الشاعر التبيناوي ينخى شيوخ عبده

[الفضيلي.]

[align=center]بسم الله الرحمن الرحيم
السلام عليكم ورحمة الله وبركاته وبعد:
كان الشيخ عجيل الياور رحمه الله قد منع المغازي بعد إتفاقية بين السعودية والعراق
وقد نبه الياور من عنده في منطقته بإعتباره مسؤولا عن شمال العراق ولم يعلم العقيد -عقيد غزو- طليحان التبيناوي بذلك فغزا هو ومن تبعه إلى أن وصلوا وادي الدواسر
وقد كسبوا من بادية السعودية إبل
فأمر عجيل بحبسه إلى أن يرجع الإبل فقاله ياعجيل ماعندي خبر بالمنع فرفض عجيل إطلاقه
فقال بركات التبيناوي ينخا عبده وشيوخه
والشيوخ كما هم هم مرتبين بالقصيده: عقاب بن عجل، بن هثمي ،بن سوقي ، بن جبرين ، بن علي وادي وعباس ، بن شريم
يقول التبيناوي :

[poem=font="MS Sans Serif,5,white,bold,normal" bkcolor="black" bkimage="" border="none,4,gray" type=0 line=0 align=center use=ex num="0,black"]
أرقبت أنا المرقاب وقلبي موجع = على ديرة صوبه حقوق مخايل
أخيل المنشا على دار شمر = وأنا بحسبت تايهين الدلايل
عزيزين بنفسي لاكن ماعز لابتي = عز بلا شيخ عزومه قلايل
نرجي طويل السيف جناب ذودنا = حطاط بقلوب المعادي غلايل
شيخ ليامنه سرى ليلة الدجا = خلا باطراف المعادي دبايل
خلى هجيج الضان والقش والدبش= وخلا كثير المال ماله رحايل
وخلى طويل السيف ماينهض العصا= هذاك هو شيخ الشيوخ الصمايل
ماقيل راعي موسم شاخ بالعرب = يرشم على شمر حماق القبايل
شيخ بلا مد تحربه جماعته = هذاك يحسب من رجال بخايل
راكب عشر على لون شيبا = تفزيز ربد عايزات المثايل
منهن ثلاث لبوجزاع بادي = زيزوم غلبا يوم زوم الدبايل
أبوجهز ريف اليتاما بغلوه = كثير القرايب بالسنين الشلايل
طيبه مثل سنجار كل يعاينه = يزوم من فوق الجبال الجلايل
ومنهن ثلاث لابن كداش ينتون = هو والهيافا كاسبين النفايل
ومنهن ثلاث لابن سوقي ولابته = هووالخليبص فوق قب الأصايل
والعاشرة تنخى الفضلان وتروح الوعد = لوادي شوق منسفات الجدايل
وعباس زريقي الخيل ياقيل روسهن = ياجن مع المزلوه صم شخايل
وعلى مسلط مسهاج درب بصيحة = الحر ياتي بالجموع الثقايل
ياشافته خيل العدا جاهن البلا = تفزيز كدريا عن الحر جايل
قل ياجفانا الظلم عن دار شيخنا = كل ديرة يندار فيها المكايل
أخو فهيده قيد من وسط نزلنا = يبغا بحق وطالب الحق عايل
أخو فهيده ينخى السناعيس لابته = هل الفعايل مرملين الحلايل[/poem]

وبعد ذلك تحرك شيوخ عبده إلى الياور وقام الياور بإطلاق طليحان

رحم الله الجميع

هذا وتقبلوا شكري وإمتناني لكم[/align]

[خشف زوبع]

الفضيلى مشكور على الموضوع الطيب


اختك \ خشف زوبع

[الفضيلي.]

أشكر كل من شارك أو شاهد الموضوع
ودمتم

[شهوان الضيغمي]

[align=center]
قصة وقصيدة على لسان بركة بن جريد الشريهي
________________________________________

قصيدة بركه بن جريد الشريهي الدغيري العبدي الشمري

ولها قصة الشيخ العقيد طليحان التبيناوي من اهل نجد ومتعودين على المغازي على عهد حكم ال رشيد وبعد ما انتها حكم ال رشيد وانضمت الى حكم الامام عبد العزيز بن عبدالرحمن ال سعود ونزح الكثير من شمر من الجبل الى العراق خوفاً من بطش الاخوان وبعد ماوصلوالى العراق بدا بعض عقداء شمر يغزون على اطراف السعودية واطراف الكويت ومن ضمنها غزوة الشيخ العقيد طليحان التبيناوي ومعه من شمر على بعض القبائل وأخذ منهم مكاسب ضخمه وكانت قسمة كل رجل شارك بهذه الغزوة عشره من الابل وعند ماسمع عقيل الجاور بهذا الخبر أرسل لطليحان وعندما أتاه قال ياطليحان عبدالعزيز أبن سعود والشريف أتفقوا حكام السعودية والكويت والشريف حاكم بغداد على أن أي شخص يغزي الثاني بأنهم يرجعون ما أخذ من الطرف الثاني وأن يقف غزو البدوا على البعض وأنا كفيل شمر الي بالعراق عند الشريف فيصل ملك العراق, وقال التبيناوي انا من هل نجد ولاعندي خبر بالامر ومن هان وبعد نمثل ا أمر الحكومة وقال الشيخ عقيل الجاور لازم ترجع الحلال الى اصحابه ورفض طليحان التبيناوي ترجيع الحلال الى اصحابه ودخلوه السجن عشرين يوم ولم يتحرك أحد من شمر لفك أسر طليحان فقال بركه بن جريد الشريهي هذه القصيده والتي ينخى شيوخ عبده على عقيل الجاور ومنهم ( الشيخ وادي بن راشد العلي سقط أسمه من التعريف الاول) والشيخ عباس أبن مهوس ال علي من اكبرشيوخ شمر من الجعفر من عبدة والشيخ حواس أبن كداش الدغيري العبدي والشيخ عقاب العجل الفضيلي العبدي والشيخ تركي أبن سوقي الربيعي العبدي

[poem=font="Simplified Arabic,5,white,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
نطيـت بالمرقـب وقلبـي مـوجـل=على ديرتي جالـه صـدوق المخايـل
أخايـل المنشـئ علـى ديـار شمـر=وانـا بحسبـت تايهـيـن الـدلايـل
عزيـز بنفسـي ولا أعـز لابـتـي=وعـز بـلا شيخـه أظنـه قـلايـل
نرجي طويل السيـف فكـاك ذودنـا=حطاط بكبـود المعـادي غلايـل (1)
شيخ اليـا منـه سـرى ليلـة الدجـا=خـلاه بربـاع المـعـادي دغـايـل
وخلا هجيج الضان والقـش والدبـش=وخـلا كثيـر المـال مالـه رحايـل
وخلا طويل السيف ماينهـض العصـا=هذاك هـو شيـخ الشيـوخ الصمايـل
ماقيل راعي موسـم شـاخ بالعـرب=ويرشم علـى شمـر حمـاد القبايـل
شيـخ بـلا مـد تحـربـه رفاقـتـه=هذاك يحسـب مـن رجـال بخايـل
ياراكـب عشـر علـى لـون شيبـا=تفزيـز ربــد كـامـلات المثـايـل
منهـن ثـلاث لبـو جـزاع بـادي=زيـزوم غلبـا يــوم زوم الدبـايـل
أبوجهـز ريـف الضعافـي بضفتـه=يذيـر القرايـب بالسنيـن القـلايـل
ومنهـن ثـلاث لبـن كـداش ينتـون=واولاد عـلـي كاسبـيـن النفـايـل
طيبـه مثـل سنجـار كلـن يشوفـه=يـزوم مـن فـوق الجبـال الجلايـل
ومنهن ثـلاث لبـن سوقـي ولابتـه=هو والخليبـص فـوق قـب سلايـل
والعاشره للفضـلان وتـروح الوعـد=لـوادي شـوق منقضـات الجـدايـل
وعباس زريق الخيل وان قيل روسهن=ان جـن مـع المزلـوف صـم شخايـل
وعلى مصفق المسهاج درب بصيحـه=الحـر ياتـي بالجـمـوع الثقـايـل
ياشافته خيـل العـدى صابـه الفنـى=تنزيـز كـدري مـن الحـر جـايـل
اليا جفانـا الضـل عـن دار شيخنـا=كـل ديرتـن نلقـى بغيـره بـدايـل
يايبسـت قلبانهـم شلـص الحـصـا=كم كوكـب نلقـى بصوغـه فضايـل
أخو فهيـده قيـد مـن وسـط نزلنـا=يبقى بحـق وصاحـب الحـق عايـل
أخو فهيده ينخـى السناعيـس لابتـي=قوييـن الاريـا مرمليـن السـلايـل [/poem]


وعندما وصلت القصيده ثار عباس أبن علي و دفق دلال القهوة وقال قوموا
سناعيس وينكم وش هو عذرنا عند أبن جريد وعبده تشربون عندي من هالفناجيل (2)

وطليحان يلاوي بالسجن وتزعم عبدة عباس بن علي واتجه بجموع عبدة ووقفوا على بيت عقيل الجاور ويوم شافهم عقيل قال للعبد استقبل الرجال وخلهم يقلطون و جاهم العبد وقال عمي عقيل يقول تقهوون وهم يردون عليه ماحنا جايين نصلح بطوننا جينا نبي طليحان التبيناوي يطلع وهو يطلع لهم عقيل قال ياشمر لو أطلقه ينقد علي الشريف قالوا ماحنا بحالك أنت والشريف أطلع طليحان ويرسل عقيل العبد يم السجن قال ياطليحا ن ابشر بالفرج اطلع من السجن وقال طليحان انت امس تقول والله ماتطلع من السجن
وقال العبد يااخوي اتو جماعتك عبدة ورفضوا ينزلون من الخيل والهجن ويقولون لازم يخرج طليحان من السجن وفعلاً اخرجوه من السجن بالقوة وانتهت
ــــــــــــــــــــــــــــــــــ
(1)طويل السيف فكا ك ذودنا, يعني ال رشيد حكام حائل )[/align]

[راعي الوقيد]

[align=center]الله يعافيكم اخواني على الموضوع وعلى الإضافات

لكم التحية

والسلااام ...[/align]

[راعي المغاتير]

بسم الله الرحمن الرحيم



الفضيلي مشكور على الموضوع القييم


لكن به وبه




وماقصر شهوان الضيغمي تدارك الوضع

ومشكورين كلكم






تقبلوا تحياتي...

[الفضيلي.]

الأخ راعي المغاتير حنا هنا عائلة واحده الكل من يكمل الآخر وأنا موضوعي جيد أتيت بقصه بإختصار وبكل القصيده وذكرت أسماء الشيوخ كما هم مرتبين بالقصيده والشاعر بركه بن جريد كما تروي الكتب وبركات أبورضوى كما يروي الشيبان وكلهم التبانا
إن كان موضوعي كما تقول به وبه فأرجوا منك التوضيح بدون لف ودوران وأكون لك من الشاكرين

[شهوان الضيغمي]

والشاعر بركه بن جريد كما تروي الكتب وبركات أبورضوى كما يروي الشيبان وكلهم التبانا

أبن عمي الفضيلي بالنسبه لبركه فهو رجل شاعر من رجال الشريهه الكرام وليس من التبانا وهو جد لجريد

السليمان الشريهي المتواجد بتربه حاليا" فشكرا" لك أخي العزيز ..

[مشــــعل]

وسبعة انعام بمن ذكرت

تسلم يالفضيلي

ويسلم شهوان على الاضافه

لاهنتم

[فواز الغسلان]

اشكر الاخ العزيز الفضيلي على موضوعه الرائع وكذلك الافاده من الاخ


العزيز شهوان اللي اعطانا فائده جديده 00 وهذا هو المطلوب دائما لان الشخص يضع الموضوع ويقول هذا

اللي سمعت من شيباننا فمن سمع غير ذلك يفيدنا فيه وهكذا كل شخص يدلي بدلوه الى ان نصل الى

اكتمال الموضوع وهذا هو الذي حصل هنا فلكم الشكر والتقدير جميعا وتقبلوا تحياتي 00


الراوي00