[poem=font="Simplified Arabic,5,white,normal,normal" bkcolor="black" bkimage="" border="solid,4,orange" type=2 line=0 align=center use=ex num="0,black"]
منهو يواسيني 00 وانا بين الاجناب=لاعارف فيهم ولا بمعروفي
لاعزوة حولي ولا عندي اصحاب=غريب 00 واشكي للنشاما ضروفي
جرحي عطيب ولاتداويه الاطباب=وحملي ثقيل ولاتشيله كتوفي
امشي واخوض من التجارب والاتعاب=واكتم شقاي وعبرتي وسط جوفي
حدتني الدنيا على بعض الاقراب=ورجعت منهم خاليات كفوفي
وجيت الرجال اللي يحلون الانشاب=واللي نصاهم ماتجيه الحسوفي
انا لقيت من السناعيس ترحاب=نعم الرجال وبالمواجيب توفي
شمر ذرا من تنقطع فيه الاسباب=وملجا لمن كثرت عليه الصدوفي
تميزوا بين القبايل والاعراب=شمس تشع ولاحجبها كسوفي
الكل منهم للنواميس كساب=بيته وعينه مدهل للضيوفي
مثل الحرار اللي على راس مرقاب=ترقا على شم الجبال وتنوفي
وقفاتهم 00 وقفة عريبين الانساب =ومداتهم تغني جميع الضعوفي
افعالهم حازت على كسب الاعجاب=تسهد عليها مرهفات السيوفي
وامجادهم يبغى لها شرح واسهاب=ماتنحصي لو تنكتب بالحروفي[/poem]
رد مع اقتباس
المفضلات