[align=center]بسم الله الرحمن الرحيم
غزت قبيلة ولد سليمان من عنزة بقيادة الشيخ الفارس عقاب بن سعدون العواجي رحمه الله واخيه الشيخ الفارس حجاب بن سعدون العواجي رحمه الله على قبيلة ولد سليم من حرب بقيادة الشيخ ناقي بن حسن السليمي الحربي يريدون الابل وكان النصر حليف السلايمة الحروب وقد نشرت بكتاب ابطال من الصحراء معركة قبلها على ابن فرهود الظاهري الحربي وكان النصر فيها حليفا لعنزة ولم ينشر في نفس الكتاب مايدل على هذه المعركة الا قصيدة الشيخ عقاب بن سعدون العواجي رحمه الله وذلك عندما اجاب المراة التي تساله عن حليلها المقتول في المعركه حيث قالت المراة
ياعقاب ياحبس الظعن بااللقا الشين
يااللي حريبك بالهزيمه يمنا
عينت ذيب الخيل يوم الاكاوين
نور العيون بغيبة الشمس عنا
هو سالم والا رموه المعادين
ياعقاب خبرني تراي اتمنا
فاجابها الشيخ عقاب بن سعدون العواجي رحمه الله ابن شيخ قبيلة ولد سليمان من عنزه بقوله
يابنت يااللي عن حليلك تسالين
حنا لنا حي يسالون عنا
خمسة عشر ليلة على الوجه مقفين
ندور وضح بالاباهر تحنا
وشفنا هل البل شاربين الغلاوين
من دون رخم للحوير تحنا
جونا ثلاثميه وحنا ثمانين
مثل المحوص الشلف منهم ومنا
وبانت رديتهم وشفنا الرديين
وكل عرفنا عزوته يوم كنا
ليتك تراعي ياعذاب المزايين
يوم ان عيدان القنا يطعننا
منا حليلك طاح بين المثارين
في ديرة فيهاالوضيحي تثنا
ومنهم جدعنا عند شوقك ثلاثين
وكم خير من راس رمحي يونا
في ساعة فيها تشيب الغلامين
انطح نحور الخيل يوم اقبلنا
ياما نقلت الدين والحقته الدين
وحريبنا في نومته ما تهنا
ارسي لهم يابنت وانت تعرفين
لياما حمام النصر رفرف وغنا
واردها والحق ربوع مخلين
بوجيه قوم يطلقون الاعنا
عاداتنا نخلي سروج المسمين
ونروي حدود مصقلات تحنا
وقلايعي من نقوة الخيل عشرين
قب ولا فيهن ثبار ودنا
واليكم قصيده الشيخ ناقي بن حسن السليمي الحربي رحمه الله احد شيوخ ولد سليم من ولد محمد من بني سالم من حرب في المعركة ولو ان ابو زيد الامير محمد بن احمد السديري رحمه الله نشرها في كتابه ابطال من الصحراء لكان اكمل للانصاف بين القبيلتين لان الشعر يثبت الافعال في عصر انعدم فيه التدوين او كاد وقد ذكر الشيخ ناقي رحمه الله في قصيدته المواضع التي جرت فيها المعركة مثل وسمه وبشرى والخضر والبدايع وهي بين المدينة المنورة وحائل واشار بها للوقعة قبلها التي اخذ فيها الشيخ العواجي ابن فرهود الظاهري يقول الشيخ ناقي
ياحجاب ماحنا فريق إبن فرهود
اللي تفاجيهم بصفر ٍطلائع
أذوادنا من دونها حربه العود
وقب ٍنطبعهن على أحسن طبايع
عليهن اللي لبسهم صنع دايود
وشلف ٍ لها بين القبايل شوايع
مليحهن ذقتوه والفعل مشهود
بخشوم بشرى والخضر والبدايع
والرابعه صبّحت رمحات بجرود
حم الشعاف متوبعات المشايع
وثار الصياح ولحقت الخيل عرجود
بمجرّب ٍ ضيّق عليك الوسايع
ياحجاب فضلت السلامه على الفود
وطلعت منها ياحمرالعين طايع
برقاب ربعك يصرخ السيف مجرود
من حظ ذيب ٍله زمانين جايع
وطيور وسمه تصدر اليوم وتعود
رازقهن اللي خصّكم بالقطايع
عادات ربعي باللقاء تاخذ الزود
يوم النشاما بين سايم وبايع
اللي من أول خيلكم رد مردود
واللي من التالي يرد القلايع
وأنا على اللي ماعطت يوم بصدود
اللي من العاده تطش الوقايع
وان جاء نهار ٍفيه طارد ومطرود
ياما على الصفراء كسبت الصنايع
وانتم سالمين وغانمين والسلام[/align]
رد مع اقتباس
المشاركة الأصلية كتبت بواسطة الشاهري العبيدي
المفضلات