـات الجمـايـل نـسـاهـا

وهذه القصيدة الصحيحة ولقد اخذتها من اكبر راوية ومعمر في العجمان وهو ( طنيقر بن مسعود ال حبيش ) منذ اكثر من 25 سنة ، وهذه القصيدة أرسلها الامير راكان الى ابن صباح مع مرسول وهي ردا على معركة حمى بسبب قصيدة الطير يوم يقول الامير راكان:
و يقول قومه طيرنا والنشيدي
ولاَّ قديمات الجمايـل نساهـا

[الغفل ضيغم]

الاخ الغفل ضيغم الصحيح ماذكرته من ابن حثلين رحمه الله عليه ارسل قصيده لابن صباح يحثه على محاربه ابن رشيد وهي تتضح في بيته التالي :
أسلمــك سيفن صغيــلن بيمنــاك &&& وأضرب علي ياشيخ ما كنت ناوي

وهذا مادعا الامير حمود عبيد الرشيد رحمه الله يرد على راكان بقصيدته المشهوره وكل هالكلام معلوم للقاصي والداني ...

[align=center]
الاخ خالد الشمري أنت قلت حسب كلامك أن الامير راكان بن حثلين ارسل قصيده لابن صباح يحثه علي محاربه ابن رشيد وستشهدت في البيت الاول اللذي اوردت انا والي يقول فيه الامير / راكان بن حثلين

أسلمــك سيفن صغيــلن بيمنــاك &&& وأضرب علي ياشيخ ما كنت ناوي


ولكني لا زلت مصر علي ان الامير أبن حثلين ((( ينخي ويحث ))) ابن صباح لمحاربت ابن رشيد والدليل في البيت الثالث من قول الامير ركان

أسمع كلام اللي علي الطيب(( ينخاك)) &&& وأترك كلام اللي عن الطيب ثاوي

وعلي العموم كنت اتمني منك ان تكمل قصيده الامير / راكان ابن حثلين واللتي منها



أسلمــك سيفن صغيــلن بيمنــاك &&& وأضرب علي ياشيخ ما كنت ناوي

والله مــــا تطيـه يمنـــاك يســراك &&& لا شفت وقعه في كبــار اللهاوي

أسمع كلام اللي علي الطيب ينخاك &&& وأترك كلام اللي عن الطيب ثاوي


أما يخصوص قولك يعلمها القاصي والداني <<< ماهو المعلوم للقاصي والداني قصيدة الامير / حمود الرشيد ام القصه بشكل عام ...
واذا كانت القصه بشكل عام ارجوا توضيح القصه ،،، لان قصيدت الامير حمود الرشيد عند قرائتها تجد علامات استفهام كثيررررررررررره وارجوا منك التركيز وسوف تلاحظ بنفسك وهذا ما دعاني الي السؤال؟؟؟؟؟؟؟؟


وسؤالي بشكل اوضح
ما هو الخلاف بين الامير ركان والامير حمود أو ماهو السبب اللذي خلي الامير ركان ينخي ابن صباح ،، ولا ينخي الا المهزوم او اللذي لا يستطيع ان يأخذ حقه فيطلب العون بالنخوه والفزعه

فما بالك أذا كان امير مثل الامير راكان بن حلثين ،،، والأمير راكان غني عن التعريف
هذا ما حبيت ان اوضحه لك اخي خالد وللاخوه الكرايم في هذا المنتدي

اما بخصوص مانقلته من منتدي العجمان فمشكووووور علي النقل

عندي ملاحظه بسيطه ،،، وهي بخصوص القصيده واللي مطلعها


يـا ديرتـي لا تحسبينـا شـديـدي
نبغي إن وسَّع من جنوب(ن) إخطاهـا


انا هنا لست بصدد صحت هذه القصيده او انكاره ،،، ولكن استغربت من القافيه مع العلم او ما إغرفت ان الرد علي قصيده يكون بنفس القافيه ،، إلا توافقني اخي خالد علي هذا الري إلم تتعجب انت في أختلاف القافيه


علي العموم الله يعطيك العافيه اخوي خالد علي مرورك اللذي اسعديني
هذا وتقبل تحياتي [/align]

[سعد الشمرى]

غفل الضيغمى مشكور على الايراد للقصص الطيبه المنسيه لكن على ما اعتقد بان
الامير \ راكان ابن حثلين رحمه الله عليه لم يكن بينه وبين \ اى من حكام شمر اى عداوه
هذا الى اعرفه ودليل بان الذى تشفع لراكان ابن حثلين عند الاتراك هو الرشيد وهو الذى اخرجه من السجن كما هنالك دليل وهى قصائد الامير ابن حثلين يوم يقول

سلامى لاخو نوره لزوم عليه
ودليل الثانى هو

مانى حافظ القصيده لكن يقول ماهى لنا انت اميره
وهنالك اكثر من مساجله بينهم بالمدح والعلوم الطيبه
وانا استغرب عندما سمعت شريط لاخواننا العجمان بانهم يذكرون غزوات لهم على شمر كما لم تذكر عشيرتنا اى غزوه لنا عليهم

وقد سأل ابن رشيد عن أربع قبائل فمدحهم ومن ضمنهم العجمان


والله اعلم


زنت ولاهنت
اخوك الرطاب

[الغفل ضيغم]

[align=center]
هلابك الرطااب هلا ببو جوزا

بس حبيت اوضحلك يالرطاب ان الخلاف بين الامير حمود والامير راكان ،،، وانا حددت هذا الشي ،،، اما المعروف ان علاقته مع باقي امراء الرشيد او اغلبهم ممتازه ،

اما بخصوص ان الرشيد تشفعلو له عند الاتراك هذي ما خالفك به
وبنفس الوقت ما استغربه علي الرشيد ولا علي شمر عامه ولاتهون باقي القبايل
بس هذا ما هو دليل علي انه ما فيه خلافات ،، وحتي لو مدح الامير راكان الرشيد ما هو دليل انه ما بينه وبين الامير حمود خلاف

وبالنسبه لمدح الرشيد لهم معروف ياخالي اول يوم عز شمر والقبايل كان الرجاال ما يسب ذباااح ابوه ولا اخوه واذا سئل عنه ما يقول الا اللي به <<< كان الواحد ما يذكر الا الحق .....


علي العموم تسلم يالخال وشرفتنا بمرورك ولايهونون الاخوان ، وبما اني ما حصلت رد علي الموضوع بشكل قاطع بالنفي او بالتأكيد

انا راح احاول انزل الموضوع كامل ان قدرن الله عليه بقرب وقت


تحياتي لك[/align]