اتمنى أن تنال هذه القصيدة البسيطة رضاكم
[poem=font="Simplified Arabic,5,white,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ياالله يا رحمان وأنت العالي = أنت الذي تعلم جميع أحوالي
أسألك ياربي فرج من كربه = وأسألك رحمه يا الإله الوالي
دارت على فكري علومٍ جمه = ودي أصفيها وهي تصفى لي
كنيتها في وسط صدري مده = حرام ما طلعتها من بالي
حاولت أعدي مار ما من مخرج = كل الدروب الأولي والحالي
كله تودي للنتيجة نفسه = نتيجةٍ ما تفرح العذالي
نتيجةٍ تبرا عليها الذمة = وتلقى لها ثقلٍ على المثقالي
يمكن ما أحد يفهم مني هالقصة = ألا الذي يفهم مرام أقوالي
شاعر وأميز فكرتي عن غيري = لا ني بمغرورٍ ولا متعالي
كتبت شعرٍ طيبٍ وأقوله = ودي أطيب فالكم مع فالي
شعرٍ يوضح للعقول الفكره = أفكار راجت بالزمان التالي
صارت علاقات البشر مشبوهه = للمصلحه والا علاقة مالي
يمدحك دامه يرتجي بك حاجه = ويا راحت الحاجة عطاك الصالي
وتلقى مجالسهم سبّاب وغيبه = وكلٍ به عيوبٍ ولا هو خالي
ينهش من لحوم البشر بلسانه = ولا فيه شيٍ يسمعه ما قالي
صارت عقول الناس في دوامه = ولا فيه واحد ثابتٍ ما مالي
ما أقول أنا كل البشر مجنونه = لكن بها ناسٍ عليها هبالي
كلٍ يقول أني ملك في نفسي = كامل ولا به بالرجال أمثالي
والناس ما هي واحدٍ في طبعه = أجناس ربي خالقه وأشكالي
قلت القصيدة صادقٍ في قولي = لا همنى عاذل ولا محتالي
ولو كان بعض الناس ما جازت له = ماني مغيّر لهجتي وأفعالي
ثابت ولا ني مايلٍ في طبعي = لا شايفٍ نفسي ولا مختالي
دايم مقامي بالأمام أشوفه = ما أبرا أنا للنّاس هي تبرا لي
أنا محمد وافتخر في شعري = وأفخر بعمي وأفتخر بأخوالي[/poem]
أتمنى أن تنال هذه المشاركة رضاكم
رد مع اقتباس
المفضلات